خفايا بين الجدران

🖤الفصل الثالث🖤

اشرق صباح يوما جديدا علي الجميع ..

في بيت جاسر حربي .. وبالاخص علي مائده الفطور ...

كانت العائله متجمعه .. ليقول جاسر بهدوء
= عملتي ايه في موضوع المصنع يا زمرد

زمرد بهدوء
=اخدتها انا يا بابا .. قررت اخدها واجددها وابدا اشتغل في مجال الفاشون

ابتسم لها جاسر ليقول
=خيار موفق فعلا يا حبيبتي انا هكلم شركه ديكورات تيجي تعمل المصنع ليكي علي ذوقك

زمرد بأبتسامه
=ما انا كلمتهم فعلا يا بابا

جاسر بأستغراب
=ايه السرعه دي مش من عوايدك يعني

زمرد بأبتسامه خفيفه
=ما هو انا كنت متحمسه وكده

راندا بهدوء
=طيب وعلي كده هتاخدي نيجار تشتغل معاكي طبعا ..

زمرد بأبتسامه خفيفه
=تنور يا عمتي المصنع كبير تيجي تشتغل اللي هيى
عايزاه

جاسر بهدوء
=هو يا رندا مش انا فاتح لبنتك شركه هي بنتي راحت اشتغلت معاها فيها .. غير كده بنتك اصلا مش هتقدر توازن بين شركتها والشغل التاني علشان كده كل واحد يخليه في شغله ...

تنهدت راندا بغل وصمت لتقول
=اللي تشوفه انا بس اقصد اني كنت عايزاهم مع بعض دايما

جاسر بهدوء
=ما هما مع بعض فعلا متقلقيش .

استقامت زمرد بعدما ملت من الحديث لتقول
=انا هروح المفروض هقابل مازن عن اذنكم .. قالت لتخرج وتتركهم ..

اتجهت الي سيارتها بتفكير وتنهد ..لتنظر للساعه لتقول عدي كتير من الوقت ومفاضلش غير تمن ساعات وبس .. اكيد المتخلف ده مش هيعملي حاجه ..

قالت وهي تركب سيارتها.. لتتجه الي مركز الشرطه كي تقابل مازن ..

*★*★*★*★*★*★*★*★*★*★*★

في بيت الصاوي. .

دلف ابراهيم الان الي المنزل فهو منذ ليليه أمس في الخارج ... ليري عيسي الذي يجلس في الحديقه بهدوء ينتظره ..

ليقول ابراهيم
=صباح الخير وهو يتجه لغرفته ..

ليقول عيسي بثبات
=استني عندك.. تعالي في كلام بينا لسه مخلصش

تنهد ابراهيم وهو يمسح وجهه بيديه ليتجه له ويجلس أمامه

عيسي بهدوء
=ايه الحاله اللي انت فيها دي في ايه

ابراهيم بهدوء
=مفيش حاجه يا عيسي انا بس تعبان شويه

رفع عيسي حاجبه ليقول
=هو انت شايفين برياله قدامك علشان تقولي الكلمتين دول ..