الجميلة والسايكوباثِ ( الجزء الثاني )

دامِس ( 23 )

راح اخون ربي ! وراح احصل عذاب الآخرة للأبد ! وكف بعيني خالي ! جدتي ! كلهم وكفو بعيني ..

وكعت من أيدي الكزازة .. وكعت وراها مكسورة ..
فوك ما كسر خاطري ! كسر شرفي ..

وقت طويلللل وأني منهارة وابجي ...

*****

- يلةة يلةةة .. راح يجون العرسان ..

فوج : خابرتيها !

ندى : أي كالت بالطريق ..

فوج : أليوم أول يوم للعرسان .. وعزمناهم يمنة .. رحت آخر مرة اشوف السفرة شنو ناقصها ! والحمدلله ما ناقص شي ..

وفعلاً نص ساعة وانفتح الباب .. وأجت بنيتي العروس .. لابسة الفستان الأبيض الحلو .. وجها المنور وسبحان الله على جمالها ..

رحت حضنتها حيل .. وأني أصلي على النبي ..
صرت احصنها بأيات قرآنية ..

مر يوم كلش حلو .. النص النهار وراحت البيت اهلة وأني رحت الغرفتي ابدل .. لكيت مهيب يبدل ..

مهيب : شوكت نرجع !

فوج : خلي نبقى شهر حباب ..

مهيب : زين والشغل !

فوج : أجلة !

ابتسم واجة باسني ..

مهيب : تدللين عيوني

فوج : ابوس عيونك أني .. والله فرحت اليندا

مهيب : أني هم ..

فوج : قاطعنا جية ادريان ..

ادريان : ماماااااا .. انطيني ربعع

فوج : مو مساع اشتريت ادرياننن

ادريان : حبابةةة أريد ربع حبابةةة راح يعوفوني ويرحون ..

مهيب : تعال يبعد ابوك تعالل .. هاك هاذ ألف بدال الربع حبيبي ..

فوج : لاا مهيببب موزين علي شبيكك

مهيب : دعوفي وحد عن الجهال !

فوج : سكتت وراح ادريان .. كعدت على السرير واجة بصفي مهيب ..

- صدك مهيب !

مهيب : عيونة

فوج : دكتور ادريان !

مهيب : الدكتور كال بعد ونص وهسة فات النص وبقى شهر ! قبل الموعد بأسبوع عود نروح

فوج : أي هم زين ..

مهيب : بس أفضل النا لو نأجر فندق ؟

فوج : ليش حبيبي

مهيب : يعني عيب نكعد هنا

فوج : لااا .. أساساً هية امي ضلت تتوسل بية تكول ابقو

مهيب : بس هم عيب وثگل حتى أني !

فوج : لا والله بالعكس .. حيل فرحانين بوجودك