اطلقت طلقه وماتدري اطلقت بقلبي

2

بالرياض الساعه 5 الفجر
سامي :يالله ياعيال اخلصو بنمشي
قامت سحاب بسرعه تحط الاغراض وتلبس عبايتها
ومشاري :هيام بسرعه تعالي سنه 
هيام :وانت وش دخلك اصبر
مشاري:اقول اخلصي تراها عبايه ونقاب ومحد بشايف وجهك اخلصي علينا
هيام :خلاص جيت
سامي :يالله توكلنا على الله نسيتو شيء ولا جبتو كل شيء
سحاب:ابوي كم يوم بنقعد
سامي:اسبوعين ان شاءالله
هيام :الله حماس
ماجد:احلى اجازه فله
مشاري:عزالله بتفلونها مادام هيام مع ريفال وماجد مع العيال احلى فله
هيام ومشاري بنفس الوقت :وش فينا ترانا كتاكيت مانسوي شيء
ضحك مشاري وسحاب
..........................................................................
الساعه11الظهر قامو اهل البيت ينظفون ويرتبون هم اصلا كانو منظفين من امس بس يجهزون وخلصو وراحو يلبسون
ريفال:اشواقوه وين حطيتي الفير
اشواق:بالدرج تلقينه
راحت ريفال وبدت تسوي شعرها وشعر ورد وخلصو البنات
اشواق
كانت لابسه بدي ابيض وجكيت تيفاني وبنطلون ابيض ومسويه شعرها ستريت وحاطه ميكب خفيف
ريفال
لابسه هاينك ماسك لون اسود وبنطلون بيج ومسويه شعرها فير وميكب خفيف
ورد
لابسه تيشيرت وجكيت بنفسجي ومسويه شعرها فير ومسويه ميكب خفيف
ورد :بنات شكلي حلو
اشواق :والله يجننن واصلا مافي الا احنا جدي كنسل الغداء وخلا العشاء مع عيال الديره
ريفال :حمدالله مالي خلق كان
........................................................................
عند العيال
الجد دخل عليهم
الجد : يالله قومو ابو مشاري بيوصل وانتو نايمين
كلهم فزو بسرعه وقامو واللي راح ياخذ شور واللي يدور لبسه وبدو يتجهزون
..................................................................
بسياره ابو مشاري
ابو مشاري :يالله عيال وصلنا
مشاري :اخخ يازين ديرتنا بس
وسحاب تصحي هيام
سحاب :هيام يالله قومي وصلنا
هيام : الشوز حقي الثاني بدوره اصبرو
بعدها نزلو ودقو الباب وفتحهم خالد والعيال والجد فهاد واستقبلهم والفرحه عمت بالبيت بوصولهم
دخلو البنات وصارخو يوم شافو البنات وقامو يحضنون بعض وبدو يسولفون وياخذون اخبار بعض
...............................................................
عند العيال
خالد :مشوري اشتقتلي صح
مشاري ناظره بطرف عين وقال :يع تكفى لاتدلعني ماني ناقص دلعك
خالد:حرام عليك عاد الكل يحب دلعي لهم ويحبونه
مازن شرق ومسكه يضربه خالد ويضحك وقال :اووف مزوني كل ذي غيره عشان مادلعتك ولا يهمك يروحي ادلعك
ضحكو العيال
قال مازن :يرحم والديك طير عني من زين دلعك
ضحك خالد وقال :خلاص انتهت العلاقه
مازن :احسن شيء سويته بحياتك
وضحكو العيال وبدو يسولفون ويذبون على بعض وتغدو وراحو ينامون الين العصر عشان العشاء
..........................................................................................
الساعه 4قامو الكل ببالبيت ويجهزون والعيال راحو يجيبون الذبايح
ريفال :افف تعبت
اشواق :محسستني مسويه شيء كبير
ريفال :اي غسيل الحوش بالنسبه لي كبير
بدو يغسلون
هيام :بنات وين الصابون
استغربو البنات وقالت اشواق :ليه
هيام :بس وينه ابغاه
اشواق:تلقينه بالدولاب راحت هيام وجابته
وبدت تحطه بالارض وترش مويه وتلعب وبدو يلعبون الين طلعت الجده
الجده :انتو اخلصو يابنات وخلو اللعب عنكن
وضحكو البنات وخلصو الغسيل وجات الساعه 7وراحو يتجهزون بعد ماخلصو
ريفال :بنات لايكون بتجي شمشون
اشواق:يووه اكيد بتجي جدتي عزمت الكل
سحاب :مين شمشون
ورد:يوه الله يعينك وحده ترفع الضغط
ريفال :قسم بالله باصفقها هي ودلعها وامها عاد مسويه المدافع عنها
هيام :وربي ماخليها اذا قالت شيء
ضحكو البنات وكملو يتجهزون
........................................................................
عند العيال
مازن :ياعيال متى نخلص ونرجع
خالد:مزوني بنتاخر
ناظره مازن بطرف عين وقال :يرحم لي والديك لاتحدني الحين اخليهم يتعشون عليك الليله
ضحكو العيال وقال مشاري :الله يعينا عليك صدق
خالد  : احمدو ربكم غيركم يتمناني
ماجد:شكل مايتمناك الا اهلك
مشعل :يابن الحلال ماحد يتمناه حتى جدي وجدتي شكلهم ندمو
خالد :خلاص جرحتوني كنت بصير عم حنون معكم بس للاسف
مشعل :شفنا كل شيء الا الحنان
وضحكو وكملو شغلهم
............................................................
بعد ماخلصو البنات
اشواق :بنات شكلي حلو
ريفال طالعتها :تهبليينن ماشاءالله
هيام :وربيي صاروخ ياحظ اللي بياخذك
بدو البنات يمدحونها واشواق استحت
اشواق
لابسه فستان ازرق ماسك من عند صدرها ومن عند يدها اكمام ولابسه اكسورات فضيه ومسويه شعرها ستريت وحاطه ميكب ناعم وكعب فضي وبشرتها بيضاء وجميله
ريفال
لابسه فستان موفي ماسك واكسوارات فضيه وكعب فضي ومسويه شعرها ويفي ومسويه ميكب ناعم وبشرتها بيضاء وجميله
سحاب
لابسه فستان تيفاني وماسك ولحد الركبه واكسوارات فضيه وكعب ابيض وميكب ناعم ومسويه شعرها فير وحلوهه
هيام
لابسه فستان بيج وكم طويل ولحد الركبه واكسوارات فضيه وكعب اسود وشعرها ستريت وميكب ناعم وجميله
ورد
لابسه فستان اسود ماسك على خصرها ومسويه شعرها فير واكسوارات فضيه وكعب اسود ومناكير احمر وميكب ناعم وطلعت حريقه
ترف
لابسه فستان وردي ماسك بجسمها واكسوارات فضيه وميكب ناعم ومسويه شعرها ستريت ولابسه كعب ابيض وحاطه مناكير ابيض وجميله
دخلت عليهم نوره وانصدمت منهم وقالت :ماشاءالله تهبلونن طالعين ملكات حصنو نفسكم وابتسمو البنات
........................................................................
الساعه 8وصلو الرجال وقاعدين يستقبلونهم الجد وعياله واحفاده
وجاء هايف وابوه وبدو يسلمون وهايف راح يجلس مع العيال ويطقطقون على خالد
الجد اشر على مازن وخاد يصبون القهوه وقامو يصبون
جاء مازن بيصب القهوه وانكبت عليه وقام بسرعه لان القهوه حرقته ودق على ريفال وماردت
ونادا ياولد وجلت اشواق قالت :هلا
مازن:نادي ريفال او امي
اشواق :ريفال مشغوله وامك مشغوله شتبغى
مازن :ابغى ثوب
اشواق:ليه؟
مازن :انكبت القهوه وابغى ثوب
اشواق ارتاعت وقالت:دقايق بجيب ثوب ومرهم حروق وراحت
ومازن ابتسم جات اشواق وعطته المرهم والثوب وشافها نصها وصد على طول وراحت وهو يتخيل شكلها وراحب ل ثوبه
خالد:ماش ماتعرف تصب قهوه
ناظره مازن بطرف عين وقال:على اساس انت ماقد كبيت
خالد :انا لا طبعا
مشعل:كذاب قبل جدي ناداك وكبيت على جدي
ضحك ماجد وقال :ليتك ساكت وخليت كلامك بجيبك
وناظره خالد بطرف عين وضحكو العيال
...................................................
عند الحريم
جات هياء وبنتها مها وسلمت على البنات وهي مره مشتاقه لبنات سامي
وبدو يسولفون ويحشون ويقيمون ملابس المعازيم
جات شمشون والبنات كارهينها ويسبونها
هيام :شفيكم تطالعون البنت كليتوها
ريفال:ذي شمشون اللي نقولك يععع شوفيها كيف تاكل العلك
هيام :يعع هذي يشينها والله مومنها من ميكبها كانها باربي
سحاب :بس انتي وياها اسكتو
جات شمشون وتتكلم بدلع وتاكل علك :هااي قيرلز
كلهم ناظروها وقالت هيام وتناظرها من فوق لتحت وتقول :الناس تسلم
ناظرتها شمشون وتدلع :ليه ماتعرفين وش معنى هاي قيرلز اوميقاد ماتوقعت
ناظرها هيام وقالت :اقول لو ماتمسكين كلامك لاقوم عليك وعع انتي وميكب حقك حق باربي وضحكو البنات
وتنرفزت شمشون وقامت
............................................................
تعريف على عائله شمشون
ابو ابتسام (وليد)
شخص عصبي بشكل موطبيعي ومتشدد على عياله واكثرهم بنته شمشون ومايهمه الا انه يطلع بصوره حلوه عند الرجال عمره 55
ام ابتسام (سميره )
عكس ابو رفا هاديه وملامحها هاديه جدا وتجنن وحريم الديره يحبونها وعمرها 49
مهند
عصبي وهادي بنفس الوقت دايم يهرب من البيت وينكشف لاكن مايتوب ودايم يضحك ومايهمه احد ويحب احفاد فهاد وعمره 25
ابتسام
ويلقبونها البنات بشمشون مومره حلوه وحده من اعداء الرواييه وماحد يطيقها وعمرها 23
................................................
ريفال :بنات ابغى مويه تكفين هيام جيبيلي
هيام :اقول عندك رجلين روحي بس
ريفال :اووف امحق ضيفه
المطبخ قدام المقلط اللي بيتعشون فيه الرجال دخلت المطبخ خذت مويه جات بتطلع وشافت رجال كثير وخافت وسكرت المطبخ بسرعه
.............................................
عند العيال
محمد : ياعيال الدله روحو جددوها
خالد :قوم انت مشغولين
قام محمد وراح المطبخ واول مادخل شاف ريفال وصد على طول وريفال خافت وشاف الطريق وقال اطلعي وطلعت
ورجعت للبنات وهي منحرجه
اشواق :وش فيك
ريفال :ها ولا شيء
اشواق بشك :تمام

ان شاءالله اعجبكم
حسابي تيك yalhmmad.1