ဘာမှမဖြစ်သွားသည့်အခြေအနေမျိုး။
"ဝေ့....ဝိန်းရွှမ်းကျန့်"
စန်းရန်က ဝိန်းရိဖန်အား လှမ်းကြည့်ပြီး ခြောက်ကပ်ကပ်နိုင်လှသည့်အသံတို့ဖြင့် ;
"မင်း အခုလေးတင် ကိုယ့်ကိုနမ်းသွားတယ်"
"....."
ကြည့်ရသည်မှာ အချိန်ပြည့်သွားခဲ့ပုံရပြီး ဝိန်းရိဖန် မတ်တပ်ထရပ်၍အိပ်ခန်းဆီသို့ လျှောက်သွားခဲ့သည်။
အခုလေးကလို စာအုပ်စင်နှင့်ထပ်တိုက်မိမည်ကိုစိုးရိမ်၍ စန်းရန်လည်း မတ်တပ်ထရပ်လိုက်၏။ သူ့စကားသံတို့မှာ သူမနိုးသွားမည်ကိုစိုးရိမ်နေသည့်အလား တိုးဖျငြင်သာနေခဲ့၍ ;
"ဒါက လူကိုနမ်းပြီး ထွက်ပြေးတော့မလို့လား"
ဝိန်းရိဖန်က နှေးနှေးကွေးကွေးသာလျှောက်နေခဲ့ပြီး သူ့အိပ်ခန်းနားမှဖြတ်သွားခါနီးတွင်တော့ တစ်ခဏပြန်ရပ်သွားခဲ့သည်။
"ဒါပေမယ့် ကိုယ်ဆိုတဲ့လူက ဒီအတိုင်းတော့ အခွင့်အရေးယူမခံနိုင်ဘူးနော်"
စန်းရန်က နံရံကိုမှီရပ်နေပြီး သူမ၏လှုပ်ရှားမှုတိုင်းကိုလိုက်ကြည့်နေရင်း
"မင်း ကိုယ့်ကိုအကြွေးတစ်ခါတင်သွားပြီ"
"....."
ဝိန်းရိဖန် အိပ်ခန်းကြီးဆီသို့ ဆက်၍လျှောက်လာခဲ့သည်။
မည်သည့်အရာကိုမှ ဝင်မတိုက်နိုင်တော့ကြောင်း အသေအချာအတည်ပြုပြီးမှသာ နောက်မှလိုက်ကြည့်ပေးနေသည့် စန်းရန်၏ခြေလှမ်းများ ရပ်တန့်ပစ်လိုက်၏။ သူ့မျက်ဝန်းများထဲရှိ အဓိပ္ပါယ်မှာ မသဲမကွဲ ၊ ကျန်နေသေးသည့်စကားလုံးတို့ကိုလည်း ဖြေးဖြေးချင်းဆိုလာခဲ့သည်။
"မင်း နိုးလာတဲ့အချိန်ကျမှပဲ ကိုယ့်ကို ပြန်ပေးပေါ့"
------
အိပ်ရေးပျက်ထားခြင်းကြောင့်လားမသိ ဝိန်းရိဖန်သည် နောက်တစ်နေ့ မနက် ၁၀နာရီဝန်းကျင်မှသာ နှိုးစက်မြည်သံကြောင့် အိပ်ရာနိုးလာခဲ့သည်။ အိပ်မှုန်စုံမွှားဖြင့် နှိုးစက်ကိုပိတ် ၊ အိပ်ရာထဲပြန်လှဲနေကာ တော်တော်ကြာပြီးသွားမှ ခက်ခက်ခဲခဲထထိုင်လိုက်သည်။
ESTÁS LEYENDO
First Frost [ ဘာသာပြန် ]
Romanceဒီလောက်နှစ်တွေအကြာကြီးကြာခဲ့တာတောင် ကိုယ် အခုချိန်ထိ မင်းတစ်ယောက်တည်းကိုပဲ သဘောကျနေခဲ့တာပါ -စန်းရန်-
Chapter 33
Comenzar desde el principio