الجميلة والسايكوباثِ ( الجزء الثاني )

دامِس ( 14 )

ابيجيل : شبيك !

دامِس : تعاي اكلي

ابيجيل : صحتني مرة هاي هية ليش باقي هنا !

دامِس : خاف !! .. علمود إذا ما اجيتي ما اتعب روحي وارجع .. هنا كبل اكسرة على راسج واعلمج ..

ابيجيل : ماكو داعي .. جاية .. يلة روح كدامي ..

خزرني وراح وأني امشي ورا .. ودتخلي حقد مو طبيعي الة ..

أسبوع وهوة مسود عيشتي أكثر من قبل ..
قوانين صارمة وحقيرة بشكل مو طبيعي

زاد جبروتة .. وزاد قوانينة .. وزاد صعوبة التعامل ويا .. وزادد تشددة وتعبي ويا ..

رحت كعدت ومحد جان موجود .. متعلمة على الحر بس هوة مو يمي .. والولد وشقانة وسوالفنا ..

بس حقير طردة والولد بشغلهم ..

دا أكل .. وما إلي نفس بس حسيت على عيونة تراقبني وصرت أكل أكل طبيعي ..

عاف الخاشوكة من ايدة .. وباوع علية وكال ..

دامِس : هاذ الشهر كلة راح تبقين وحدج

ابيجيل : باوعت علي وكلت ..

- ليش ! يعني وحدي محد يمي !

دامِس : نعم .. ما عاجبج ؟

ابيجيل : اكيدد ما يعجبني م....

بعدني ما مكملة كلمتي وضربني على حلكي وكال بعصبية ..

دامِس : صوتجج ما يعلى وانتيي تحجينن ويايي مفهوم !

ابيجيل : ضليت مصدومة من حركتة .. يعني لأن شويةة .. شوية عليت صوتي !!

دنكت وطاحت دمعتي .. استمريت أكل وعيوني تغوش وما اشوف الأكل من القهر ..

أكلت وكمت ..

واخيراً صارت حجة اروح من يمة لأن گلبي وجعني حيلل وأريد ابجي ..

رحت للحمام وقفلت الباب علية .. وبجيت

انهاريت وصرت ابجي بدون صوت واخنك بروحي
كرهت روحي بهاذ الأسبوع .. كرهني روحي وكرهني بي بشكل ما معقول !

حقير بشكل مو طبيعي حرفياً ..

شنجت روحي وحبست انفاسي من دك الباب وكال ..

دامِس : اطلعي يلة

ابيجيل : مسحت دموعي وحاولت ابين أني طبيعية بصوتي بس للأسف .. ما كدرت وكلت ..