على قمة الحكيم ( الجزء الثاني )

البارت الخامس

نرمان : ماشي ليش متمر علية نتغدى سوة اني ضايجة

حكيم : ليش ما امر عليج نروح للدكتورة

نرمان : لا لا خليها فترة واروح .. سديتة وجان عندي امتحان بالمختبر نسرين ما دخلت وطلعت للسوك بس اني روحي بدراستي اول سنة داومت اخذت امتياز

روح ..

_ من رجعت للبيت بيبتي كامت تلطم على وجهه وذبت الصوج بنجاة

الهام : كله منوراج لو البت ما رايحة وكاعدة مساعدة مرة اخوج چان ما صار بيها هيج ليش بت مثل الوردة تجيبولياها مصدعة سودة علية حبوبة

نجاة : عمة هيه تبرعت تروح وهاي شغلتها ما ضربتها على ايدها

الهام : ولج خايسة تموتين على نومة الضهاري اتختخين عليها

روح : بيبي نجاة معليها اني رحت هية شعليها تتعاركين وياهه ولزيدوها علية كافي جهازي راح وبعد ما اكدر اشتري

نجاة : اكو جهاز مال مؤيد نوكيا يفيدج

روح : ميخالف انطينيا واذا خطي مابي شي استعملة بين ما الله يفرجها

نجاة : هسة اطلعة لضوجين

الهام : اي هيج صيرن كلب على كلب مو شيبتي كلبي نجاااة حاطة عقلج بعقل البنية

نجاة : ليش شمسويتلهه عمة فوك ما اساعدها

روح : انطتني الجهاز وخطي بالموبايل القديم بقى بيبي كالبة وجهه علية وراحت نامت زعلانة ثاني يوم الصبح بوستها ورضت .. رجلي تقريباً احسن بس توجعني عبالك بيهه سم

الهام : حبوبة هناك مو يكولن تعالي ناخذج مكان تعالي ويانة للبيت تروحين

روح : يا بيبي قابل اني جاهلة

الهام: سودة علية راح انطيج. طبخات مال مرك وتشاريب من اجوعين. بس احميهن واكلي

روح : خاف عيب اخذ هيج كدامهم

الهام : ولج السبع بيكم يشبع بطنة ياعيب

روح : بديت اضبضب بغراضي لان باجر الصبح اروح احس مو هين عليه فراك بيبي تعلمت عليها ..  العصر طبت للحمام تتوضى لبست حجابي وعباية ورحت اتمشى البيت نرمان اخذ خطي قبل الدوام صعدت بوجهي دكيت الباب فتحتهه

نرمان : تنهدت .. كلبي نار عليج المفروض اني اجيج مو انتِ

روح : عادي ماكو فرق بس اريد خطي باجر رايحة للسكن