ရေချိုးခန်း၊ အိမ်သာကိုပါ နွေက တစ်ခါတည်းလိုက်ပြသည်။ခေတ်မှီသည့် ဘိုထိုင်အိမ်သာနှင့် ရေချိုးခန်းတွင်လည်း ရေပန်းတို့ကို ထားသည်။
" အိမ်သားတွေရော မတွေ့သလိုပဲ"
" တို့ တစ်ယောက်တည်း နေတာ။အသက်သုံးဆယ်ရှိပြီဖြစ်တဲ့ မိန်းမတစ်ယောက်အတွက် အဖော်ဆိုတာလည်း မလိုတော့ပါဘူး။"
မိုင်ရိုစ် မျက်ခုံးတို့ စုကြုံ့မိသွားသည်။ထိုအမူအရာသည် သူ(မ)တစ်ခုခုကို မကျေနပ်လျှင် လုပ်နေကျ အမူအရာဖြစ်သည်။
' ဘယ်အသက်အရွယ်ပဲ ရောက်ရောက် အဖော်က လိုတာပဲလေ။အသက်ကြီးရင် ပိုတောင် လိုသေးတယ်' စိတ်ထဲကနေ မကျေမနပ် ရေရွတ်လိုက် သည်။
" ဒါဆို ညစာ အရင်စားမလား.. ရေချိုးပြီးမှ စားမလား.."
" ရေချိုးပြီးမှ စားတော့မယ်"
" ဟုတ်ပြီ နောက် နာရီဝက်နေရင် လာခေါ်မယ်"
'ဘုရားသခင် ဒါက သူ့ကို အချိန် သတ်မှတ်ပေးလိုက်တာလား။အဲအချိန်မှ မပြီးရင် လူကို ဆူပူမယ့်ရုပ်နဲ့..'
မိုင်ရိုစ်မှာ ကိုယ့်အချိန်ကို ကိုယ်တိုင်စီမံခန့်ခွဲသူဖြစ်ပြီး အဖေဖြစ်သူ၏ လွှမ်းမိုးမှုပင် မခံ။ 'သူ့ဆန်စား ရဲရတော့မှာပေါ့' ဟုသာ တွေးရင်း ရေကို မြန်မြန်ချိုးလိုက်သည်။
ထားပေးသော ခေါင်းလျှော်ရည်ကို တချက်ကြည့်လိုက်ပြီး အနံ့ခံလိုက်တော့ စိမ်းရွှေရွှေအနံ့ကြောင့် ဝေးဝေးကို ပို့လိုက်ပြီး သူ(မ)ပါလာသော ခေါင်းလျှော်ရည်ကိုသာ သုံးပြီး ခေါင်းလျှော်လိုက်သည်။
* ဒေါက်.. ဒေါက်.. *
" ကလေးမ နာရီဝက်ပြည့်ပြီ မပြီးသေးဘူးလား.."
" ခေါင်းလျှော်နေလို့ "
" မြန်မြန်"
' ညနေဘက်ကြီး ခေါင်းလျှော်တာ အအေးပက်တော့မှာပဲ'ဆိုသည့် ရေရွတ်သံသဲ့သဲ့ကို ကြားလိုက်ပြီး ခြေသံသည် တဖြေးဖြေး ဝေးသွားလေသည်။
မိုင်ရိုစ်လည်း ခေါင်းကို မြန်မြန်လျှော်ပြီး အင်္ကျီကို ကောက်စွပ် ဘောင်းဘီ အတိုကို ဝတ်ကာ လမ်းတလျှောက် ခေါင်းကို တဘက်ဖြင့် သုတ်ရင်း အောက်ကို ခပ်မြန်မြန် ဆင်းလာလိုက်သည်။
![](https://img.wattpad.com/cover/359441200-288-k78422.jpg)
KAMU SEDANG MEMBACA
လွမ်းမောစရာ ခေတ်ဟောင်းမြေ (လြမ္းေမာစရာ ေခတ္ေဟာင္းေျမ)
Fiksi Sejarahရှေးဟောင်းဟန်လင်းမြို့ကို သွားလိုက်ရအောင်လား.. (ေ႐ွးေဟာင္းဟန္လင္းၿမိဳ႕ကို သြားလိုက္ရေအာင္လား..)
p - 2
Mulai dari awal