Translators - Li Zhen & Xiao Chong
အမှန်အတိုင်းဆိုရလျှင် အမှတ် (၈) အထက်တန်းကျောင်းမှာ မြို့တော် A ၏ ထိပ်ဆုံးကျောင်း မဟုတ်သော်လည်း အကောင်းဆုံးကျောင်းများတွင် တစ်ကျောင်းအပါအဝင်ဖြစ်သည်။
ထိုမျှသာမက ဤကျောင်းမှာ အလွန်တရာ ကြွယ်ဝသည်။ ကျောင်းစာကြည့်တိုက်ထဲရှိ စာအုပ်အရေအတွက်မှာ ကြက်သေသေစေနိုင်သည်အထိ များပြားကာ ကျောင်းအဆောင်များကိုလည်း အဆင့်မြင့်အိမ်ရာခန်းများအသွင် ဆောက်လုပ်ထားသည်။ အပေါ်ဆုံးထပ်ရှိ ကျောင်းကန်တင်းတွင် အီတလီဟင်းလျာများပါ ရနိုင်သော်လည်း လက်တွေ့တွင်မူ မည်သူမှ ထိုနေရာသို့ သွားရောက်ခြင်းမရှိပေ။ အဆင့်မြင့်စားသောက်ဆိုင်များအစား လူတိုင်းက ကျောင်းအပြင်ဘက်ရှိ ဖန်းမီ သို့မဟုတ် ချဉ်စပ်ဟင်းရည်ကို သောက်ရန် ပို၍ လိုလားပေသည်။
ကျောင်းမှာ မြို့လယ်ခေါင်တည့်တည့်တွင် တည်ရှိသော်ငြား အံ့အားသင့်ဖွယ် အကျယ်အဝန်းကို ပိုင်ဆိုင်သည်။ အောင်ချက်အမြင့်ဆုံးဖြစ်သည့် အမှတ် (၁) အထက်တန်းကျောင်းမှာ အမှတ် (၈) အထက်တန်းကျောင်း၏ တဝက်မျှပင် မရှိချေ။
လျိုဖူကျန်းကား ကျိန်းသေပေါက် ဂုဏ်ယူဝံ့ကြွားနိုင်သည်။
ငါတို့ကျောင်းက မကျယ်ဘူးလား! ငါတို့ကျောင်းက ချမ်းသာတယ်!!
ထို့ပြင် ရှန်သာ့လောင်ကဲ့သို့သော လွှမ်းမိုးနိုင်သူသည်လည်း ကျောင်းတွင် နာမည်ကြီးပေမည်။ လင်းယွီကျင်းက ထိုကိစ္စကို ကြိုတင်ခန့်မှန်းထားနှင့်ပြီးဖြစ်၏။ မည်သို့ပင်ဆိုစေ သူတို့အားလုံးမှာ အငြိမ်မနေနိုင်သည့် ဆယ်ကျော်သက်အရွယ် အချိန်ကာလကို ဖြတ်သန်းနေဆဲဖြစ်ပြီး ဆိုးသွမ်းလူငယ်တစ်ယောက်အနေဖြင့် သူ့ရုပ်ရည်မှာ ချောမောလွန်းလှသည်။
ပြဿနာမှာ မြို့တော် A အတွင်းရှိ များပြားလှစွာသော အထက်တန်းကျောင်းများအနက် အမှတ် (၈) အထက်တန်းကျောင်း၊ အခန်း ၁၀၏ ကျောင်းသားအနေဖြင့် သူက ဘာကြောင့် ဤမျှ နာမည်ကြီးနေရသနည်း။
တစ်ခါတစ်ရံ လူတစ်ယောက်က ကံကြမ္မာကို ယုံကြည်ရတတ်သည်ဟု လင်းယွီကျင်း ခံစားရသည်။ သူမနှင့် ရှန်ကျွမ့်အကြား ကျိန်းသေပေါက် ကံစပ်ပေသည်။ ဤမြို့ထံ ရောက်ရှိပြီး တပတ်အတွင်း၌ သူမ သူ့ကို သုံးကြိမ်တိတိ မြင်တွေ့ပြီးလေပြီ။ ယင်းမှာ သူမနှင့် တစ်အိမ်ထဲ နေထိုင်သည့် သူမအစ်ကိုဆိုသူကို မြင်တွေ့သည့် အကြိမ်အရေအတွက်ထက် နှစ်ကြိမ်ပိုသည်။
YOU ARE READING
DDBM - Bai Re Meng Wo [ ဘာသာပြန် ]
Romanceပညာသင်ဆုရရှိရေးအတွက် ပြိုင်ဆိုင်ကြသည်မှာ တောမီးလောင်သဖွယ် အကျိတ်အနယ်။ ကျောင်းအုပ်ကြီးရုံးခန်းရှေ့တွင် 'လင်းယွီကျင်း' နှင့် 'ရှန်ကျွမ့်'တို့ ထိပ်တိုက်မျက်နှာချင်းဆိုင် တွေ့လိုက်ကြရသည်။ လင်းယွီကျင်း၏မျက်နှာလေးမှာ သနားချင့်စဖွယ်ကောင်းရလောက်...