ما كنها الإ قمر تخاطفها السحايب

بارت 11

~ عـنـد فارس بالمجلس وتفكيره عند البنت ( نور ) الي شافها وصار معها الموقف بسرحان وهو يتذكر شكلها شعرها فستانها الاسود شامتها عيونها جسمها طولها كلشي كان ملفت بالنسبه له ابتسم لا شعوري وطرت على باله قصيده وقالها :
اي والله يحق لك يا ام العيون الوساع
‏ الزوم والغطرسه والهيمنه والكبر
‏شيخة جمالٍ تسبب للعذارى صداع
‏ وشيهانةٍ ما لها عن مجد اهلها وكر
‏صورتك فيها جمال اليوسفيات ضاع
‏واسمك حروفه ما تترك للاسامي عذر
‏ والليل لو تلبسين ستر فوق الشعاع
‏ شعاع طلتك ما بيني وبينه ستر
تنهد وهو يحس على رنة جواله رفعه وشاف المتصل امه ابتسم ورد عليها : ارحبي ثم ارحبي لبيه يالغالية ؟
الجدة ليلى : فارس يمه نبي نمشي ورانا خط طويل متجهزين
اعتدل فارس بوقفته وقام : يلا تم بشغل السيارة وانتم تعالو
قفلت الجد ليلى من فارس جاء بيطلع واستوقفته يد غيث ابتسم له : وين وين يالخوي وين رايح ؟
فارس بنفس الابتسامه : والله بنمشي ورانا خط طويل وليل
غيث بتفكير : يا رجال منتم ناوين تسكنون هنا برياض اقرب لك وعمتي عند اخوها جدي اريح لكم والله وان تبي اشوف معك بيت ابشربي
فارس ضحك بخفه : والله انك وافي ورجال ونعم فيك واذا على البيوت انا كلمت خالي بموضوع البيت الي قدام بيت خالي بيتاً كبير من واربع اداوم وشقتين فوق شقة لي وشقة لواحد من العيال يا سراج يا نيار يا سطام والباقييين وعسى الله يكتب فيه الخير
غيث ربت على كتف فارس : يالله عسى الله يكتب ال فيه ويبارك بمنزلكم الجديد مقدماً
فارس بضحك : الله يبارك فيك ويلا ياعريس عجل بزواجك عشان اتزوج وراك
غيث كشرت وجهه من كلام فارس وشمقه بنظره : والله يااخوك الله يعيني على هالزواج ماودي فيها والله
وسع عيونه بذهول وعدم فهم : وش تقصد
غيث ب ارتباك : الا انت قلت بتمشي امش الطريق طويل عليك
فارس فهم عليه وتنهد وهو يودع غيث من شاف اهله اقبلو عليه