💮💮💮💮💮💮💮💮💮💮💮💮
ဦးလေးကြီး တိုက်အိမ်လေးမှာနေဖို့ သဘောတူလိုက်တာကို စံ သဘောခွေ့နေသည်။သူသာ ငြင်းမယ်ဆို ဇွတ်ဆွဲထားဖို့အတွက် စံ့မှာစကားလုံးတွေ
တောင် ပြင်ဆင်ထား၏။အခုတော့ ဘာမှတောင် မတိုက်တွန်းလိုက်ရပေ။စံ့အိပ်ခန်းကနေ လှမ်းကြည့်ပါက သူ့တိုက်လေးကို တိုက်ရိုက်မြင်ရသည်။စံကတော့ သူ့ကို ချောင်းချင်တိုင်းချောင်းခွင့်ရပြီမို့ အပျော်ကြီးပျော်နေပြီ။
💮💮💮💮💮💮💮💮💮💮💮💮
သူ တိုက်လေးထဲမှာ ပစ္စည်းတွေနေရာချနေတုန်း ဆဌမအာရုံအရ တစ်ယောက်ယောက်က စူးစိုက်ကြည့်နေတယ်လို့ ခံစားမိပြီး ဘေးဘီဝဲယာကို ကြည့်သည်။လူမတွေ့။
ပြတင်းပေါက်မှနေ၍ သူ့မျက်နှာကို နည်းနည်းမော့ကြည့်ရာ မျက်နှာချင်းဆိုင်တိုက်ကြီးဆီမှ လိုက်ကာစလေးလှုပ်သွားတာ မြင်လိုက်သည်။သူတို့လုပ်ငန်း၏ လေ့ကျင့်ခြင်းတွေထဲမှာ မျက်စိ၊ နား၊ အနံ့ အကုန်လျင်ရသည်။လေတိုးသံတောင် မလွတ်စေရအောင် နားပါးရ၏။သူ အပေါ်ထပ်ကို တိုက်ရိုက်စူးစိုက်ပြီး လှမ်းကြည့်သည်။လိုက်ကာနောက်ကွယ်ကို ထိုးဖောက်ပြီးမြင်နိုင်အောင် သူအကြည့်တွေကို အာရုံစိုက်ထား၏။တဖြည်းဖြည်းနှင့် လှုပ်လီလှုပ်လဲ့ ပုံရိပ်လေးကို ဖမ်းမိလာသည်။
*ဒုန်းးး
လူချော တိုက်လေး၏ပြတင်းတံခါးကို ဒုန်းခနဲအသံမြည်အောင် ဆွဲပိတ်သည်။အပေါ်ထပ်ကအခန်းထဲမှာ သူ့ကို သူခိုးချောင်းနည်းချောင်းနေသည့် မိန်းကလေးရှိတာမျိုး သူ မနှစ်မြို့ပေ။ဒီပြတင်းပေါက်ကို အစဉ်အမြဲပိတ်ထားမှဖြစ်မည်။
အခန်းထဲပြန်ဝင်လာပြီး အဝတ်အစားချွတ်၍ ရေချိုးခန်းဘက်ကူးခဲ့သည်။ဒီတိုက်ခန်းလေးက ရေချိုးခန်းနှင့် အိပ်ခန်းက သီးသန့်စီဖြစ်နေ၏။
ရှပ်..ရှပ်..ရှပ်…
ရေပန်းခဏပိတ်၍ ဆပ်ပြာတိုက်နေစဉ် အကျင့်ဖြစ်နေကျနားက ခြေသံလိုလိုကြားရသည်။ရေပန်းကို မြန်မြန်ဆွဲချ၍ ဆပ်ပြာတွေကို ကုန်စင်အောင်လုပ်ပြီး ခါးမှာတဘက်ပတ်၍ ထွက်လာခဲ့သည်။အသက်ကိုအောင့်ပြီးနောက် အခန်းတွင်းဝေ့ကြည့်၏။
![](https://img.wattpad.com/cover/355375665-288-k882330.jpg)
YOU ARE READING
ကိုလူချောရဲ့ ပင်တိုင်စံ(Complete) (ကိုလူေခ်ာရဲ႕ ပင္တိုင္စံ )
Fantasy"..ဒီမှာ ကိုလူချော..." "..ဗျာ..." "..ကျွတ်...အဲ့ဒီလိုခေါ်ပြန်ရင်လည်း ဦးလေးကြီးနာမည်က တင်စီးလိုက်တာ..စံမကြိုက်ပါဘူး..." "ကို.ဖြုတ်ပြီးခေါ်.." "ဟင်.. အတူတူပဲလေ...တော်ပြီတော်ပြီ..ကိုကြီးလို့ခေါ်မယ်...."
Part 9
Start from the beginning