مزيد من الإنقسام بين الشعب والإخوان
رفض كامل للأعلان مليونيه في الميدان
مؤيدين فلان ضد مؤيدين فلان
سقوط اتنين شهداء أهلا بيك فى مصر الآن
أهلا فاللي أحتلها حكومات تستغلها
تزرع فساد و عقولنا تروي جدورو من جهلها
علمونا نهتفلها وأحنا لسه بالمريله
نموت نموت وتحيا مصر أدينا متنا مين عاشلها
حكومه بتزلها فاشله فاستخدام دخلها
سايقة عجلة التقدم بالروتين اللي يشلها
بلد ولا يوم بانلها شئ يبل ريق ابنها
يشيل حكومه تجيب حكومه نسخه من اللي كانت قبلها
حكومات مجمل همها إن يطول نفس حكمها
فكبح جماح أمل شعبها كان تمن تحقيق حلمها
كل حكومه فوق برجها طول ما ناسها بتسمعلها
راح مبارك جه الإخوان يكلموا من نقطة ما انتهى
بلدنا بتتمزق ما بين طوايف من شعبها
وكل طايفه شايفه الصورة من زاويه فكرها
مفيش حد نزلها شاف عقدتها وجاب حلها
ماتش والفرقه الكسبانه اللي الجهور بيهتفلها
مسلسلك قديم من قبل صداع مرسي وشفيق
نظام ودقه وقت الفوضة لاجل هروب المعتقلين
تدخل دقون ثورتنا تحمينا من حكومتنا
فالعالم كله يشوف إن الإخوان ايدهم فى ايدنا
قدم وعود قول حق الشهداء راح يعود
والمحاكمة راح تتعاد على مرأى و مسمع الشهود
العب على وتر الدين جهل إلناخبين يزيد أصواتك
شيوخ تقنع ملايين انك خليفتهم من قنواتك
فخوف الناس من الأسوأ إدي السيئ تقدير جيد
أثر الصدمه كان متوقع ايه تأثر الضرب فميت
رفعنا للسما ايدنا آخر أمل باقيلنا
يا رب تخيب ظنونا تكون وليت الأصلح بينا
لكن الظن صدق والوهم الوردى اتسرق
بلدنا زي ما هي والنظام زي اللي سيق
كرهت بلد محلمتش فيها يوم حلم و مضعش
كل أما امشي سطر قوة ترسم أخروا نقطه ضعف
بلدنا بتتمزق ما بين طوايف من شعبها
وكل طايفه شايفه الصورة من زاويه فكرها
مفيش حد نزلها شاف عقدتها وجاب حلها
ماتش والفرقه الكسبانه اللي الجهور بيهتفلها
بلادي بلادي بلادي
ليكي بالحرية بنادي
بلادي بلادي بلادي
أموت و يشوف شمسك ولادي
الحال من بعد الثورة حاله إحتكار اداري
سؤالي نصيب الثورة كام مقعد وزاري
مشاركه لا مغالبه لأ دي مغالبه في المشاركه
فى المجالس في الوزارات للإخوان مقاعد ثابته
أيه المغذى من كل رحلة وليها مرسي
سنين بتطاردو كرسي متعرفوش عنه الا نبذه
أكتر جماعة جاهزة شعار حقق المكسب
ميت يوم تحت العدسة أكدوا ان وصولكوا كارثة
وبعد وصولكوا أيه كان دوركوا مصر ولا غزة
ولا مزيد من الوعود يخلي صورتكوا دايما أحسن
إنى انسى لأ مش هنسى مشروع النهضة نكسة
تواريخ النشأه فكل خطاب أرقامها مش متجانسه
اما الانقسام في الجماهير حزام إمان
ضمان سلامه الحكومه من آثار الاصتطدام
آه على فكره مشروع النهضه مجرد كدبه
برقيه لكل الشعب افرح مبروك عليك استبنك
بلدنا بتتمزق ما بين طوايف من شعبها
وكل طايفه شايفه الصورة من زاويه فكرها
مفيش حد نزلها شاف عقدتها وجاب حلها
ماتش والفرقه الكسبانه اللي الجهور بيهتفلها
بلادي بلادي بلادي
ليكي بالحرية بنادي
بلدنا بتتمزق ما بين طوايف من شعبها
وكل طايفه شايفه الصورة من زاويه فكرها
مفيش حد نزلها شاف عقدتها وجاب حلها
ماتش والفرقه الكسبانه اللي الجهور بيهتفلها
بلادي بلادي بلادي
ليكي بالحرية بنادي
