نــــــــــــور الاســـــــــــــلام ( شمس اسلام) الدارجة المغربية تيما مبارك

✳ الجزء 13 14✳ ♥نــــــــــــور الاســـــــــــــلام♥ 🔥 شمس النور

✳ الجزء 13 ✳

   ♥نــــــــــــور الاســـــــــــــلام♥

         🔥 شمس النور 🔥

🌸تيما مبارك🌸

    ⚡الحق لا يطلب بل يأخد باليد⚡

تفاهم هو و ياه و خرجو من الدار حتى راس الحومة شاف فيه اسلام و هو كي سرح عينيه و كي كمي من الگارو و نطق

اسلام:غني عتمشي القهوة و تجلس فيها
غني:علاش انت لين غادي
اسلام:عنمشي نشوف المحامي ضروري خاصني باش نتحرك
غني:واخا ولكن اسلام واش متأكد عتجيب خالتي غيتة معاد
اسلام:اه عنجيبها معايا منخليهاش من وراية دنيا و زمان هذا
غني:واخا ا خويا
اسلام؛المهم هو هذا بسلامة

هز ليه براسو و زاد كي تصادف حتى شرف خارج من الدار يتيسر لخدمتو مع اسلام حاني راسو كي كمي مشافوش حتى دخل فيه كان عيطيح كون مشدوش شرف من يديه هز فيه راسو و نطق

اسلام:مكتشوفش
شرف(تبسم و رتب ليه على صدرو):عينين لي عندك ضعاف ا ولدي عود ترد البال
اسلام(خشا يديه في جيبو و كي شوف فيه): لا عينيا صحاح شوف انت ا لي واش شوف ديالك صحيح كي بان ليا كبرتي في العمر و هذه الشي باين غير من الشيب لي نايض ليك

شرف:شيبي وقر و ما يعيبني غير جيبي سير اوليدي راك مفاهم من الدنيا حتى ربع

اسلام:الدنيا قراتني و وعاتني على بزااف الحوايج
(حك جبهتو و سف من الگترو):ولكن كي بان ليا الدنيا لي كتدوي عليها انت مداي منها حتى ربع

شرف(حك لحيتو و نطق):لي تسحر مع دراري يصبح فاطر و هذه الشي لي عيوقع ليا معاك اولدي
(ضربو ضربات صحاح):سير حتى تعلم من الدنيا و توزنها عاد حي دوي معايا ولكن كي بان ليا من لهنا واحد 25 عام

تبسم ليه و زاد خلا اسلام غير كي شوف صغر عينيه يكدب الا قال معجبوش كلامو معاه كي بان عليه راجل وازن و عارف اشنو كاين في حياة و دليل ما نفاعل ما غوت و هذه النوع لي كي عجب اسلام الرزين و تقيل او نقدرو نقولو طينة وحدة من بيناتهم

زاد بحالو حتى راس الحومة التانية و خدا ليه طاكسي حتى وصل الگيليز نزل و جلس على واحد من الكراسا و دوز الخط حتى جاوب

المحامي:سي اسلام على سلامة
اسلام(قاطعو):5 المليون يتحولو عندي دابا
المحامي:مخصومة من فلوسك

اسلام؛تخسمهم نجي نخسم مك من لي معمرو يقيم عليك ها ودني منك سمع نقول ليك جوج كلمات جميع الفلوس لي عنطلب منكم مداخلش في الحساب الا بغيتو شغلكم يمشي هو هذاك سلااام

قطع عليه و هو كي هز رجليه زير مهم حيت عارف معندهم عليه لاين مكاملاش 5 الدقائق حتى كانو الفلوس في حسابو مشا خرج منهم لي يكفاه و رجع الحومة عند غني واخا صاحبو ميدوزوش عطاه شي بركة يخليها عندو  و خلص مول الكرى في 5 شهور ديال التسبيق و هذه الشي علاش عوال و رجعو بحالهم الكازا باش ياخد مو يكسيها هي و ختو حيت غادا غدي يجيبهم الحي الملاح فين عتشقلب حياتو و حياة واحد اخر✳ الجزء 14 ✳

   ♥نــــــــــــور الاســـــــــــــلام♥

         🔥 شمس النور 🔥

🌸تيما مبارك🌸

    ⚡الحق لا يطلب بل يأخد باليد⚡

جالسة حاطة يديها على خدها كتشوف في الشرجم و ريحة ديال الرفيسة عاطية في الدار تنهدات من قلبها حتى كتحس بنغزة في جنبها دارت عندها

راضية:شنو ا ماما
اكرام؛جوج سوايع و انت جالسة ليا فوق البوطاجي و كطلي في الزنقة اش كاين
راضية(ضحكات):مكاين والو
اكرام؛عليا انا هذه الهضرة مكاينش حتى الولاد في الحومة لي نقول راك مزعوطة و حاظياه ليا في الشرجم
راضية(ضحكات بالخف):والو والله أجي معنمشيوش عند خالتو مينا
اكرام(كتقاد في كيكة في الفران):في العشية عنتجمعو كاملين
راضية(حطات يديها على دقنها):واخا احم ماما

اكرام(ملاهية مع الفران):نعام ا بنتي
راضية:الدار لي كانت ساكنة فيها خالتي سلوى
اكرام(كتمسح يديها):مالها
راضية:وقيلة تكرات ا ماما شفت شي رجال داخلين ليها قبيلة
اكرام(شافت فيها):بصح يالله تعمر ديك الدار

نادية(بعكاز جايبة الهيدورة و جاية مفرشاها في الكوزينة):الدار ا بنتي ولات كيف المهجورة ناسها لي يجيو يسكنو فيها يعمروها

راضية:ان شاء الله
اكرام(تزير عليها قلبها):الله يعطينا جورة مزيانة ا خالتي
نادية:امين ا بنتي اري ديك الگعصة لهنا نفرتت معاك اري ا بنتي
اكرام(كتشوف فيه):ااا خالتي واش باقي عندك شي صحة لي تفرتت
نادية:مدي مدي
راضية(مدات ليها الكصعة):يد ميمتي بنينة ا ماما والله
اكرام: في هذه مكدبتيش والله
راضية:عنطلع القطيطة شوية حليب نرضعها ا ماما
اكرام: واخا

نادية(شافتها مشات و شافت في اكرام لي جلسات حداها):اوا الحمد لله عليك ا بنتي لقيتك بنت الناس شحال شرف كان يقول ليا بغيتها بغيتها و انا لي مخليتوش و نطيح بيه

اكرام:علاش ا خالتي
نادية:كنت خايفة عليك منو منكدبش عليك
اكرام:اوا الحمد لله ها هو تبدل بقات ليا شمس نزوجها و نرتاح عليها

نادية:احياني عليك ا اكرام كنتي تقولي غير تاخد ديبلوماتها نهار خدات الإجازة بقيتي تقولي غير توصف جريتي انت و شرف و جاريتي مخليتي حمزة و معارفو ما خليتي صامد و معارفو حتى توضفات و دابا كتقولي تزوج

شمس(دخلات من الزنقة اصلا مكيحسوش بيها حتى نطقات ببتسامة واسعة):غادا منين نتزوج نسمعها تقول ليك نشوفها بوليداتها و نرتاح

اكرام(حلات يديها):جيتي ا كبدتي أجي عنقيني أجي فيك الجوع نحط ليك ما تاكلي على ما يجي باك من الجامع
شمس(حركات راسها و عنقاتها):لا بلاش اصلا اليوم غير السبت ا غادا الحد مكاينش الخدممممة
نادية:سيري ا بنتي بدلي حوايجك و رتاحي باك شوية و يدخل
شمس:اوكي

ناضت من حداهم و مشات بدلات عليها و خرجات الصالة تجبدات عاطية الباب بالضهر تطلع في الفايس حتى كتحس بشي حد باس راسها دوراتو شافت نادر صغرات عينيها

شمس:اش كدير
نادر:مكنتش قاصد لبارح غير بغيت نضحك معاك و انت عارفة ضحكي باسل سمحي ليا
شمس: حمقو واش كاين لي تقلق من خوها
نادر:بصح
شمس:اه بصح
(حلات يديها):أجي عنقتي أجي

مكانش من العاكزين تجبد حداها و تخشا معنقها ناعسين في نفس السداري حتى هبطات كيف الرعدة:ويلي ويلي خيانة هذه خلاها بابا

مشات تلاوحات عليهم كتزافط معاهم و يضحكو صوتهم واصل حتى الزنقة