"ပြန်လာပြီလား ယွမ်ကျိုး။ အမှိုက်ကောက်တဲ့သူ ဒီနေ့ မလာဘူး။ ဪ သူဌေးဝမ်ပဲ" သူဌေးထုံက ယွမ်ကျိုးနှင့် ဖက်တီးဝမ်တို့ သူ့ဆိုင်ဘက် ဖြတ်သွားသောအခါ လှမ်းနှုတ်ဆက်သည်။
"သူဌေးထုံ ခင်ဗျားရဲ့စီးပွားရေးလုပ်ငန်းက အရင်အတိုင်းပဲနော်။ ဖောက်သည်ပေါတယ်" သူဌေးဝမ်က တောက်ပစွာ ပြုံးပြီး စကားလှမ်းပြောသည်။
"ဟုတ်တယ်။ ငါက တော်သင့်ရုံပဲ ပိုက်ဆံတောင်းတော့ စီးပွားရေး အဆင်ပြေတာပေါ့" သူဌေးထုံက သူ့ကို ဖျတ်ခနဲ ကြည့်လိုက်ပြီး ထေ့ငေါ့စွာ ပြောဆိုသည်။ သူဌေးထုံက သူ့ဆိုင် ရေပိုက်ပျက်သွားစဉ်က သူဌေးဝမ်ကို အကူအညီတောင်းဖူးသည်။ သူဌေးဝမ်က ပစ္စည်းကုန်ကျစရိတ်ကို ဈေး၂ဆတင်တကာ တောင်းခဲ့သည်။ ထိုအချိန်မှစ၍ သူဌေးထုံက သူဌေးဝမ်ကို မြင်တိုင်း မထိခလုတ်၊ထိခလုတ် ခနဲ့လေ့ရှိသည်။ ယွမ်ကျိုးက သူဌေးဝမ်ကို စားသောက်ဆိုင်ထဲ ဦးဆောင်ခေါ်သွားခြင်းကို မြင်တွေ့ရသောအခါ သူဌေးဝမ်က စားသောက်ဆိုင်ထဲမှ တစ်စုံတစ်ရာကို ပြင်ဆင်ရင် ရောက်လာမှန်း သူဌေးထုံ သဘောပေါက်လိုက်သည်။
သူမက ဆိုင်မှ လမ်းလျှောက်ထွက်လာပြီး ယွမ်ကျိုးဆီ သွားသည်။ သူဌေးဝမ်ကို ဖျတ်ခနဲကြည့်ကာ ယွမ်ကျိုးကို ခပ်လှမ်းလှမ်းသို့ ဆွဲခေါ်သွားကာ မကျေမနပ်လေသံဖြင့် တီးတိုးပြောသည်။
"အဲဒီဖက်တီးဝမ်က အကျင့်မကောင်းဘူး။ ဈေးမတရားတောင်းတယ်။ သူ့ကိုငှားမယ်ဆိုရင် သတိထား!" ယွမ်ကျိုးက သူဌေးထုံကို ကျေးဇူးတင်ဟန် ပြုံးပြပြီး ရှင်းပြလိုက်သည်။
"အဆင်ပြေတယ်။ သူဌေးဝမ်က ကျွမ်းကျင်တယ်"
"လူငယ်လေး။ မင်းက စီးပွားရေးကို နားမလည်ဘူး။ ဒါဆိုလည်း ကောင်းပြီ။ မင်းကိစ္စမင်းဘာသာ ဖြေရှင်းတော့။ ငါနဲ့မဆိုင်တာကို စိတ်မဝင်စားတော့ဘူး" သူဌေးထုံက သူ့အကြံဉာဏ်ကို နားမထောင်၍ မကျေမနပ်ပြောဆိုကာ သူ့ဆိုင်ကို သူ ပြန်သွားသည်။ ယွမ်ကျိုးက သူဌေးထုံ၏ မကျေနပ်မှုကို အာရုံသိပ်မစိုက်ချေ။ သူက ကျောခိုင်းလိုက်ပြီး သူဌေးဝမ်နှင့် စကားပြောသည်။
أنت تقرأ
ကျွမ်းကျင်စားဖိုမှူးစနစ် (ယွမ်ကျိုး)
الفكاهةMale Lead pr ဇာတ်လမ်းအကျဥ်း အရှေ့ဘက်နဲ့ဝေးတဲ့မြေမှာ မီချယ်လင် ကြယ်သုံးပွင့်အဆင့်သတ်မှတ်ချက်ကို အကြိမ်ကြိမ်ငြင်းဆိုထားတဲ့ ထူးဆန်းတဲ့စတိုးဆိုင်တစ်ခုရှိတယ်။ ဈေးတွေက ဈေးကြီးတယ်။ ဟင်းချို နှင့် ကြက်ဥကြော် ပေါင်းစပ် အစုံ သည် 288 RMB ဖြစ်သည်။ အရံဟင်းလည်း ပ...
အပိုင်း(၄)
ابدأ من البداية