Uni
ရန်ကုန်ကို ရှိုင်းပြန်ရောက်နေတာ ၁ပတ်လောက်ရှိတော့မည်။
ဟိုကောင်လေးကတော့ သူကိုယ်တိုင် ရန်ကုန်ပြန်ရောက်နေတာတောင် မသိချေ။
ဘာလို့ဆို ရှိုင်းက သူ့ကို အခန်းထဲမှာဘဲ ပိတ်ထားလို့ ဖြစ်သည်။
ရန်ကုန်ကအိမ်က လည်း မိုင်းလားကအိမ်လိုပဲ ပုံစံတူ ဆောက်ထားဖြစ်သည်။
အဲ့တော့ အခန်းဟာလည်း အတူတူဘဲ ဖြစ်နေတာ ဖြစ်သည်။" သားငယ်ရှိုင်း သားခေါ်လာတဲ့ ကောင်လေးက ဘယ်သူများလဲကွယ် ၊ သားသူ့ကိုတစ်ပတ်တိတိ အခန်းထဲမှာ ပိတ်ထားတာ မေမေ့မှာ ဖြင့် သနားလွန်းလို့သားရယ် ၊ အဲ့လိုတွေမလုပ်ပါနဲ့ နော်သား ၊ တစ်ဖက်လူကို နာကျင်အောင်လုပ်ရင် ကိုယ်ကလည်းအဲ့လိုပဲ ပြန်ခံစားရတတ်တယ်တဲ့ကွယ် "
မေမေက ရှိုင်းကို လာဆုံးမတော့ ၊ ရှိုင်းလည်း မေမေ့ သဘောအတိုင်း ငြိမ်ကာနားထောင်ပေးနေသည်။
" ဟုတ်ကဲ့ပါ မေမေ၊ သူကသားနဲ့ အလုပ်အတူတူ လုပ်နေတဲ့ သူပါ ၊ စာချုပ်စည်းကမ်းကိုဖောက်ဖျတ်လို့ သူ့ကိုဒဏ်ပေးထားယုံလေးပါ "
" ဒါပေမဲ့ သားရယ် ၊ သူလည်း သူ့မိသားစုရှိရာကိုပြန်ချင်မှာဘဲလေ ၊ သား မေမေ့ကိုချစ်ရင် သူ့ကိုလွှတ်ပေးလိုက်ပါနော် "
မေမေက တကယ်ကြီး ဟိုကောင်လေးကိုသနားနေဟန် ၊ ရှိုင်းကတော့ မသနားနိုင်ပါဘူး ၊ သူ့အပြစ်နဲ့သူမို့လို့ ခံပေါ့။
" သားသိပါပြီ မေမေ ၊ သွားနားလိုက်ပါအုံး မေမေရယ် ၊ ဆေးရောသောက်ပြီးပြီလား ၊ သားတိုက်မယ်လေ "
ရှိုင်း မေမေ့ကိုတွဲကာ အခန်းထဲကို ပြန်ခေါ်သွားပြီး သက်တောင့်သက်သာလှဲအိပ် စေကာ ခြေထောင့်များကိုနှိပ်ပေးပြီး ပြန်ထွက်လာခဲ့သည်။
မေမေ့အခန်းထဲက ပြန်အထွက်မှာ မရီး ဖြစ်သူနဲ့ ပတ်ပင်းတိုးသည်။" မင်း အဲ့ကောင်လေးကို လွှတ်ပေးလိုက်စမ်းပါ၊ ငါလည်း တစ်နေ့တစ်နေ့ သူ သောင်းကျန်းတာနဲ့တင် နားငြီးနေပြီ "
" အဲ့ဒါ ခင်များ စောက်ကြောင်းပါလား "
ရှိုင်း ထိုမရီးဖြစ်သူကို ဘောက်စက်စက်ပြောကာ ထွက်လာခဲ့သည်။ မရီးဖြစ်သူ ဘယ်လို မကျေမနပ်ဖြစ်နေမလဲဆိုတာကိုတော့ သူမသိချင်တော့။
ထို့နောက် ဟိုကောင်လေး ရှိနေသည့်အခန်းထဲကို ဝင်သွားသည်။
YOU ARE READING
Only for you ( မင်းအတွက်သာ)
Romanceမင်းကိုဘယ်ကနေ စချစ်မိမှန်းငါမသိခဲ့ဘူး။ #ရှိုင်းဝဋ်သာလွန် အစ်ကို့ကို ချစ်ပါတယ် ဘဝနဲ့ရင်းပြီးတော့ပေါ့ #နှိုင်းလွန်းသာနွယ်