انخلست بوكتها اني صدك اتحاصرت شسويت بروحي اني وين وديت نفسي لكيت روب كدامي نزعت البدله اللي هي اصلا انفتحت بس خاف اركض او اشرد البدله تضوجني الروب لان عادي
سمعت صوت الباب وهي تندك لو احس كلبي ضل يرجف فتحت باب الحمام على السريع وطلعت احسن من الفضيحة خاف احد يشوفني
هوَ يمكن شافني مادري شحجة وياهم وإتقرب للغرفة بهدوء ومخلي ايده على الحزام
طلع الحزام من البنطرون واني اشوفه الحزام يوجع وعلي حاولت اقوي نفسي واني احس بس حجايه وحده واموت الحزام اله ذكريات سيئة بذاكرتي ما جنت اني انضرب لا ...
وكفت كدامة احاول اجمع الكلمات بعد ما ضرب الحزام بالحايط بقوه
- باريا : لتأذيني ماعندي احد غير رب العالمين
ما اهتم بل زاد حرارة
- مَيمون : احب الوكحات لا لا متعجبني ضعفج
بحركة سريعه واني احاول أرد عليه انطبع الحزام على ركُبتي بقوه ارتديت للوراء اول مره اتعرض لضربه بهل وجع مصدومه
بعدني بصدمتي اتفاجئ بضربه ثانيه على خذي والطرف الحديدي من الحزام انطبع على طرف شفتي .. اول مره بحياتي احد يضربني حمزة شكد جان جبروت وضالم بس ولا مره مَد ايده عليه او على ديما شكد جنت وكحه صح جان يصيح بس بعُمره ما شفته يضرب امي او يضربنا
بس حمزة سوة اشياء اسوء من انهُ يضرب !
بقيت واكفه بنفس مكاني بكل روح بداخلي واحس بكل دعوه روحي تنشلع
- باريا : ليش مو ضعفت كدامكككك كتلك ماعندي احد غير رب العالمين ليش تحاربني وكأني عدوك مستغل ضعفي الجسدي شأثرت بيك هل كلمة ماعندي سلاح غير لساني
أذيتني ما كدرت اسوي شي غير احجي مأذاك هل كلام بكد ما اذيتني بضربك
اخذت نفس عميق مُرتجف
- باريا : واذا اذتك كلمة ابن الجايفه فأرجع واكول انتَ مو بس ابن الجايفه فأنتَ ابن زنا وملاهي وهم مو هيج يخلفن بهل قذارة
ضحك كدامي بصوت عالي يريد يحرك كلبي بالزايد مسويت شي غير انُ اركض للحمام
وكفت كدام المرايه باوعت على خدي الايمن مُنصبغ باللون البنفسجي والاحمر الداكن
اتقززت من منظري
قربت المي من وجهي احس انحركت شلت المكياج افرك وجهي بكل قوتي وكأني اريد انتقم من نفسي ومن اخطائي
وخرت المكياخ سرفنت ارداني واخذت من المي اتضوى ثبتت الوضوء وطلعت ادور على الجُنكة لكيت بيها مصلايه وتُربه اتعجبت شعجب جايبتهن لا والمسعدة جايبة سجادتين لازم اهلهل
ماعرف منين القبله ممخلين مكان او شي صليت حسب تخميني فرشت السجاده وخليت التربه
وهوَ كاعدة على الجربايه نومة اهل الكبور الناموا وما كعدوا
YOU ARE READING
الجمجمة الذهبية
Humorحكايةٌ تدورُ حولَ تاريخِ ثلاثٍ نِسوةٍ مُختلِفاتٍ جمَعهُنَّ مَصيرٌ وعرٍ وكُلِّ شخصيةٍ تنفرِدُ بسْماتٍ تُغايرُها عنِ الأُخرى فَكيفْ بمعيشتِهنَّ تنثَنْي مُنهارةً ويسقُطنْ بِبُؤرةٍ عسِرَةٍ، حيثُ لا يوجَدُ شمسُ أملٍ نقيةٍ بل فَقط سلاسِلُ الشقاءِ الوثيقةِ...
النَدْوَة العِشرون
Start from the beginning
