رتبة و ظفيرة

ابو فزعة و سَمر ⚜️

وراد يرجعني للطبيب ثاني يوم حتى للشغل ما راح تالي كتله كله مقلب حتى بعد متعيدها و تحجي وي نسوان كبالي تالي كعد لازم راسة يكلي والتالي وياج
فهميني خفت لا يصير بي شيء كعدت اتدلعله نسه حتى المقلب

سمر : خرب يومج شلون كدرتي تسيطرين و متضحكين
كبر عبالنه من طلعتي بـ بيت عقلتي
يَاسمين: اعذروني والله ما اكدر اصلا هو يكلي ضلي هيج لا تعقلين

سمر : تاليتو يعلگ سكره من وراج و يموت
يَاسمين: لاما يعلك هو المتحمل جمالي ما يتحمل سوالفي

حجيت وياها حتى تجي للعرس كالت هم اصلا اتفقو الزفة تجي لبغداد و ثاني يوم ترحون للعمارة ضليت افكر شنو عيشتهم هناك لسه محد سولفلي
وامي يومية محاضرة لازم اصير خوش چنة لان اني مرت الصغير و اخوته البقية كلهم متزوجين و طالعين

لازم اكعد و اطبخ وامي تعلمني على الطبخ و دكلي اذا ما تعرفين
خابريني اني اعلمج و اني هنا اقوى شيء اسويلهم كيكة ما تدري عمتي سويت صوص ككو مردت مطبخ بيت جدي
سمر : هساع اني اصيحلهة عمة لو جدة لو بيبي ؟ امه بعمر سَهلة
ام قيصر: هي هناك تعلمج شتصيحيلها

- ما اريد خبال و طلعة هناك ديرة مال شيوخ و ناس اضرب من ابوج و خالج
لو يدحكون راسج نمد نتمنجد انتِ هناك رايحة تمثلين ابوج و سمعتو و تربيتي
و هيبة خالج اي زلة منج تفشلينا

سمر : وهاي شنو اني اريد اطلع و اسافر و احط مكياج وهاي عجل شعندي متزوجة
بس لا اطلع من سجن و اطب لسجن
ام قيصر: هاي بأيد رجلج هو يطلعج و ياخذج مكياج لا خلي عادي عجل غير عروس
سمر : و اذا رحت و ما عجبني الوضع ؟

ام قيصر: ولج سمر لا تخبليني شنو ما يعجبج ارضي بنصيبج و حبي رجلج و انجبي
هساع مو هذا ابوج و اعصابو بس لان احبو عندي راحتو اوك الدُنيا كلها
مو هاي مرت ارشد هاكدها ولج و لان تحبو جرعت المر من اهلي وما تخلت عنو
و اخذتو منهم اخذتو صيري مثلها هو هم يعادي الدنيا لخاطرج

سمر : اوك نجرب وندحك شيصير
خزرتني و لطمت وجها اني ضحكت و صعدت
جابولي بدله العرس و الحنة لزمت بدلة العرس و وكفت كبال المرايا
- لخاطرج حبي راح افوت لعالم مجهول عاد كون تستاهلين التضحية

اخواتي وراي يضحكن
سمر : لجن طلع يحبني من قبل بس هو شوية شافط حتى اعترافة
بارد عود عبالي هاي من يكلي راح اكلج شيء ضامه من زمان ما معترفلج بي
تالي كلي اي والله شفتج من ركضتي بالكراج مال خالج
رونق : ههههههههههه حيل مو كتلج لا تحلمين زايد

سمر : هو اني كل ما تضيك الدنيا بعيني و ادحك عنده مسدس اهجس لا اكو امل بالحياة