على قمة الحكيم ( الجزء الثاني )

البارت الثاني عشر

الهام : ولج اذا طلعتي اجذبين متلومين الا نفسج

روح : مسحت وجهي بيدي وكعدت عدل لزمت مكان رجلي بي ألم مو طبيعي

الهام : كومي راح اجيبلج قنداغ شربي ونامي تكعدين مابيج شي

روح : هزيت راسي افرك برجلي راحت شويه ورجعت بيدهه استكان انطتنيا شربته كله من الخوف رحت بفراشي وتغطيت ونمت اتمنيت بهاي اللحظه ما اكعد واشوف اكثر من الشفته

فاروق ..

فاروق : روح الهاي الكح*** اذا ما اتنازلت اطلع اش*** **

حكيم : انت بيا حال .. فهمني صدك ضاربهه وليش

فاروق : اعرفهه عندي علاقه بيهه وصارت مشكله ومادري بروحي شلون ضربتهه

حكيم : چا اليضرب يضرب بسجيييين

نزار : افر القضيه عليهه دفاع عن النفس

حكيم : وشتكول للقاضي تريد تغتصبه ودافع عن نفسه

فاروق : عنوان بيتهه يندله نزار خلوهه تتنازل اذا ما اتنازلت افتح عليهه باب جهنم وروح ابويه

نزار : السجين الضاربهه بيها وين

فاروق : تصوير الكامره والسجين كلهه ماكو

نزار : انكر انت ضاربهه بالتحقيق واذا طلعو كشف جنايات اول شي البصمات والكامرات وانت كلت الاثنين ماكو واذا لكو شي منك عدها تكدر تكول عندك علاقه بيهه وهيه تتبلى عليك حتى تستفاد منك مصالح شخصيه

فاروق : واذا اعترفت ميطلعون جنايات !

نزار : بعد اعترفت شيردون اكثر

مؤيد : اخويه ليش مناخذ الاهل والناس الخيره واروحلهه

فاروق : هيه كح*** تعترف بالناس الخيره

حكيم : شوكت تكبر وتعقل مو شيبت راسي شفت تالي الكو** وين تصير

فاروق : بس اطلع ارجعهه ب *** امهه

حكيم : امشي كوووم اذا تندل بيتهه خل اروحلهه

نزار : اي اندله امشي

حكيم : ديربالك على روحك

نزار : السجن للكدعان

فاروق : حكيم وكلي محامي بي حظ نزار راح يوديني ورا الشمس

حكيم : كوم لك حتى هناااا

مؤيد : الم ناس ونروح سوه

حكيم : تسلم ابو شهب ما قصرت اروح هسه نتفاهم وياها اذا ماكو حل انشرف شنسوي

مؤيد : شتحتاج تخابرني

حكيم : متقصر

نزار : هيه قريبه منا يعني ربع ساعه احنه يمهه

_ طلعنه متوجهين البيتهه اول ما وصلنه ودكينه الباب فتحتهه عقجه وجهه وتتمقلج

سندس : هلا تفضلو