ملاك : تمشي معانا تا خالتي نادية ههه
نادية : ههه كبرت انا على اش كتقولو ليه شورينغ ولا شوكينغ ولا لمو اش سميتو تكرشخو بضحك سعد كان داخل وكيسمع صوت ضحكهم وضحكتها لي قادر يميزها من وسطهم لقاها ضاحكة مبغاش ينكد عليها جلس فالبيت حال لباب كيسمعهم
نادية : لي واخد باك ميتلفش ابنتي ووالدكم
ملاك : تلفك بالحب اخالتي يك قولي صراحة
نادية : ابنيتي لولف خايب كتر من الحب
حنان : تاشوف كتنهد كتعبر محننننة هاهاها
بقاو كيضحكو معاها تا سكتو ولات كتسمع غاهدرة حنان ونادية حسها تقطع شي لي دخلو شك خاف تكون خرجات ولا شي حاجة بلا مايحس ناض للصالون تا كتبان ليه ناعسة 🥱 ورجيلاتها معري عليهم الغطا دايرة وضعية الجنين مكمشة شادة لنادية فيدها بحالا خايفاها تهرب عليها ناعسة مهدنة بحال طبعها ونادية كتلعب ليها فشعرها وكتفرج
