فـريدة

إقتباس من الرواية الجديدة

إقتباس من الرواية الجديدة..

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

_إيه يا بسمة إنتِ فين؟ أنا خلاص وصلت الغُرزة أهو.

ردت عليها الأخري بتوتر شديد:

_أنا خايفة من موضوع الغُرزة ده ومش مرتاحة، إمشي من عندك يا "أسماء" هو يعني البحث ده مش هيتعمل غير من الغُرزة.

ردت عليها بضجر:

_إنتِ هتعملي زي "فُتُون"  والا ايه؟  خلصي مستنياككِ،  والا إنتِ مش هتيجي.

_أوووف. للأسف إنتِ صحبتي فلازم أبقا معاكِ، خلاص قربت أوصل.

أغلقت معها الهاتف وتقدمت للداخل بحماسٍ شديد جلست على إحدى الطاولات مع أحد الشباب المدمنين..

قامت بإخراج دفتر صغير وأحد الأقلام من حقيبتها وبدأت فى الحديث معه وعلى ثغرها إبتسامة مُتحمسة :

_إزيك يا أستاذ عامل ايه؟.

نظر لها نظرة جانبية وقال بعدم وعي:

_إنتِ شايفة ايه يا أنسة  ؟!.. كويس زي الفل.

أكملت أسئلتها قائلة:

_هو أنتَ بتشرب مخدرات ليه يا أُستاذ؟.

إتسعت عيناه مما قالت وأردف قائلاً بصدمة:

_مخدرات ايه يا أنسة إنتِ هتوديني في داهيه كدا، ده حشيش.

_بجد؟!.. طيب بتشرب حشيش ليه.

_قلة أدب يا أُستاذة أصل انا ما لقيتش حد يربيني.

_طيب بتحس بـ  ايه لما بتشربها؟.

_بحس إني طاير ومش دريان بحاجة.

إنتهي من حديثة مُقربًا ما بيده منها قائلًا:

_اتفضلِ جربي يا أستاذة.

_محدش يتحرك من مكانه، خدوهم على البوكس.

إقترب هو من الطاولة التى تجلس عليها قائلًا بسخرية:

_الله..  هيا البنات بقيت تروح غُرز.

وقفت هي بفزعٍ قائلة بتوتر شديد:

_لا لا.. حضرتك فاهم غلط أنا دكتورة محترمة.

ضحك هو بقوة وأردف قائلًا  بسخرية:

_دكتورة إزاى يعني جاية تديهم حُقن والا ايه؟.

_لا انا دكتـ...

قاطعها هو بقوةٍ قائلًا:

خدوها على البوكس.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

قريبًا إن شاء الله.

رواية "مَـن لِـي سواكَـ"

لـِ أسماء رضا 💛