ايلان
خططنا وبدت ايلاف تطق الباب دخل واحد منهم وانا كنت ورا الباب مسكته جرحته سحبناه وحطيناه بالكرسي وربطناه دخل الثاني وطعنته بخفه وربطناه انا قلت اسفه حللوني بس سحبتني روان وقالت طقي سوالف معهم احسن كانت فيه سياره رحنا خذينا المفتاح من واحد من الحراس ومشينا انا تنهدت براحه ومشينا لبيتي بعد مرور ساعتين وصلت ودخلت البيت وكانت لين تبكي واريج ماسكه لانا وتحاول تخفي دموعها دخلت وجتني ركض لين شلتها لانها كانت قصيره مسكتها وضميتها بكل قوتي وقلت ليه تبكين ضحكت وقالت آنا أسالك نزلتها وحضنت اريج وقلت شكرا لانك اهتميتي ب لانا شلت لانا وحطيتها بحضني وقلت اشتقتلك كثيير والله قالت انا ماشتقتلك يعني ضحكت وقلت صايره تعرفين تسولفين قعدنا كلنا وقلت انا الحين معكم ومستحيل بخلي احد يقدر ياذيني او يمسك شعره منكم قالت اريج وش صار طيب انا قلت بنتروش وناكل ونسولف مسكت لانا وقلت اكلتي شي قالت اريج مو راضيه تاكل شي قلت يلا يلا نسوي اكل قالت لين حنا نسوي روحو تروشو وارتاحو ....
لين
خلصنا كل شي وجت اريج قالت ايلان وين لانا قالت نامت قالت حلو وكانت جالسه ناضرت لايلان وقلت يلا قالت وش؟ قالت اريج قولي شصار! .......... بدت تقولنا وتشرح لنا وش صار معهم وكلنا مندمجين بسوالفها
خلصت وقالت خلينا نسكر كل الموضوع وننقل من المدينه ذي كلها ونروح كلنا وافقنا بدون تردد خذتنا السوالف ووين بنسكن ونشوف بيوت نروح لها روان قالت بنات تذكرون تعارفنا ضحكت وقلت بأسبوع كلنا جينا الميتم قالت اريج صبر كم كانت اعمارنا ايلان قالت بنبره حزن 7 بموت امي اليوم الثاني كل الناس ترميني على بعض وانا عندي أب بس يوم خذوني لابوي ابوي جابني الميتم بأكثر وقت احتاجه خلاني ازيد سوء وهو المفروض يعوضني ويخليني بأمان مسكت يدي روان وقالت انا امي وابوي كنا رايحين مع بعض رحله وكانت الرحله ذي غيير غير كنا بأمان وضحك وسعادة بس وحنا راجعين بضحكاتنا جت شاحنه كبيرة وصدمتنا تدرون وش اخر كلمه قالها أبوي لأمي وصدمنا ؟ ناضر عيونها وقال مالومني يوم اغرمت بعيونك لان كل عابر اغرم فيهم انا قلت وانا وزعلت منه كان بيراضيني وجت الشاحنه ......اريج نزلت راسها وقالت امي وابوي كانو افضل زوجين وحبايب كانت امي ماترضى الريشه تمسني وابوي مايرفض لي طلب واحد ضحكت بحزن وقالت كان يضرب اخواني بعقاله عشانهم خذو الحلاوه مني بس بيتنا حترق وكل البيت خاف علي وطلعوني من البيت كنت اناضر يميني ويساري وكني طفله مضيعه بيتها ومتلهفه لحضن امها وابوها بس هم قدامها يحترقون قالت تدرون؟ يوم طلعنا كل اهلي مافيهم شي يعني حرق بس انكتمو بس قضاء الله وقدره قلت انا امي كانت تولد اختي الصغيره وابوي كان شايلني ويقولي وش بنسوي بعد ماتطلع امي ونضحك ورحنا نقول لعمتي وجدتي عن امي ويوم رجعنا المستشفى طلعت الممرضه ورحنا متلهفين كلنا نبي الكلام الحلو تدرون وش قالت ؟ الطفله والام انتقلوا الى رحمه الله الله يصبركم نزلني ابوي ومسك راسه انا خذتني عمتي وسمعت الممرضات والممرضين يركضون وانا اناضر بس يوم سمعت صراخ جدتي صالح راح صالح راح ركضت لحضن ابوي واقوله واردد بابا قوم بابا تكفى لا تروح بابا ...... ايلاف قالت بلحمه بصر راحو مني امي قنعتني اقعد بالبيت مع اخوي وقالت لي بجيب لك اللعبه الي تبيها كنت ابي العبه ذيك مره كثير وانتضرت بفارغ الصبر من يوم راحت تدرون امي كانت حاسه وجت ضمتني بقوه وضمت اخوي وقنعت ابوي يقعدون بالبيت بس كان الا يبي يروح وكنه مصر انه يموت انتضرت ساعه وساعتين وثلاث واربع جت خالتي وهي تبكي تبكي وجابت لي العبه قالت امك قالت ذي لك وتقولك اسفه انا قلت وين ماما ابي ماما بدت تبكي ومن يوم عرفت ان العبه جتني وماما راحت ...... بكينا كلنا وماقدرنا نمسك دموعنا وعبرتنا اكثر قالت ايلان بنات خلاص خلاص الحين كنا كبرنا وبننقل بعد يومين ونترك كل الحزن ذا تمام قضاء الله وقدره راحو للي ارحم مني ومنك يلا يلا ننام....
الكاتبة
كل وحده راحت لغرفتها وكل وحده تتذكر الشي الي صار لها وتبكي اكثر ... ايلان الي تسوي نفسها قويه قدامهم كانت تردد وتقول ابي امي يمه تكفين ارجعي يمه شوفيني كيف صرت كبيره يمه ارجعي وشوفي درجاتي واسحبي جوالي والله راضيه ضربه منك انا احتاجك والله صرت بدونك ولاشي والله ولاشي بكل مره اشوف ام وبنتها يضحكون مع بعض اتذكرك يمه ابيك انا يمه ارجعي
عند ايلاف وهي ماسكه العبه حقتها وقالت وينك ياماما تكفين ابيك ابي اوريك لعبتي ابيك تقرين لي قصص زي قديم تدرين ياماما ان خذو اخوي ونقلو ورموني بالميتم ليه وش سويت انا يمه ارجعي والله ماراح اكل شوكلت كثير وراح افرش اسناني كل يوم واشرب الحليب ضحكت وقالت وماراح اجي افتح النور عليك واهرب بس تدرين ليه كنت اسوي كذا لانك كنتي تنامين كثير وانا اشتاق لك
عند روان قالت يمه تذكرين ضحكاتنا الي تملى البيت تذكرين يوم نزعج ابوي عشان يودينا السوق وتقولين لي انقزي على السرير عشان يصحى بس انتي كنتي تصارخين علي وتقولين لا لا تحطين ياروان لا تزعجين ابوك وانتي تقولين لي يمه بيتنا محد يقدر يدخله انا ماقدر ادخله كم مره حاولت اروح اخذ ذكرى وحده لك انتي وابوي بس يوم أدخل أتذكر ريحتك اصواتكم ضحككم يماما والله تعبت
عند لين بابا ليه رحتو صح انه قضاء وقدر بس ماقعد اتحمل كل الاباء الي مع بناتهم يوم اشوفهم اتذكرك بس الحين انا كبرت وصار عندي خوات ليتكم عندي أحتاجكم
عند اريج يمه يبه تدرون وش صار بعد مارحتو اخواني كلهم سافرو وتبرو مني تدرون صرت اخاف من اي نار بكل مره اشوف نار اتذكركم يمه انا تعبت نهلكت تعبت ابيكم
وعند غيث وهو يفكر بايلان وكيف ينقذها ويحارب افكاره
وزياد وسعود يضربون الحراس وكيف ماقدرو لبنات...............
لا تنسون النجمه حبايبي ❤️❤️
