ចេញពីភោជនីយដ្ឋាន យ៉ុនហ្គី ក៏នាំ ជីមីន មកដល់ហាងសម្លៀកបំពាក់ដែលជាកម្មសិទ្ធិរបស់គេផ្ទាល់ដូចគ្នា ។
« ពូចង់ទិញសម្លៀកបំពាក់បន្ថែមមែនទេ? »
« មែនហើយ ឆាប់ចូលមកក្នុងមក »
« ស្អាតៗ ខ្លាំងណាស់ » ជីមីន លាន់មាត់សរសើរ ពីសម្លៀកបំពាក់ទាំងអស់ដែលនៅចំពោះមុខ ព្រោះសម្លៀកបំពាក់នៅទីនេះពិតជាស្រស់ស្អាតខ្លាំងណាស់ ។
« តើបែបណាទើបសម? »
« បាទ? ពូចង់ទិញឱ្យនរណាមែនដែរទេ? មនុស្សពិសេសឬ? » គេសួរទៅ យ៉ុនហ្គី ទាំងអារម្មណ៍មិនសូវល្អប៉ុន្តែគេនៅមិនទាន់យល់ច្បាស់ពីខ្លួនឯងនោះទេទើបព្យាយាមនិងរក្សាទឹកមុខធម្មតាបន្ទាប់ពីឮចម្លើយរបស់ យ៉ុនហ្គី ហើយ ។
« មែនហើយ! គេមានរូបរាងស្រដៀងនឹងឯងដែរ រាងតូច ស្បែកស ដៃជើងស្រឡូនស្អាត តើគេស្លៀកពាក់បែបណាទើបសមឯងដឹងឬអត់? » យ៉ុនហ្គី រៀបរាប់ពីភិនភាគរបស់មនុស្សដែលខ្លួនចង់ទិញសម្លៀកបំពាក់ឱ្យនោះ ឱ្យរាងតូចស្ដាប់ ។
« ចាំខ្ញុំជ្រើសរើសឱ្យគាត់ចុះ តើជាឈុតយ៉ាងម៉េចដែរ? ទៅកម្មវិធីឬទៅដើរលេង? »
« ទៅកម្មវិធី! »
« ចឹងយកឈុតនេះទៅ គាត់ប្រាកដជាស្រស់ស្អាតដាច់គេជាមិនខាន » ជីមីន និយាយទាំងញញឹមដាក់រាងសង្ហា ព្រោះឈុតនេះគេក៏ធ្លាប់ស្លៀកដែលកាលពីមុនប៉ុន្តែឥឡូវនេះគេគ្មានលទ្ធភាពនឹងទិញវានោះទេ ។ ឈុតដែល ជីមីន រើសជាឈុតដែលមានអាវពណ៌ស និងខោរាងមានពណ៌ខ្មៅ ។
« បើចឹងយើងពឹងឯងឱ្យរើសសម្លៀកបំពាក់ឱ្យគេបន្ថែមទៀតមក ដូចជាសម្រាប់នៅផ្ទះ ចេញក្រៅបន្តិចបន្តួចឬទៅដើរលេងអីអស់នឹង »
« បាទ បានចាំខ្ញុំជួយពូចុះ ធានាថាមនុស្សពិសេសរបស់ពូគាត់នឹងសប្បាយចិត្តជាមិនខាន » ជីមីន និយាយចប់ក៏ចាត់ការរើសសម្លៀកបំពាក់ដែលគេគិតថាសក្ដិសមនឹងមនុស្សពិសេសរបស់ យ៉ុនហ្គី ទាំងស្នាមញញឹមប៉ុន្តែក្នុងចិត្តរបស់គេបែរជាមិនស្រួលទៅវិញ ។
មួយសន្ទុះក្រោយ ជីមីន ក៏រើសរួចហើយក៏យកទៅឱ្យបុគ្គលិកគិតលុយ រួចទើបប្រគល់ឱ្យទៅកូនចៅរបស់ យ៉ុនហ្គី ជាអ្នកកាន់ ។
YOU ARE READING
កម្មសិទ្ធិ មីន យ៉ុនហ្គី (Complete✅)
Romance« ទោះបីអូនក្លាយជាអ្វីក៏អូននៅតែជាកម្មសិទ្ធិរបស់បង! » មីន យ៉ុនហ្គី Min Yoongi X park Jimin YG top JM btt ✍️ write by 🌼ជុងហ្គី៚ហ័ង៚
