ချစ်ခြင်းတို့အလွန်

Extra (5) Final

" ကိုကို...ဒေါက်တာခေါ်လိုက်မယ်...ခဏလေးနော်...."

" မနက်ကပဲပြောသွားတာလေ ....ကိုယ်ဝန်ဆောင်သူတိုင်းတွေ့ကြုံရတဲ့အခက်အခဲမို့ ကလေးသည်းခံနိုင်ပါတယ်....မခေါ်ပါနဲ့..."

" အဲလိုဘယ်ဟုတ်ပါ့မလဲ ကလေးရာ...ကျန်းမာရေးဝန်ထမ်းတိုင်းက စောင့်ရှောက်ရမည့်တာဝန်တွေ ထမ်းဆောင်ရတာမဟုတ်လား...."

" ဒါကတော့ ဒါပေါ့.....ခုလည်း ဖြစ်ရိုးဖြစ်စဉ်မို့ ခဏနေ သက်သာမှာပါ ကိုကိုရာ....."

သားမွှေးအိပ်ယာပေါ် ခြေဆင်းထိုင်နေသော အမျိုးသားအနီး တိုးကပ်ထိုင်ကာ ပူဖောင်းနေသည့် ဗိုက်ဖောင်းဖောင်းလေးအား ပွတ်သပ်ကာ သနားကြင်နာသည်မဟုတ်ပါ့လား။ မျိုးတူအမျိုးသားယောကျာ်းလေး ဖြစ်သော်ငြား ကိုယ့်ဆိုးသည့်ဒဏ်ကို လူးလဲခံစားရင်း သားတစ်ယောက်ကို မွေးဖွားပေးသည့်အပြင် မိသားစုတွေ အဆင်ပြေကြသည့်တိုင် ချစ်ခြင်းမေတ္တာသံယောဇဉ်တစ်ကြိုးထပ်မံ တွယ်နှောင်ကာ ဒုတိယ ရင်သွေးရတနာကို ခက်ခက်ခဲခဲ လွယ်ပိုးထားရသည့် ကောင်းပြည့်လေးကိုကြည့်ပြီး သနားဂရုဏာစိတ်များဖြင့် ပြည့်ပြည့်တင်းတင်းနဖူးစလေးထက်နားရှိ ဆံစလေးများကို နမ်းရိူက်မွှေးကြူမိသည်။

" သက်သာမှာပါကလေးရယ်.....ကိုယ်တ်ို့သမီးက သူ့ပါးပါးနာကျင်စေမှမဟုတ်တာ ကိုယ်ယုံကြည်တာမို့ ခဏသည်းခံပေးပါ နော်...."

" အင်း....သမီးက ကျွန်တော်ကို ဘယ်တော့မှ မနာကျင်စေဘူး....ခုဟာလည်း ဖြစ်ရိုးဖြစ်စဉ်မို့ ငြင်းဆန်မရဘူးလေ ကိုကိုရာ...."

" ဒါပေမယ့် ကလေးကို ကိုယ်အားနာလာတယ်....ကိုယ်တောင်းဆိုမူကြောင့် ခုလိုခက်ခဲစွာနေထိုင်ရသည့် ဒုက္ခဆင်းရဲကြီး သယ်ပိုးထားနေရတာမျိုး....ကိုယ်..."

" ကိုကိုတောင်းဆိုလို့ ပါချင်ပါမယ် ဒါပေမယ့် သမီးငယ်တည်ရှိမူမှာ ကျွန်တော်လိုလိုလားလား သယ်ပိုးချင်မိတာပါ.....သားကို မောင်နှမမေတ္တာသံယောဇဉ်လေးနဲ့ သိုက်သိုက်ဝန်းဝန်းနေစေချင်တယ်...."

" ဒါပေမယ့် ကိုယ့်ကလေး နာကျင်ခံစားနေရတယ် ..."

" ဒီနာကျင်မူဆိုတာ နောက် ခဏအကြာ လူ့လောကထဲရောက်လာမည့် သမီးငယ်မျက်နှာမြင်ရတာနဲ့အလိုလို အငွေ့သဖွယ်လွင့်စင်လိမ့်မယ်ကိုကို.....ကျွန်တော်ပျော်တယ်....ကိုကိုတို့သားအဖရဲ့ပျော်ရွှင်ကြည်နူးမူလေးတွေက ကျွန်တော်အတွက် အဖိုးမဖြတ်နိုင်တဲ့ ခွန်အားမျိုးပါ...."