الجميلة والسايكوباثِ ( الجزء الثاني )

دامِس ( 23 )

باسني وضل يتابع تلفزيون ..

مر أسبوع كلش حلو ..

صرنا نحضر الـ سبعة ليندا .. أني صرت جزء من أهل العروس وجزء من أهل العريس .. منو اليحتاجني اصير بفريقة ..

حضرنا وتفقنا نسوي حفلة ..

جهزنا بـ بيت اخوي ( أهل حيف ) وصار وقت الحفلة
مر اليل كلش حلو .. ركص ، وشقى ، وسوالف .. واحلى شي بيت اخوي ومرت اخوي الفرفوشة ..

كعدنا كعدة نسوان وبالتحديد مزوجات .. واخذن ليندا تصنيف .. وفوك كل هاذ أني قديمة بس خلني بالنص .. لحد ما موتنا خجل وآخر شي كمنا من يمهن وضلن وحدهن ..

طلعنا بالكراج واحنا ضايجات ..

ليندا : مو صوجهن صوجي أني كعدت يمهن

فوج : أي والله ..

ليندا : هية هاي سوالف المزوجات الجنت اكتل روحي علمود اعرف شيسولفن !

فوج : هههههههه .. أني ما شافيتهن والله ..

ليندا : هنيالج .. تدرين متندمة لأن سويت حفلة جبيرة !

فوج : ليش ؟

ليندا : ما أعرف ..

فوج : اخذتها على صفحا وكعدنا وكلت ..

- ليندا صاير شي !

ليندا : مثل شنو

فوج : يعني مثلاً شايفة حيف يراسل وحدة أو بينكم مشكلة !

دنكت راسها وفهمت بدون لا تكول ..

ليندا : أي بس قبل سنة ومجرد تعارف بسيط

فوج : وشسويتي ؟

ليندا : زعلت وراضاني

فوج : زين ليش ما اجيتي كلتيلي وأني جنت يمج ؟

ليندا : ما ردت اشغلج عن عائلتج .. ويعني مشاكلج وحدج كافي ..

فوج : ردت احجي بس صاحتنا ميس ..

كمنا يمهن .. ومر اليل كلش حلو .. وكلمن رجع البيتة فرحان ..

ومر أسبوعين وهم عزمنا ليندا للمرة الثانية ..

حضرنا وتعبنا حيل ..

سلمنا عليهم بعد ما وصلو وكعدو شوية .. وبعدها اكلنا وكلمن راح بمكان ..

كعدنا احنا البنات بالحديقة والولد بالديوانية ..

ميس : شوكت ترحون ؟

فوج : بعد شهر

ليندا : فوج

فوج : باوعت عليها وكالت ..

ليندا : احنا راح نستقر هنا

فوج : باوعت عليها مصدومة .. حسيت الدنية ضاقت بية ..

- متعودة عليج أني ليندا !!

ليندا : شسوي حيف راح يتوصف وامة ما قبلت نرجع