جحيم داسلِقيس

آلࢪ࣪ئبُـق آلـ -40َ-

- ﴿ ࢪوحَ آللہ آفآطـمِ ﴾
# بقلمـي أنا :- فآطمِة حسّين علي يآسّــُــࢪ

  ــ♠♠♠♠♠ــ

   _ ضـنـوآت آلأفآطـــــــم

- ضـــــنواتِ لَتّنَِّسـوِنِ آلَتّصٌوِيِّتّ + الـتعليــق بيــــنِ الفقـࢪات ومتابعة الحســــــابي ⊰✾⊱

      ~•~•~•~

ضيـفواَ حـســآبيَ آلوآتبآدَ عمــــــريَ
ilX81_
   مِشِآهـدة مِمِتعـة ضَنــــــــــ໑آتي

≪━─━─━─━─َـــــــ─َ━─━─━─━≫

نوح :- يمة على كيفج يمة

فاطمة :- أشششششش ولٱ ححححس ولا ولا حسسس

ورفعت ايدها لاطمة خدها بجيت ابصوت عالي جراها نوح من أيدها ودخلها جوة ساد الباب

نوح :- يمة الله ايخليج حبيبتي تعـاي اكعدي اهنا خل افهمج

نترت أيدة ومستمرة عقدة حاجبها :- اتفهمني يمة !!! هيـة هـاي تاليتك !!! تتزوج بنـات لٱ ومنو مريم العبالي هية ابنية أصيلة

مريم :- لٱ باجي حبابة لٱ تطعنين بية والله شريفة وما أمسوية شي وال___

قاطعتني ورفعت اصبعها السبابة على شفتهـا وبعدهي اتصيح :- أسكتي أسكتي ولا كلمة شريفة وهـاذ لبسج وحالج وية رجـال مسلم ابيت وحد ولج ما خفتي من ربج لْـۆ هوة العتب مو عليج العتب على تربايتي العوجة

نوح :- يمة ترا متصاوب والله

فاطمة :- أشششش وأذا متصاوب اتروح اتزاكط ولك نووووح اتروح اتزاكط مثل الحصان ؟؟؟؟ ولا اشفق عليك ولا اشفق عليك خليك مثل المطي تتعلعل وحـــــدددددك

ابتسم وراح حضنهـا ما دفعتـة خافت على جرحة بس ضلت اتعيط وتصيح عـاد عـض خدهـا وصاح

نوح :- يوم اشمالج اتصيرين كاسية على كلبي الرهيف !

فاطمة :- لٱ بارك الله بيك ميل عنيييي ميل

نوح :- ههههههههه تعـاي اكعدي اهنا مرايم ماي ماي

من شافتني ردت أكوم اجيب مي عاطت وما قبلت تاخذ شي من أيدي بلعت غصتي ورجعت امقرفصة نفسي ومنتجية على القنفة أبجي ابحركة

كعدها انسابت عبايتها من راسها صارت حمرة واعيونها شرار ينكط منهـن راح نوح يتمشـــة اشوية اشوية لآزٍمٍ خاصرتـة جـاب ألها مي وكعد يمها ايشربها بأيدة الحنونة

نوح :- سودة علية باعي كلبج اشلون ايدك

فاطمة :- كلة من وراك يا بزر بطني المؤدب الصايم المصلي الماكو مـڼـڱ.