တွယ်တာ Share ထားတဲ့ Caption ကခေါင်းထဲမှာအစီအရီပြန်ပေါ်လာ၍ ရန်ကြီးတစ်ယောက် ပိတောက်ပင်ကြီးအောက်သို့ခပ်သွက်သွက်လျှောက်သွားလိုက်တော့သည်။
"ဟာ...ဟေ့ကောင်...ဟိုဘက်ကအခိုင်ကပိုကြီးတာကွ ဖယ်စမ်းပါ ငါခူးမယ်"
"ဝါးလုံးကြီးကလေးတယ်ကွ မင်းပြောတဲ့အခိုင်ကြီးငါမှမမှီတာ "
"မင်းတို့ကလည်း အပင်ပေါ်တက်ခူးလိုက်ရင်ပြီးနေတာကို ဖယ်ကြ ငါတက်မယ်"
ချာတိတ်ကလေး၃ယောက် ပိတောက်ပန်းခူးရင်စကားများနေလျှက် တစ်ယောက်ကသစ်ပင်ပေါ်တက်ဖို့ဝတ်ထားတဲ့ပုဆိုးကိုစလွယ်သိုင်းနေသည်။
"ဟေ့...ကလေးတွေ ဖယ်ကြ ကိုကြီးခူးပေးမယ်"
ရန်ကြီးက ကားသော့ကိုဘောင်းဘီအိတ်ထောင်ထဲထိုးထည့်ကာ ကလေးတစ်ယောက်ဆီကဝါးလုံးကိုသူကယူလိုက်သည်။
"ဦးလေး ကျွန်တော်ပြမယ်ဟိုမှာမြင်လားအဲ့ဒီနားကအခိုင်ကြီးခူးပေးနော်"
ချာတိတ်တစ်ယောက်ကလက်ဆွဲပြီး ဦးလေးလို့ခေါ်ကာ ပိတောက်ခိုင်အကြီးကြီးကိုလက်ညှိုးပြသည်။
ရန်ကြီးလည်း ပန်းကခူးပေးရဦးမယ် ဦးလေးလို့ကလည်းအခေါ်ခံရသေးတယ်ဆိုတော့မျက်မှောင်ကုပ်သွားရသည်။
"အေးပါကွ မင်းတို့ကိုအရင်ခူးပေးမှာပါ "
ရန်ကြီးလည်းထိုကလေးပြောတဲ့အခိုင်ကို ဝါးလုံးဖြင့်ထိုးချခူးပေးလိုက်တော့ ကလေးကပျော်သွားသည်။ ဝါးလုံးထိပ်ကပိတောက်ခိုင်ကြီးကိုဖြုတ်ယူပြီး သူ့သူငယ်ချင်း၂ယောက်ကိုစောင့်နေ၏။
ရန်ကြီးလည်း ကျန်တဲ့ကလေး၂ယောက်ကိုပါ တစ်ယောက်တစ်ခိုင်ခူးပေးနေတုန်း
"ဟယ်....ငါ့တူ ကလေးတွေကိုပန်းခူးပေးနေတာလား အန်တီ့ကိုလည်းတစ်ခိုင်လောက် "
ရန်ကြီးရဲ့အောက်ထပ်အခန်းမှာနေတဲ့အဒေါ်ကြီးကပါ စျေးကပြန်လာရင်း လမ်းကြုံခူးခိုင်းနေသည်။
"ဗျာ...ဟုတ်..ခဏလေးနော်..ဒီကလေးတွေအရင်ပေးလိုက်ဦးမယ်"
"ရတယ်...ရတယ် ငါ့တူ "
YOU ARE READING
The Challenge of Love (OC)
Romanceကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
Part (19) Uni/Zawgyi
Start from the beginning