عند البنات
ملاك دخلت مسرعة : بنات بنات
ضي : خير
ملاك ناظرت ترف بخوف : حددو العرس
نجد : متى
ملاك هي تناظر ترف : الخميس الجاي
نجلاء: وش الخميس الجاي يعني بعد خمس ايام
ملاك: اي
ضي : كذابه
ملاك : وربي حتى ضاري دق على امي يقول جهزو حالكم من الصبح بكره نمشي بعد الصلاة ان شاء الله
ريم : يمه بالسرعه ما يمدي
ترف كانت تناظر دموعها بعيونها ما انصدمت لن جدها قالها ان الخميس العرس
دخلت غزلان
غزلان : وش فيكم
نجلاء للحين تحت صدمه : العرس الخميس هذا يعني بعد خمس ايام
غزلان : كذابه
ملاك: والله حنا الصبح ماشين
نجد: دام العرس الخميس ليه رايحين
ملاك: لان العرس راح يكون بالديره عندنا
نجد: لا تمزحين يمه وش ديره خلها هنا بالقصر احسن
ملاك : هذا طلب العريس
لميس :معليه لا اخوكم ما هو صاحي وش عرس بالديره
نجد قرصتها : اي حلو شيء غريب خال صديقتي سوه عرسه بالديره حلو
لميس : وش الحلو بنص البر عرس
ضي : وش رائيك ياترف
ترف ماردت كانت بعالم ثاني
ضي : ترف
ترف : ها
ضي : وش رائيك
ترف: بوش
ضي : عرسك بالديره
ترف : انا نعقد قراني من دون موافقتي وقفت على وين عرسي ماهم وين ما يبون خلها
ضي : وش نفهم منك يعني عرس صار من دون موافقتك
ترف : دامه الخميس الجاي وش يفرق اذا برضاي او غصب
ضي : الا يفرق ضيدان مستحيل يقبل انها يتزوج وحده غصب عنها
ترف : هذا شيء بيني وبين بين ضيدان العرس وين ما يبي ضيدان يصير
لميس : انتي بعد تبين بالديره
ترف بغضب : ما يهم اذا ابي او لا اهم شيء يخلص لاني تعبت خلاص وين ما يبون يسونه اهم شيء يخلصون اطلع من هالقصر
ضي : ترف اذا انتي مجبوره ضيدان مستحيل يقبل هالزواج
ترف : لا مو مجبوره خلاص ارتحتو
ضي: بس
ترف : عن اذنكم تعبت اليوم بروح انام
فاتن : ترف ترا عمر ماهو يومين اذا مجبوره ابوي ضيدان مارح يوافقون
ترف مشت خلتها
عند ضيدان
وصل الديره
عقاب : ها جبت مفتاح البيت
ضيدان : لا بروح للعزبا
عقاب : ليه جبتنا هنا
ضيدان : السياره خلصت ديزل
عقاب : من وين نجيب
ضيدان : من العم مخلف من وين يعني
عقاب : الحين نايمين
ضيدان : امش معي نشوف كيف نقعد مخلف
عقاب : خلها علي
عقاب راح بيت مخلف
عقاب : ذي دريشة اعرفها لمخلف
ضيدان: اكيد
عقاب : اكيد اذا مو هي غرفة اخوه هو ماعنده اخوات
ضيدان : ادري ماعنده اخوات بس اخاف انها غرفة ابوه امه
عقاب : لا ماهي ضرب على دريشه حجره نكسر القزاز
عند ابو مخلف الغرفه له : قومي يا ام مخلف قومي جاه زلزال
طلع يركض على غرفة عياله قعدهم
طلعو كلهم بملابس النوم الام لابسه عباتها
عند ضيدان عقاب من سمعو صوت ابو مخلف راحو يتراكضون وره الجدار
ضيدان ضربه على راسه بخفه : قلت لك يا تيس
عقاب : وش دراني
ضيدان : الحين وش نسوي
عقاب : اشر مخلف
مخلف : ها هذا انت
ابو مخلف : مين
مخلف : قطاوه هن الي كسرو الدريشه
ابو مخلف : وش يوصلهم لفوق
راكان : صدق وش يوصلهن
مخلف داس على رجله : الا قطاوه شوفه
راكان : وينه
مخلف : اشر له على عقاب ضيدان
راكان : ايي صدق
ابو مخلف : وينهم
راكان : يبه ناسي نظراتك طبيعي ما تشوف
ابو مخلف : ايي صدق
مخلف : يالله خلنه ندخل
ابو مخلف : يالله ادخلو
مخلف : انا بطرد القطاوه اخاف يرجعن
ابو مخلف : طيب انتبه
راكان : انتظر بجي معك
ابو مخلف : ليه ثنين
راكان : لان في قطاوه ثنين انا واحد ومخلف واحد
ابو مخلف : اقول اخلصو بسرعة ادخلو عن البرد
مخلف : زين
البارت 8
Start from the beginning
