_ واني منال طالبة اعلام هم وياج بالغرفة وهاي السمجة مال حوض مالتي ولحد يقرب عليهه
روح : ابتسمت مجاملة .. اتشرفت بيكم .. فتحت الخانة مال كنتور كلهه تراب مسحتها وخليت بيها ملابسي على سفطتهم ومنال تسولف تلهيني
منال : اهم شي متنامين من وكت اني الليل كلة اتفرج نتفلكس واسوي اكل اذا تاكلين وياي عليج المواعين مو تكولين ما كالت
يقين : يومين وتهجين منوراها يوم افز الكاهه تبجي ويوم الكاهه تضحك وجهه احمر خجلانة عبالك جايهه عريس
منال : هاي معليج بيهه معقدة وموبايلهه كل شوية يأذن
يقين : احسن من موبايلج يدك بنص المحاضرة نور الزين ويومية طارديج
روح : تونست بسوالفهن خلصت ترتيب شلون ما جان .. عادي جايبة اكل جامد وياي ؟؟؟
يقين : شوفي هاي تكول عادي اجتي وحدة من النجف حتى تشريب رجل دجاج جايبة وياها وتحمي وتكعد ويانة على الاكل تخلينة نشبع حتى باجة جايبة
روح : استغفرلله .. بدلت ملابسي لبست تراك مثلهم جنت خجلانة بس احاول ابين العكس وديت الاكل بالثلاجة ورجعت للغرفة
يقين : لتتقيدين اعتبري بيتج عادي شسوين هناك سوي هنا
روح : جان البيت صغير مابي هول بس غرف ومطبخ جبير وحديقة زينة وبيهه مرجوحة جبيرة .. البنات ميطلعون اذا اجمعو يكعدون بالمطبخ بس اني حبيت الحديقة رغم برودة الجو صرت اكعد بيها بالليل
_ مر تقريباً 9 ايام وبلش الدوام نفس الروتين تعلمت اركب فورتات اروح للجامعة وارجع الضهر جوعانة احمي اي شي واكل واروح انام اكعد قريب المغرب البس شال ثكيل على جتفي واكعد بالمرجوحة اقرأ
منال : امم هم عندج علاقة بشاب قبل هسة !
روح : منو اني ههه مستحيل لا قبل ولا. هسة
منال : اني حبيت مرتين وما اجذب عليج تعذبت هواي واهلي عرفو وطيحو حظي وهسة قبل شهر حجو بيه بيت خالي الابنهم بس مو ذوقي
روح : سديت الكتاب ليش
منال : بيني وبينج اني احب رجال شهممم وبذات اذا ايدة ثكيلة وميتفاهم
روح : طلبج سهل جدي موجود تنامين بنعال واصبحين بنعال وفوك كل هاذة يضوكج المر على اصولة
يقين : لج لا مو هيج تعرفين السادية !
روح : اي
أنت تقرأ
على قمة الحكيم ( الجزء الثاني )
Romanceمعشر أمسكت حلومهم الأر ض وكادت لولاهم أن تميدا فإذا الجدب جاء كانوا غيوثا وإذا النقع ثار ثاروا أسوداً تتبع الهوى روحي في مسالكه حتى جرى الحب مجرى الروح في الجسد.
البارت الخامس
ابدأ من البداية
