على قمة الحكيم ( الجزء الثاني )

البارت الخامس

نرمان : شفت العروس اليوم وما سلمت عليه زعلانة

روح : ليش

نرمان : عشتو تغار على خطيبها

روح : ترا مو حلوة كلها تجميل وهايشة و اصلاً فرق الطول موحلو بينهم الطول هيبة والكصر عيبة

نرمان : خزرتها لا والله

روح : موقصدي شبيج انتِ تخبلين ..

نرمان : تشربين كهوة !

روح : ماكول لا .. سوت كهوة ورجعنة للصالة قدمت الفاروق واشرلها ماريد انطتني الي والبقى چلب بي كنان

نرمان : موزين تشرب كهوة

روح : شربة كله ورفع حاجبة بخباثة النرمان وابو يضحك حتى يغثوها .. تعال حبيبي تعال اقرالك الفنجان اشوفلك تزوج جل جل جل جلان

كنان : اييييييي

روح : رفعت الفنجان مركزة بي .. شوف شوف هاذة بيت حلو ومرتب وهاذة رجال يحبك وهاي مرة هم تحبك مو عبالك نرمان هاي اني .. تؤ تؤ اسم الله اكو حية سمينة وكصيرة حتى ذيل ماعدهه باع باع

كنان : وين هاذا ارنب

روح : لا حبيبي انت متعرف هاي حية بس لان سمينة عبالك ارنب ماكو فرق .. المهم هية جاي تلف نفسها على البيت باوع ياستار ياربي

فاروق : هاذا بن لو فيديو

روح : بن متحرك .. يله مع السلامة اشوفج على خير ديري بالج على علاوي وكنان

نرمان : من تجين خابريني حتى اعرف ودائماً طمنيني عنج

روح : ان شاءلله اذا اتأقلمت كلبي كارصني اني وين اعرف اكعد ويا ناس غربة اهلي ما حاملتهم

نرمان : ابتسمت وحضنتها بوستها وراحت

فاروق : وين رايحة ؟

نرمان : سكن جامعي

فاروق : هنا بالبصرة

نرمان : اي طلع قبولها هنا وراح اداوم .. سكت ورجع مركز ويا التلفزيون .. رحت الغرفتي وقررت اتصل بأمي مثل ماكال حكيم .. اتصلت وجانت عصبية وتنتر

عواطف : زين تذكرتي عندج ام خاف عبالج المليون مالتج سوا شي بنتي نايمة على الخير وامها تفتر بالجمعيات. الخيرية شوفي ربج اذا ما طلعها بزرج

نرمان : مو اني حاجيت حكيم وكال خل ادز تقاريرها وهوة يتكفل بعلاجج هنا وهم تصيرين قريبة علية وكل يوم اشوفج .. سكتت فترة وكالت