على قمة الحكيم ( الجزء الثاني )

البارت الثالث

نرمان : شنو حكيم البارحة كلك وصلهه

فاروق : لا صوتكم عالي .. يلة مو عنددددج امتحان

نرمان : اخذت جنطتي واذكرت لازم امر على نجاة نزلت بالحديقة .. ثواني تلكاني هنا

فاروق : اهوووو بدينة

نرمان : بس دقيقة .. طلعت اهرول البيت نجاة ادك بالباب ماكو احد فتحت الباب الخارجي ودخلت شفت روح بالمطبخ بس شافتني فتحت الباب

روح : صباح الخير

نرمان : صباح النور .. نجاة نايمة

روح : اي هاي تمبل متكعد غير الضهر

نرمان : فدددوة كعديها بسرررعة

روح : ها العفو دقيقة

نرمان : راحت البنية الغرفة نجاة .. صدك نجاة كبل افتهمت جابت الفلوس بكلينس وشعرها كفشة

نجاة : ذني مليون و200 الف امانة الله والرسول

نرمان : مو وكتج اخذتهم ورجعت للسيارة وفاروق ميتحاجة .. وصلني وراح للدوام .. دخلت اول محاضرة  نضري تقريباً ساعتين ونص طلعت اتصلت على احمد

احمد : بت عميييييي واكفلج بالباب

نرمان : سديت الخط وطلعت شفتة بالباب وهل مرة لبسه ضيق ويفشل حسيتة لبس بنية اول ما شافني كال

احمد : اتمنى ما ضغطت عليج وكدرتي تلميهن

نرمان : هاي مليون و 200 ان شاءلله يكفي ..

احمد : شهك .. شنوو مليون و200 تسلمين بت عمي بس اني ما جاي اجدي منج هاذة علاج الامج واني مرسال مو اكثر خليهن يمج واني راح ارجع اقدملها على الجميعة بلكت يطلع اسمها هل شهر ويتكفلون بيها لان حالتها تعبانة

نرمان : يادووووب دبرتهن وماعندي غيرهن اذا متاخذهن اني اروح الامي اوديهن

احمد : افا لا اني اوديهن شنو ماكو غيرة براسي اخليج تروحين وحدج

نرمان : اخذهن مني وستأذن وراح .. التفتت شفت نسرين وتر واكفات قريب توجهت الهم

نسرين : خزرتها .. منو هاذة وجه اجرام انتِ من شوكت توكفين ويا هيج شكولات بس لا هاذة حماج !!!

وتر : ضحكت بصوت مسموع ..  خاف الهندي مالتكم

نرمان : لا اقاربي اجة للبصرة ومر سلم علية

وتر : صدك انتِ عندج كرايب اهل ؟

نسرين : ليش منو ماعندة كرايب لو اهل رحمة الوالديج شهل اسئلة

وتر : يمعووودة اني شعلية غير هيج سامعة

نرمان : باستغراب .. منين سامعة ! .. انتبهت عليهم وحدة تخزر الثانية

وتر : عبااالي شمدريني هية حجاية

نرمان : مشينى للسنتر وتر تحجي بالتلفون بصوت مستحيل ينسمع تشاور نفسها وتضحك .. كعدت على الكرسي وفتحت جهازي اتصلت على حكيم يدك ميجاوب لو يرفضة .. شوية واتصلت عمتي