على قمة الحكيم ( الجزء الثاني )

البارت الخامس

يقين : هاي الي تحب تكون تحت رحمتة شيسموها

روح : مطية مال كتل

فاروق ...

_ احد ابواب الزنا في البصرة كعدات البر والكاولية جان كلشي يصير بيها ما يقشعر له الابدان من الحرام الشرب الحبوب الابر النسوان القاصرات صفقات .. كعدة عربية ونار ريحة الاكل والمشروب تنخر الراس

نزار : اذا كتلونة شمرونه للجلاب هم محد يشم خبر هنا

فاروق : كلهم جماعتي اعرفهم وشايل سلاحي

نزار :بشرفك اجابرنة !

فاروق : شبيك ناكل ونطلع لعبانه نفسي من البيت

نزار : الكعدة كلهه شباب وشربومكسرات التفت عليه رجال سمين واكرع

_ تشرب

نزار : ممنون منك اعذرني

_ چا شعدك هنا

نزار : والله خالي جاي ويا هاذا السكط

_ راح انطيك شي يسفرك بعيدددددد

نزار : رحم الله والديك ما احب السفر وما اكدر اعوف البصرة هل فترة وياك الحقوقي نزار

_ ابلعها

نزار : حجي ابلعها انت شعليك بية اني بالع قبل لا اجي

_ ابلعها

فاروق : ابو الشباب شبيييييك تريد شي احجي وياي

_ لا سلامتك

فاروق : كوم نزار

_ لاااا وين رايح اكعد

فاروق : من وكفت دفعني واحد ومن صدري يجبرني اكعد باوعت على نزار

نزار : هيج صار الحجي ! .. فاروق جان شبه فاقد اندفع ورفع سلاحة .. راح يخبزونة ورب الكعبة

نرمان : ساعة 4 الصبح الوضع متوتر قلق ومليون تخمين ..

حكيم : بس يرجعون سالمين اشك حلكهم

باقر : عمي ما خليت واحد من جماعتهم ما سألتة حتى استحيت

نرمان : اذن الصبح توضيت وصليت حكيم فرش سجادتة قبلي علاوي اخذ علاج ونام كنان كاعد يفرك بعيونه ميقبل ينام  .. دك جهاز حكيم رقم غريب

حكيم : تفضل يامركز .. انتظرني جاي

نرمان : دخل بدل ملابسة وطلع ركع الباب وباقر لحكة .. اخذت كنان وكعدت اهزه على رجلي يغفى ويرجع يفز يسأل على ابو تقريباً ساعة وطبو نيمت كنان بمكانة وطلعت بتراكي من الخوف

_ فاروق اكو جرح بركبتة ونازف دم ويابس بمكانة نزار جان مترب من فوك ليجوة سحب كلينس جان يمسح بحلكة والدم ميكطع .. ركع الباب وانثار غضب عليهم وبذات فاروق دفعة وركعة بالحايط لازم ملابسة

حكيم : لك كو*** الف مرا كتلك نزاررر معلييييك بي تريدة يصير مثلك فاشل وشراب عرررك

فاروق : العفوو يابه ما ادري هلكد تخاف على اخوك مني

حكيم : ضل بسوالفك الجايفة اريد اشوف وين راح توديك

فاروق : من يومك متشوفني اخوك مرات اشك بروحي *** مو بعيدة امك تسويها

نرمان : شهكت من كال هيج حكيم ضربة بوكس على حلكة

حكيم : مطييي ما عليك عتب

فاروق : رابي بين الك*** شلون تريدني

نرمان : كل مشكلة يضل هيج يحجي حتى يستفز حكيم وتكبر نتر ملابسة من ايده وطب للغرفة نزار مباشراةً دخل للحمام ومن طلع جان وجهه اصفر وعاقد حاجبة كال بصوت ناصي

نزار : ادري بروحي غلطان والله ما اروح ويا بعد بس لتزعل مني .. ما ادري شبيه راسي يوجعني

حكيم : يطبك مرض

باقر : عمي خاف بي شي خل ناخذ الابو علاء المضمد يشوفه

حكيم : نتر .. مابي شي جذاب

نزار : نرمان بلا زحمة جيبيلي مي

نرمان : فتت للمطبخ طلعت دولكة ترستها مي طلعت براسيتول بين ما دخلت للصالة سمعت صوت طبه قوية وكعت الدولكة من ايدي ولطمت على وجهي ..

يتبع ..