بين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي "
قصة الجيل الثاني منفصلة عن الجيل الاول
تحذير قصة جريئة.
كيقولو عمر الــد م يرجع ما ولكن الٰــد م ساح و الملحة دودات و العشرة تنسات، الخو لخوه يحفر، الحبيب يغدر، و الحيط لي تحط عليه الراس عليك يريب.
• آلُـِـِِـِِِـِِـِــــرحـًـًًـًًًـًًـًـــــمـْـْْـْـة من صفات الرحمان في السما، و حنا في الأرض لا من رحمنا ولا رحمنا بعضياتنا.
هالي رزقو مساوي مع دموع #ولية على كبدتها تحرقات، مع #طايش معارف الدنيا باش منفوخة باغي ينسا و يتناسا .. تا كيسحى على رقبتو روح ولا روحو معلقة بين حيوط و #قضبان،مع #عزري من العزارا قبل متفتح زهرتو رماتو الأمواج و سرطات احلامو و الباقي في ايامو في اعماق البحر الغذار و #الغذر باين منين جاي، مع #موظفالزايد عليه كثر من الداخل عندو، مع #طالب معاشو و الزمان لي قهرو و شتت عشو، مع #ريفيحُلم حياتو يزيان الريف، مع #جبليملقا قدامو غي #الكيف، المهم وسخ الدنيا مالي الجيوب و عامي القلوب و كلشي فرحان... هالي طالع في دروج الدنيا بوعود #واهية،كيوصل عاود للي طلعوه #التربية، و قليل الجهد و الحيلة غضبان عليه، مضلوم و الحق مهضوم، هاكا للدوام كل #خمس سنين اتعاود نفس الحال ...
• قالو ربي ولادك تقهر #عديانك...الولد يخلف و يوقف في #الكتاف و البنت قلب وصدر #حنين للي عطاتو الدنيا من قصوحيتها، القلب حليب وليني حضي و رد البال خوفي يفيض يحرق و يذوب حبال #الثقة و الوصال ... " ليولدمماتش " الأول رزين و قلبو حنين، و الثاني بقوتو و صلابتو ناصر الحق و عمر تشوف دمعة المظلوم في ايام الله و ايامو ...
لي مخرج من الدنيا مخرج من عقايبها، شحال من شمعة مطاحش على بالها بلي وسط منها خيط سباب فناها، شحال من واحد تقطع من حوايجك تداويه سهران آخرتها ينعتك و يعايرك بالعريان، و شحال من مرض ناس تعايرو بيه و لي بلاهم قادر يبليه، بحالو بحال لي يتحرق و الناس على ريحة الرماد تلومو، و شحال من واحد قهروه خصايل العقال ضرب فيهم و ركب عود الهبال ،اللهم الهبال ولا كلمة بالعقل تفتت قلب رشاتو ليام.
سر الدنيا في #الصبر كيف قالو اللولين للتاليين .. الصبر زين و لي زرب على خبزتو ياكلها عجين ..
اوا تحزمو بالصبر و شدو معايا طريق حكاية تنسجات بخيوط الحكمة و بين طياتها قصة و عبرة ليك و ليا، ابطالها حنا و ناس في حياتنا و خير #الكلام، لي مقرا في كتوبة مزال #تعلموليام.
