🚨🚨🚨جديد جديد🚨🚨🚨
🔥🔥 حصريا و لاول مرة على مجموعة ورداااااااات الملووووووك 🔥🔥
#لا_يــــــــــــــــــــحـــــلـل_نشر_نهائيا
قراو لتحت👇👇👇
القصة لي كنتو بانتظارها جا وقتها قصة لي كتحمل من كل فن طرب قصة تجمع بين
#الغدر #الخيانة #الحب #الروم...
جالس كي ضرب بالكرة مع الحيط و كترجع ليه كي ولي يعاود يضربها و ترجع ليه كي عاودها مرارا و تكرارا حداه صداع ديال الناس او نقدرو نقولو المساجين لي معاه في نفس الزنزانة هو مدايها في حد حدو مخنزر و تخنزيرتو جامعها
هو شاب كيف اي شاب قرى و تعلم و ولا راجل ولكن تبع طريق الانحراف يبيع الحشيش يكريسي عباد الله يشرب يكمي اكثر حاجة خايبة فيه هو فمو لي كي قطر بالقطران بالعربية خانز و الا مشا حتى ناض ليك ميسالي شغلو معاك حتى يتاكد راه عطب مك من شي قنت
سمعو المساجين خطوات جايين من على برى حبسو الصداع و دورو راسهم منين فتح الحارس الباب هز راسو كي قلب حتى طاحت عينيه عليه هو و تبسم
الحارس:نور الاسلام
اسلام غير سمع اسمو شد الكورة بيدي و دور راسو هنا كيبان لينا وجهو لي مهما حاول يبان قاصح باش يخلع بنادم ولكن ديك القصوحية غير مكتزيدو هبة و وجهو معاطيه غير وسامة كثر حرك ليه راسو بمعنى شنو
الحارس:عندك زيارة زيد
ناض بشوية عليه و هز التيشورت لبسو دار كلاكيطة في رجليه و خرج من الزنزانة مع الحارس كي تمشاة حتى وصلو الغرفة ديال المدير دخل معاه كي هز راسو كي بان ليه 3 الرجال جالسين واحد خليجي و جوج التانيين باين عليهم محاميين ولكن واحد كان خليجي و التاني مغربي شار ليه المدير الكرسي يجي يجلس مشا شد كرسي جرو حتى تجرد مع الارض و هما حطو يديهم على ودنهم هز راسو فيهم و حركو بمعنى شنو
مدير:هذا كي كون ميسور بن عبد الله بن محمد** اسلام(قاطعو):قصر محامي(مغربي):سي نور الاسلام المراكشي اسلام (بتخنزير و صوت خشن):كتحفظ اسمي محامي(حك لحيتو):لا جبنا ليك خدمة و باغينك فيها اسلام:اشنو هي الخدمة بسلامة
محامي(شاف في المحامي التاني و الخليجي و نطق):هذا ولد اكبر تاجر كاين في الخليج سيد لباس عليه هذه 20 عام جا واحد الشخص الخليج و دعا انه الاب ديالو تعدى على وحدة مغربية منين سمع الاب ديالو مات و خدا ليه الورث ديالو يعني تقدر تقول تلت و تلتين خلاه ليه
اسلام:هو تكرفص على البنت و انا مالي محامي:سي نور الاسلام السيد ديك الوقت لقا غير مو و حگر عليها داكشي علاش منين كبر بغا يرجع حق ديالو لي تخاد منو بزز يعني ضلم لي تعرض ليه في الصغر باغي يرجع حقو
اسلام( ناض جمع الوقفة و خنزر فيهم): لي يبغا يرجع حقو راه الطريق بسلامة
محامي الخليجي (شافو غادي و هو ينطق): عيعطيك 100 مليون مقابل هذه الخدمة
وقف في بلاصتو منين سمع 100 مليون حك شفايفو و دار عندو مخنزر تمن مغري و بزاااف
Ops! Esta imagem não segue nossas diretrizes de conteúdo. Para continuar a publicação, tente removê-la ou carregar outra.
✳ الجزء 2 ✳
♥نــــــــــــور الاســـــــــــــلام♥
🔥 شمس النور 🔥
🌸تيما مبارك🌸
⚡الحق لا يطلب بل يأخد باليد⚡
محامي كي شوف في اسلام لي هو بدورة كي شوف في داك الخليجي باين عليه عندو الخير و الخمير وطامع في جوج دريال هذه لي متفهماتش ليه نهائيا بقا كي فكر و يعاود
محامي:اسلام فكر مزيان راك عتعيش في رفاهية مقابل خير و الحق يرجع لماليه اسلام:اش المطلوب المحامي:والو غير ورقة البنت سانية عليها كتنازل على الاملاك
اسلام(جلس على الكرسي و كي شوف فيهم): باش عنعرفكم كتدويو بصح باش عنعرفكم مطامعينش في حق واحد اخر
مدير:شوف مزيان ا اسلام واش هذه حالة واحد يطمع اسلام:انا مموافقش محامي:هذه هضرتك الأخيرة اسلام:اه محامي؛واخا ا سي اسلام
ناضو خرجو بحالهم بعد ما خداو جوابو و المدير خرج تبعو و وقفو بيديه باين عليه مدير طماع و مدورين معاه باش خلاهم يدخلو هز اسلام صبعو بتحذير و نطق
اسلام:و ياك ويااااك ا سعادة المدير تغلط فيا انا ولد السوق و قوااااا د اه ولكن مع ال9حاااااااااب مشي بنات ديووورهم
مدير:سمع ا اسلام جاتك فرصة لي تعيشك في الرفاهية طول حياتك 100 مليون مشي ساهلة باش تعطى فكر مزيان هذه الناس الا مشاو حتى خطوك في بحالهم مغديش يرحموك لا انت لا مك و ختك
اسلام(ضرب في الحيط):يفكر شي واحد يقرب ليهم
مدير:اسلام فكر مزيان و رد عليا مضيعش هذه الفرصة من يديك و البنت انت مشي عتكرفص عليها عترجع غير حق لماليه
سمح فيه و مشا بحالو دخل اسلام كمل طريقة نافض هذه الافكار من راسو دخل الزنزانة و تجبد مد يديه و جبد من فوق الرف صورة لي كتجمعو ب 4 ديال الناس مو باه ختو و عاد هو بقا كي شوف فيها شحال و هضرتهم كي دورها في راسو حك لحيتو في النهاية عيدير خير و يرجع حق لماليه
شاف في ختو و تنهد من القلب غمض عينيه و هو كي فكر في هذه الحريرة 100 مليون تمن مشي عادي و الا خداه راه عيمشي هو و مو و ختو لشي مدينة ميعرفهم حد و يعيشو مخيرين يدير مشروع الراسو و يتهنى من اي حاجة هو مغرق راسو فيها ولكن البنت اشنو دنبها في هذه الشي كامل لي عيدير
بقا ليل كامل هو كي تقلب و يفكر و حيط يضربو الحيط بالتفكير حتى صباح الحال و مشا دق في الباب جا عندو الحارس
