الجميلة والسايكوباثِ ( الجزء الثاني )

دامِس ( 25 )

خلصت شغلي وأني كوة مهدئة روحي وما ابجي ..
أليوم راح يجون خطار .. بس خطار غير نوع يعني

جهزنا البيت كلة .. وبقى بس احنا نتجهز .. ركضت سبحت العلي وتأكدت من بعيد أنو حيدرة نضيف ومجهز .. وسبحت وبدلت ونزلت أكمل إلي علية ..

أول ما نزلت .. سمعت عمتي ترحب ..

خديجة : ياااااء .. هلاا هلاااا .. هلا بـ أم أمير .. هلا بالغاليةة .. نورتي البيت نورتيي ..

سمراء : ضحكت ورحت سلمت .. صار المغرب .. صلن النسوان واحنا نحضر الأكل .. صبينا واكلو وخلصنا .. ورحنا التمينا لأن ما عدنا شي ..

والحمدلله والشكر .. جان أمير رجال وكد كلمتة .. خطبها الحبيبتة وعمت صگار بس تخوزر .. بعد مراح تكدر تسوي شي لأن خطبها رسمي .. وبعد بس رد الاهل ..

راحو وأني ركضت الـ غزل ..

خلصت البايات وصار بوجهي صگار ..

رجعت لورة وكال بحدة ..

صگار : رايحة تبشريها !

سمراء : أي .. رجال وكد كلمتة وخطبها بعد ما كون روحة وما انتضرتة على الفاضي ..

عفتة ورحت ..

طكت روحي .. الى متى اضل خايفة وما احجي ..
وفعلاً رحت لكيتها تفتر ومبين عليها التوتر ..

سمراء : لججج غزلل خطبتج وبقى بس رد الاهل!

بجت وكعدت بالكاع تتحمد الله وتشكرة ..

غزل : شكراً يارب .. ما خيبت أملي شكراً .. الحمدلله والشكر .. ما خيبت ضني أميري ما خيبتةة حبيبي انتة ..

سمراء : رفعت راسها وانرسمن معاني الصدمة على وجها ..

درت وجهي وأني هم خايفة .. وأذ بـ حسام !!

سمراء : ما تستحيييي .. تسنطط م....

حسام : كل هاي الفترة رافضتني علمود هاذ الحُثالة !!

سمراء : والله ماكو غيرك حُثالة .. امشي وليي لككك ومحمددد آلة اكول الصگار عل....

ضحك ضحكة مستفزة وكال ..

حسام : ما فارغ الج صگار .. ملتهي ويا محبوبتة

سمراء : نغزني گلبي .. ما عرفت قصدة على شمس لو غيرها !!! .. رحت عليت صوتي كلش وطردتة وهوة يتوعد الـ غزل ..

سديت الباب واحنا ثنينا مصدومات بس الصدمة تختلف ! ..

راحت فرحتنا .. عفتها ورحت الغرفتي أفكر بكلامة !