مراهقة والاربعيني بلهجة جزائرية

62

#المراهقة و الأربعيني:

#الجزء62:

تفتح الباب تع الڨاراج عرفت بلي صراع جا بقيت قاعدة و هو طول باش دخل و كي دخل ما سلمش منبا عليا راح قبالة لشومبرة يماه، شويا هكدا و علا صوتو بصح ما فهمتوش وش كان يهدر.. جيت نوض نتصنت على الباب عيط لنور وليت قعدت في بلاصتي و نشوف وش كاين هدا وشبيه؟ خرج من عند يماه مقلق خزر فيا بالتعنكير و طلع فالدروج قالي اطلعي نهدر معاك.. هو طلع قبلي جيت نسقسي سمعتو يعيطلي وين راااااكييي.. طلعت نجري دخلت للشومبرة صبتو حاط يديه مورا ظهرو و يمشي.. شافني قالي ادخلي و اغلقي الباب موراك.. غلقت الباب بصح صراحة خفت وجهو ما كانش يبشر بالخير قتلو وش كاين وش تحتاج؟ قالي ملوقتاش صوتك يعلا على يما؟ قتلو ما عليتش صوتي... جا حكمني من فكي و فيكساني مع الخزانة و هو يتعنكر قالي تهدري خير ما نحرقك هنا.. قتلو اييي وشبيك؟ عيط في وجهي قالي انطقيييييي.. قتلو شكون لي حرشك عليا لوكان رفعت صوتي عليها نقولك.. قالي اصبري.. راح فتح الباب و عيط نوووور ارواحي لهنا دقيقة.. و عاود دخل قالي دوك جي و نشوفو.. جات نور قالها ارواحي تشوفي حلفتك براس ولادك تقولي الصح.. ليليان علات صوتها على الحاجة و لا لالا؟ قالتو اخزي الشيطان خويا و الله حاجة ما تستاهل المصارن فالكرش و يتضاربو.... قاطعها واجبيني نوووور.. قالتلو هي تقلقت شويا بصح....... عاود قاطعها قالها يتسمى علات صوتها عليها.. قالتلو إيه.. قالها مشكورة روحي ختي و اغلقي الباب موراك.. هي راحت و هو دار ليا قالي و فوقها تدعي عليا و على يما و قدام شكون؟ قدام خويا؟! أنا منهار خديتك و وليتي مرتي نحشم نحاسبك قدامهم ولا نقص من قيمتك و نقول كي نبينلهم احترامي ليها يحترموها ويهابوها، و أنت وش درتي؟
هو يهدر و أنا حاطة راسي عينيا ما قدرتش نرفعهم فيه لخطر صح عميتها.. هو رفع يدو و أنا بلخف حطيت يديا فوق راسي.. ضرب الخزانة و عيط قالي شوفي و قسما بالله العلي العظيم و تزيدي تعاوديها غير نخرجلك صراع تع زمان و ما نرحمك.. ديري قدر لروحك و استري عليها و خليني متحملك.. دخلت الحاجة قالتلو ما تآذيهاش صراع.. قالها يمال عقليها لخطر راسي رايح يكلاطي، ما تفهم لا بالمساعفة لا بالضرب ما صبت كيفاش ندير معاها.. قالتلو ما دخلش روحك أنت، أنا و ياها حكايات تع نسا وليدي.. و جات وقفت قدامي.. قالي راهي يما واقفة شوفي إخلاص ما تقربيش منها ما خصنيش مشاكل مفهووووم؟ قالتلو مفهوم وليدي مفهوم بصح ما تعييش راسك روح وليدي روح أنا نهدر معاها.. هو خرج و أنا درت ليها و بكيت قلتلها فوق ما زوجتيه عليا تروحي تشكيني ليه باش برك يحب إخلاص، وش صرالك علاش وليتي هكدا معايا؟ قالتلي جايحة أنا ما شكيتلوش سعد لي حكمو عند الباب و قالو زير مرتك زادت فالكلام مع يماك و أنا كدبتو راح عيط لنور يستفسر منها، أنا ما نرضاش باش يآذيك بصح ديري قدر لروحك و خلي إخلاص في حالها.. قلتلها ما نخليهاش حتى تخرج منا، هدا راجلي.. قالتلي ماكاش مرا كلات مرا، شوفي أنا و أم سعد ماشي حباب؟ قلتلها أنا ما دخلنيش فيك صراع ليا وحدي.. قالتلي ماراهو ملك لحتى واحد، قبلك كان لغيرك و جيتي أنت.. قلتلها بصح وحدة ما جي مورايا ما نقبلش.. قالتلي لوكان جيتي صح تحبيه تسمحي شويا من حقك، هديك تان مرة كيما انت و إدا أنت هدا وين جايا للدنيا هي ما قعدلهاش فرصة كبيرة باش تضني خليها تسيي زهرها بالاك تخرج من هاد الدنيا بطفل يسندها ماشي مليح الأنانية.. قلتلها وشكون راهو حاكمها علاش خلاصو كامل الرجال و قعد غير راجلي علقتوها في رقبتو؟ قالتلي أسكتي راهو جا..
دخل مقلق و عاقد حواجبو قالها ما تفهمش لوكان تهدري منا لغدوا، عندها كلب مجراب راقد في مخها يعرف غير ينبح و يعض و ما يرضى لا يتهدن لا يعقال.. قتلو وش من عقل و انت معول جيب دراري من إخلاص و الله ما نقبل.. قالي و شكون قالك نحوس على نجيب دراري مع فردات الصبابط.. شوفي أنا وش راني نهدر و أنت وش راكي تخمي.. قتلو شوف يماك حبت تقنعني باش نخليك تروح ليها.. قالي وعلاش أنا نمشي برايك لوكان حبيت؟ أنا إخلاص ما نحبها ما رايح نتقبلها و مصيرها ترجع لدار أهلها.. قالتلو ماشي هكدا وليدي...... قاطعها قالها الرحمة على والديك يما ما تفتحيليش حكاية جديدة.. مشاكل هاد الحابسة تكفيني.. الحاجة خرجت و هو وقف صلى و أنا قعدت و بقيت نشوف فيه.. كي نغلط معاه و ما يتعداش عليا نحس بتأنيب الضمير لخطر أنا لي ظالمتو و هو تحملني..
كمل صلاتو و قعد يسبح و هو محبط راسو و عاقد حواجبو نضت من بلاصتي بست خدو، تفاجأ رفع راسو و شاف فيا.. قعدت مقابلاتو و تكيت رجليا على رجليه و قتلو و الله ما قصدي ندعي عليك.. قالي بصح دعيتي و قدامهم كامل.. شحال من مرة نحامي عليك قدامهم و نقول ظالمينها و انت كلما تهينيني و ما تساندينيش.. قتلو بصح أنا ماشي قصدي عليك، هي بروفوكاتني كي قالتلي حبيتلو طفل قلتلها إن شاء الله عمركم ما تشوفو الذرية.. قالي و هادي دعوة ولا لالا؟ تدعي عليا باش ما نجيبش الدراري؟ قتلو قصدي من إخلاص.. علاش أنا ما نتمناش يولي عندنا طفل؟ قالي مازالكي تجبديلي في إخلاص؟ منين ترفد الحمل من الحيط؟! علاش تداوسي على موضوع أنا هدرت فيه و نحيتو من راسي، تروحي تدعي عليا قدامهم كامل و أنا صارحتك بكلشي و قتلك مانيش حايبها؟! خليهم يهدرو وش حبوا، هدرتك معايا و خلاص، و كي تحبي تدعي و تعاتبي بيناتنا و في شومبرتنا، علاش تحبطي راسي قدامهم كامل؟ قتلو آسفة ما نزيدش نعاود.. قالي هادا هو البروبلام كل مرة تقوليلي آسفة ما نزيدش نعاود و تعاوديها.. قتلو و الله ما نزيد نعاود.. شاف فيا و تبسم قالي المطلوب؟ قتلو ما تزعفش مني.. تنهد و فتحلي يديه رحت لحضنو ضمني لصدرو و دنالي شعري على وجهي الشعر، شفت فيه باس نيفي قالي وقحة بصح ماشي بيدي الله غالب نعشقك... ضحكت ههههه قتلو صراع نقدر نطلب منك حاجة؟ قالي انت ما تطلبيش أميرتي تأمر و أنا نفذ
تبسمت و بديت نلعب بالكول تع قميصو قتلو حبيت بيتزا حارة بزاف و ندير فوقها آيس كريم.. عقد حواجبو و قالي وشنو هاد التغنجيق.. قتلو هكدا جات في بالي تشهيتها..
غاس شويا منبعد قالي اسمعي أنت راكي حاسبة لروحك؟ قتلو كيفاش محسوب؟ قالي آخر دورة شهرية عندها وحد الشهر و نص لالا؟ قتلو زعما؟ قالي راني شاك.. قتلو يمال نوض جيبلي تاست و نشوف.. قالي بصح ما نحتاج حتى كلمة تخرج منا.. قتلو كون هاني ما نقول لحتى واحد..
هو راح و أنا سڨمت روحي و ماكييت.. شويا و رجع بلخف قالي هاكي روحي ديريه..رحت درتو خرجلي خط خفيف ماشي باين مليح ديتهولو يشوفو قالي وش معنتها؟ قتلو مانعرف ماشي باين مليح.. قالي نوضي نروحو نديرو تحليل دم.. رحت بدلت بلخف و حبط معاه و هو حاط يدو مور ظهري يمشي فيا، فتح الباب و قال للحاجة يما راني مخرج ليليان تشم شويا هوا كاش ما تحتاجي؟ قالتلو روح وليدك سلامتك.. درت صبت إخلاص فالدروج حابطة و عينيها علينا..
خرجنا روحها لابوراتوار درت ليزاناليز تع الحمل و قعدنا نستناو.. شويا و خرجت الريزولطا عيطو باسم ليليان جرجيس.. ناض صراع باش يجيبها و رجع عينيه يبرقو من الفرحة و همسلي قالي حامل قتلو صححح.. قالي اشششت امشي نخرجو.. غير طلعنا فالطونوبيل جبدني لحضنو و قالي و الله غير نموووت عليك و لوكان يولي عندي طفل كيما أنت نهبل.. قتلو أنا حايباتو يخرج يشبهلك.. قالي وش ديري بيا راهو عندك واحد يكفيك، أنا حايبة يكون زين تركماني و مهبول كيما أنت ضحكت ههههه... شعل الغنية تع (قولي ياحلو منين الله جابك ) و بقى يغني معاها وكل شويا يقرص خدي و فرحاااان.. شرالي بيتزا حارة و باطة ايس كريم و قالي ما نحتاج جنس مخلوق يعرف بالحمل.. قتلو علاش؟ قالي هكدا خير خلي حتى يثبت الحمل ان شاء الله والله كريم تفاهمنا؟ قتلو أوكي..
رجعنا للدار صبناهن يتعشاو قعدنا معاهم و حطيت البيتزا نطقت حلا قالت والله غير متشهيتها اعطيني.. فرغت فوقها باطة الآيس كريم قالتلي خبيثة ماشي قتلك متشهيتها.. نائل عافها قالي اععععع ليليان وشنو هاد التغنجيق هادا كامل من الغيرة؟! قالتلي الحاجة يا بنتي علاش فسدتيها هكدا.. قالهم صراع خليو الطفلة تاكل لي يحلالها وش راحلكم فيها هي هكدا عقلها بلاش نص نص.. قالي نائل ليليان يمال لوكان جا عقلك كامل وش ديري فيها؟ ناضو كامل يضحكو.. أنا ناكل فالبيتزا فالأيسكريم و نستبن و هوما كامل خارجة قلوبهم عافوها.. ضحك صراع و نحالي مورصو قالي جيبي حياتي ناكل معاك التغنجيق زكارة ههههه.. غير داقعا قال اعععععع وشنو هدا تقول تشكشوكة بالسكر.. الله لا تربحك ما صبتي ما تاكلي.. و أنا نضحك عليه.. ناضت إخلاص سرباتلو كاش لاتاي و حطاتو قدامو قالتلو دار قلبك اشرب لاتاي.. قالي إيه صح قلبي خرج و حكم عليها لاتاي شرب و قالها مشكورة...
تقلب وجهي و بديت ناكل فالبسكوت.. رحت غسلت و صراع كان قاعد فوق الكنابي.. راحت ليه إخلاث سلمت على راسو و قالتلو اسمحلي ما نزيدش نقرب لليليان.. قالها مسامحة بصح لوكان تزيد تتعاود حسابي معاك ماشي معاها لخطر أنت الكبيرة، قالتلو لالا و الله ما دنيت ليها بصح هي خرجت عايرتني و ضربتني بالبليغة بلاما هدرت معاها والو و أنا قد يماها بصح في وجهك راني مسامحتها.. قربت ليها قلتلها أنت ماهدرتي والو؟ ماشي قلتيلي أنا لي قتلو يروح يحلك خفت تموتي من الحرقة.. و دوك جايا تكدبي.. قالي الحاج المرة حبيت تفتح معاك صفحة جديدة علاش راكي تحوسي على المشاكل؟ قالتلي إخلاص أنا ما هدرتش هكدا بصح معليه أنا نطلب منك السماح إدا قلقتك، وليد عمي عيان و أنا ماشي معولة ندوخ راسو، خلينا نوليو حباب و نريحو بالو ماشي نزيدو عليه فوق مشاكلو.. هي تهدر و أنا حالا فمي و صراع يخزر في نائل و نائل حاكم كاسو تع لاتاي قالو مليحة الواحد يتزوج بزوج نسا و يداوسو على راحتو.. قالو و على سواد سعدو.. ضحك نائل... قالتلو إخلاص لالا حاشا أبو حرب أنا مانحتاج منك والو برك تبقى سترة فوق راسي.. قلتلها شوف كيفاش راهي تتستت شوف، أيا بعدي عليه يلا.. قالتلي علاش راكي تغلطي معايا راني قد يماك.. قالي صراع ليليااان.. قتلو لا ليليان لا بطيخ.. علاش راهي تتستت هكدا.. قالي نائل السبع فيهم يسيل الدم بلا تضاربو.. نوووور جيبي جيبي من السقايط تع الدراري خلينا نشوفو فيلم اكشن رايح يبدا دوك... و قلبها ضحك ولا صراع يضحك معاه و ماشي مركز معانا و أنا وياها نخزرو في بعضانا لوكان صبنا نجبدو مصارن بعضانا...
جيت نطلع لفوق منبعد تراجعت هداك وش خص نزيد نخليهولها.. هي قعدت قدامو و انا تان قعدت وخليناه ما بيناتنا كلاطا بالضحك و نائل يشاور عليا بصبعو و ميت بالضحك.. قالو خصاتك غير تصويرة مع نساك في زوج.. خلانا قاعدين و ناض و هو يضحك راح هو و نائل ريحو فالصالون.. طلعت لفوق قعدت رايحا جايا فالشومبرة ما حملتش عاودت حبطت صبت إخلاص توجدلو فالرينڨيلة ديالو.. نحيتهالها قلتلها ما دخليش روحك في راجلي ما عندك حتى علاقة بيه يلا اخرجي.. قالتلي و الله غير نقتلك بالقنطة و دوك جيبي خليني نوجدها لحبيبي.. قلتلها وشمن حبيبك قتلك ما ديريش... و طفيت الفورنو.. راحت ليه للصالون قالتلو أنا مانيش حايبا نوجعلك راسك بصح راهي تتجاوز حدودها معايا بزاف و نسكت قوللها تبعد عليها و ما تغلطش معايا.. قالها و آخرتها معاكم كيفاش؟ قالتلو أنا ما درتلها والو برك جيت نعمرلك الرنڨيلة.. قالها مانيش حايب اطلعو ارقدو
بقيت أنا وياها واقفين نخزرو في بعضانا عيط علينا خرجنا في زوج، بقيت قاعدة فالهول دخلو ولاد عمومهم يشوفو الماتش كي العادة و هي وجدت الرنڨيلة لبست خمارها و دخلت، نضت موراها بصح ما قدرتش ندخل لخطر هوما ولاد عمها موالفة معاهم أما أنا ما يقبلش ندخل قدامهم.. خرجت و قالتلي موتي بالقنطة حنونة تصبحي بخير.. هي خلاتني و طلعت و أنا بقيت قاعدة نستنى فيه و كي عييت طلعت لشومبرتي بصح ما رقدتش.. جوايه الطناش و نص تع الليل طلع لاقيتو عند الباب قتلو صار هكدا تدي النرڨيلة منها اااه؟ قالي وشبيك ليليان؟! قتلو و تزيد تسقسي وشبيني؟ ما شفتهاش كيفاش كانت تتستت؟ قالي لالا ما نسيتش تجاوزاتك لي غطيتهم بالضحك و نضت.. مرا قد يماك تقوليلها ستوتة؟ قتلو آااه دوك وليت ما يلزمش نتجاوز عليها.. ماشي انت لي قتلي عاونيني نجنيها منا؟  قالي و بهاد الطريقة؟!
هكدا راكي تعطيلها الحق ليها و تبهدليني أنا و هي راهي تتستت بعقلها خليتيني نحشم حتى نردلها و سكتت، عمبالك كيما انت ما عندكش العقل تعرفي غير تنڨرشي فوق راسي.. قتلو و كيفاش نتصرف معاها؟ قالي اضربيها بأسلوبها ماشي تتبلايها و يولي الظلم عليك ديري فيها هي العيب.. حطيت  يديا في جنابي و رمشت عينيا قتلو و نقعد ندلل فيك و نتستت كيما هي؟ تبسم و قالي علاش جاتك صعيبة تدللني؟ قتلو لالا ماشي هكداك بصح ما نعرفش نتستت.. و زيد علاش راني مقصرة معاك؟ قالي إدا راكي منتبهة لروحك ماراكي ديريلي والو، لا فطور لا غدا لا عشا حتى حوايجي ما وليتي لا تغسليهم لا تحديهم.. ما رديتيش البال لروحك؟ أنا ندلل و نبوس راسك و أنت خدمتك التنڨريش و الديڨات.. وقتاش ناوية تفيقي لعمرك و تحسي شويا؟ قعدت ديرونجاتي كلامو قتلو يعني دوك وليت والو؟ قالي نتيا كلشي بالنسبة ليا بصح ليليان كيما أنا راجل و عليا واجبات انت تان مرا.. ما لاحظتيش بلي نخرج و نولي و ما علابالكش إدا كليت ولا شربت.. نرجع من الخدمة محروق كلمة الله يعاونك ولا على سلامتك ما تلاقينيش بيها.. شغل الدار ماراكيش تحبطيلو كامل.. حوايجي ما تغسليهمش حتى فالفراش تمنعي روحك عليا حتى توصليني ندي حقي دراع ولا ديريلي ألف سبة و سبة.. راني نكدب؟
أنا مارانيش نقارن فيك بيها بصح الرسول عليه الصلاة و السلام يقول ( والمرأة راعية في بيت زوجها وهي مسؤلة عن رعيتها )  أعطيني واحد من واجباتك راكي دايراتو من غير طولة اللسان و الرقاد؟ أنا كي نحبك راني متحمل بصح لوكان جا وحدوخر راهو شحال ملي طلقك لخطر ما نال والو منك و الزواج أخذ و عطاء.. هزيت راسي و رحت للفراش.. هو راح يبدل حوايجو و أنا قعدت نخمم صبت عندو الحق صح راني مقصرة بزاف.. إخلاص إدا كملت بهاد الأسلوب يقدر يحبها و تدي بلاصتي.. حتى أنا نهر جيت لعندو مع لول كان يكرهني و يعتبرني وحدة ساقطة و مع الوقت ثبتلو العكس و هي تقدر دير نفس الشي لخطر راهي تستعمل الأسلوب لي ألف مرة طلبو مني هو و أنا ما تبعتوش.. و المشكل كي نتقلق نولي غير نكرفس فالهدرة و ما نقراش عقوبة لتصرفاتي.. دوك وين فقت لحجم المشكل لي راني فيه.. كنت كي نقصر و نغضب ما يهمنيش بصح دوك كل غلطة بحقها لوكان نقصر تدي بلاصتي.. وليت نبكي و أنا نطلع فالحسابات حسيت حياتي رجعت سباق و ما فيهاش الراحة ما فقتش حتى دخل فالفراش و رفد راسي حطو على يدو.. قالي وعلاش هاد الدموع؟ هدا كامل كيقتلم راكي مقصرة في شي حاجات؟ خلاص و الله ما نحتاج منك حاجة لي في كرشك بزاف عليا ما تقلقيش روحك.. قتلو ماشي هكدا صراع، أنا ما نعرفش نتصرف و هي ماشي كيما أنا، تفهم كثر مني.. قالي هدا امر طبيعي لخطر هي كثر منك فالعمر.. قتلو أنا فيا غير اللسان و الرقاد و ما فيا حتى فايدة.. قالي ما توقفيش عند هاد الكلام و تخليه في راسك.. أنا الشي لي هدرتهولك من باب النصيحة و ما تخافيش أنا نعرف كل وحدة وش تسوى.. تنڨريشك عندي أهون من عقلها لخطر أنت بريئة بصح هي النار تحت التبن ما تتوقعيش وحدة كيما هادي جوزها عليا.. قتلو يعني أنت تحبني؟ قالي سؤالك هدا حكاية لي يشوف قمر ربعطاش و يقول وقتاش يبان القمر، كامل تصرفاتي واش تبينلك؟ قتلو بلي تشفق عليا..
قالي نشفق عليك؟!! علاش؟ ماكاش شفقة توصل لهاد الحظ، و الله عمري ما دق قلبي لغيرك و كي نتحمل و نصبر لخطر نحبك ماشي لخطر نشفق عليك، و ماشي غير أنا لي راني متحملك مام أنت راكي متحملتني.. خفتي كي قتلك راكي مقصرة؟ ماكاش واحد فينا ملك منزل من السماء رانا بشر و كامل فينا العيوب و نتحملو بعضانا ماشي هدا هو الحب ولا راني غالط؟ حضنتو بقى يمسح على شعري.. رفعت راسي و قتلو علاش تزوجتها علاش؟ راك تعذب فيا.. قالي ليليان أنا راجل عايش في مجتمع عشائري و كلمة الناس ماشي ساهلة.. لوكان عمي قالي فالديوان نعطيلك بنتي نقدر نرفضها بطريقة ذكية بصح بابا خطبها فالديوان تع الرجال فهمتي؟ كي قلت لالا كامل عمومي وقفو ضدي حتى أقرب ناسي لخطر هادي تعتبر كسرة ليها و نبين بلي بنت عمي فيها عيب يتبعها طول عمرها و نحبس مكتوبها لخطر تخطبت فالديوان و لي تخطبتلو وليد عمها يعني مادام رفضها فيها حاجة كبيرة.. انت في بالك خفت منهم و رايحين يحطولي الموس فالرقبة؟ بصح إدا عمومي كامل زعفوا و أهلي و بقيت رافضها و معتزلهم في داري تعرفي الناس وش يقولو؟ لخراني فيهم لي موالف ما يقدرش يهدر قدامي يقول أبو حرب رجع خو مرتو حاوز أهلو و باعهم على جالها و اعتكف في دارو معاها... حاولت و درت كامل وش نقدر باش نبقى رافض و نصالح أهلي بصح الكلام ثقل عليا و أنا ما قدرت نديك و نخرج منا و نخلي يما لي ما عندها حتى واحد من غيري ما قدرت نتحمل الكلام لي كان ينقال عليا بسبة وحدة ما تسواش.. طول عمري يقولولي أنت خو أختك و دوك على آخر عمر رجع لي يسوى و لي ما يسواش يقول عليا خو مرتو و محاوز أهلو و مقابلها؟ جبتها و خليتها عندي مؤقتا بصح و الله ما ننسالهم هاد اللعبة سورتو الحاج راني حاقد عليه بزاااف.. و باش نرجعهالو ماشي ما بين يوم و ليلة تحتاج وقت و تخمام.. أنا ما خنتكش كيما راكي متخيلة بصح ديريها أزمة و سانديني باش نجوزوها.. و دوك غمضي عينيك و ما تعمريش راسك بحتى حاجة من غير لي راهو في كرشك خلينا فرحانين بيه و ننساو الباقي.. تبسمتلو و قعدنا مع بعضانا..
غدوا منداك قلت لازم نوجدلو روحي و نوجد كلشي.. نضت الصباح أونفورم قتلو نحبط نديرلك تفطر قالي لالا عمري ريحي راني روطار يلزمني نروح بلخف معليه نفطر فالخدمة..
حبطنا لتحت لاقاتو إخلاص بالفطور رفد كاس لاتاي شربو بلخف و قاللها مشكورة راني مزروب.. قعدت غايسة هادي وقتاش ناضت؟ خليتها و طلعت لشومبرتي قلت نقيها رجعت خردة ما خلينا فيها ما يصلح أنا و صراع كلما نتقلق  نكسرو كلشي.. لحقت ال9 حبطت لشومبرة نائل دقدقت فالباب فتحلي قتلو صباح الخير قالي أهلا صباح النور..قتلو راني رايحة للسوق باش نشري وحد الدوزان خلي نور تروح معايا.. قالي و الدراري؟ قالتلو نور إيه و الله نائل أنا تان محتاجة نروح نشري.. قتلو خلي الدراري عند الحاجة و إخلاص و حنا ما نطولوش.. قالي معليش يمال البسو نوصلكم بالطونوبيل و كي جي موليين ارواحو فالكار ماشي في طاكسي.. قتلو معليش بصح أعطيني تلفونك نعيط لصراع نخبرو.. عطاهولي عيطتلو رفدلي قال ألو.. قتلو ألو حبيبي أهلا.. قالي أهلا عمري خير؟ قتلو راني رايحة للسوق.. قالي نخاف عليك و أنت حامل وش تحتاجي؟ قتلو ماعندو ما يصرالي.. عندي عفايس نحتاج نشريهم.. قالي بصح مفتاح الخزنة راهو عندي اشري من دراهمك و كي نجي نردهملك.. قتلو ندي من عند الحاجة.. قالي معليش بصح اسمعيني تشوفي زرق و برق في وجهك ما نحتاجوش تخرجي بيه و البسي حجاب كحل ماشي ألوان فهمتي؟ قتلو نحبك.. قالي و أنا نموت عليك.. ضحكت و كوبيت.. رحت ديت دراهم و عطيت لنور معايا 500 ألف علبالي ما عندهاش باش ما تبقاش عينها على وش نشري.. حبطنا للسوق شريت وش نحتاج مكياج حوايج و دي ڨارنيتور للشومبرة و رجعنا مع الظهر.. شبحت بيهم الشومبرة و دخلت دوشت و لبست و أنا نماكيي مازال ما كملت سمعت صراع جا.. خفيت يدي باش نحبط نلاقيه و نحطلو ياكل.. حبطت صبت إخلاص تحطلو فالغدا تقلقت.. رفع راسو تبسملي و قالي أهلا الشابة ديالي ليوم خرجتي وش كاين جديد؟ قتلو جيت باش نسقيلك تتغدا.. قالتلي الحاجة لاتية بروحك و نسيتي راجلك و دوك حبطتيلو.. اشطاري شويا و احبطي قبل ما يجي وجديلو و ماكاش فرق ما بينك و بين إخلاص في زوج راكم نساوينو.. قتلو وشنو في زوج..... قاطعني صراع تبسم و قالي جيبي مغرفة و ارواحي تاكلي معايا حياتي...
قعدت غايسة فيه غمزلي و شرلي باش نقعد قدامو.. رحت قابلتو و تكيت على رجلو همسلي قالي كولي و أسكتي.. رفدت مغرفتو جات إخلاص صابتني فتها و هو ضحك حسني راني نسابق فيها.. قعدت معانا تاكل.. قالتلي كولي بصح فوق ماراكي هاملاتو زدتي ديتيلو مغرفتو؟ على الأقل حركي روحك وجيبي مغرفة لروحك.. قلتلها ما عندو ما دخلك.. غرتي كي يعيفك و ما يخليكش تاكلي بمغرفتو.. قالي صراع ليليااان كولي و اسكتي صرعتني ما تبقاوش تتناقرو عند راسي.. قالتلو الحاجة و أنت المستفيد.. قالها فواش استفدت؟ في تكسار الراس؟ بطلت ما ناكلش... و ناض.. رحت موراه دخل للشومبرة قتلو هاد الكلبة سبقتني و الله كنت رايحة نوجدلك الغدا بصح...... قاطعني و هو يحكم فيا و يرميني على البونك قعدت غايسة في وجهو و مثبت يديه فوقي و يتبسم قتلو وشبيك؟! قالي موجدتلي الشومبرة و كامل هاد الحطة و الزين و حبيتيني ناكل في غرضي؟ أنا حبيت نتغدا بيك.. قتلو يعني راني شابة؟ قالي و الله غير قمر.. شوفي كاين فرق ما بين الخدامة و الأميرة و أنت أميرتي وحدة ما تدي بلاصتك.. لقينا مع بعضانا و حتى الدوش دوشنا كيف كيف.. خرج قبلي شويا و زدت خرجت أنا بالسوغتي دوبا، كانت الباب تع شومبرة إخلاص مفتوح جزت عليها و أنا نغني (أنا لحبيبي و حبيبي ليا يا بومة طايرة لا تسألي) خبططت الباب في وجهي، رحت للشومبرة و أنا نضحك صبتو متكسل و متغطي راقد.. لبست و رحت ساميتو..
مع الظهر حبطت إخلاص لشومبرة الحاجة و بدات تبكيلها و تشكيلها قالتلها ما راهيش تعطيني فرصة باش يشوفني منين يدور تخرج في وجهو و هو ما يشوف حتى واحد من غيرها.. قالتلها الحاجة اصبري بنتي هي تان كي جات كان ما يحبهاش، هدا هو أبو حرب يقرا البنادم بلعقلو، ابقاي كيما راكي معاه و تشوفي إدا ما حنش قلبو..
رحت للكوزينة شميت ريحة الڨاطو فتحت الكوشة صبتها دايرا كيك.. دخلت هيام سلمت رجعتلها فوق قلبي قالتلي راكي زعفانة؟ قلتلها علاش ماشي من حقي؟
قالتلي من حقك بصح و الله ما قلنالك لمصلحتك.. قلتلها ااااه آمنتك.. آخر وحدة توقعتها تغدرني هي أنت.. قالتلي أنا ما غدرت حتى واحد أنا برك ساندت خويا.. قلتلها إيه ربي يدومها.. قالتلي صحا قوليلي كيفاش راهي وجه الكلب معاك؟ قلتلها سباق الثيران لي ينطح يربح.. ضحكت ههههه...
قعدنا نڨصرو و حكيتلها كامل وش في قلبي مالڨري كنا حاقدة عليها بصح ما عنديش غيرها نشكيلها و تنصحني...
قالتلي اسمعي ليليان هادي راهي ترطب فيه بلعقل ردي بالك بصح يكون في علمك كاين راجل نقطة ضعفو كرشو و تقدر تغريه المرا بجمال وترتيب ماكلتو، و كاين راجل نقطة ضعفو رغبتو، ما يهتمش بالماكلة على قد ما يهتم بفراشو، و أنت تعرفي راجلك وشنو نقطة ضعفو و تخدمي عليها بلاما تهملي أي جانب يعني شبعي عينو بالشي لي يحبو بلاما تقصري فالحوايج لوخرين.. كيما حنا النسا كاين لي تغريها الدراهم و الخرجات و التقلاش و كاين لي تغريها العاطفة.. يلزمك تكوني ذكية و تعرفي كي دللي راجلك و ما تخليهش ليها.. اليوم يحبك و متحمل هبالك بصح لوكان تكملي هكدا يجي النهار وين يكره من تنڨريشك و يميل لي تكون هادئة و ما تشكيش.. قلتلها لوكان جات بيدي نشنق خوك و نفري هاد الحكاية لي حطني فيها راني حاسة روحي في ماراطون.. قالتلي هدا هو مكتوبك تحملي..
دخلت إخلاص و هيام ناضت راحت للهول.. قالتلي صراع راهو لفوق؟ عيطيلو ياكل معانا درت كيك باش يذوقو.. قلتلها هو ما يحبش الحلو.. قالتلي و انت وش دخلك شكون طلب رايك راني نقولك عيطيلو يالوكان يشرب لاتاي.. قلتلها ماراهيش حايب يقابل خليقتك الشابة.. علاش بالسيف؟ الراجل منهار دخلتي حتى اليوم ما يحبش يقابلك فيقي لعمرك.. قالتلي سقمي هدرتك خير ما نمسح بيك القاعة.. قلتلها ادا حبيتي وجهك تتمسح بيه القاعة ادناي ليا.. دخلت نور قالت وش كاين؟ قالتلي إخلاص يحبط و نوريلك كيفاش يمسح بوجهي القاعة إدا ما خليتوش يسحبك... قلتلها ههههه ضحكتيني.. قالتلي و تشوفي..و رفدت السنيوة و راحت.. ضحكت نور قالتلي و هادي وش راهي دايرا في عمرها هههه
منيتها علاش الناس هكدا دير ماكياج وجهها راهو تقول خريطة
قلتلها ألوان بوبلاد هايشة و دايرا ماكياج..
راحت حطت السنيوة في شومبرة الحاجة ماشي فالهول علابالها وش راهي دير الكلبة.. سربات 5 كيسان لاتاي يعني ماشي دايرا حسابي و قالت نور كملي نطلع نعيط لصراع و نجي.. نور مدت لأم سعد والحاحة و هيام و رفد واحد ليها و أنا رفدت تع إخلاص و قعدت نشرب فيه.. شويا و حبطت قالت للحاجة قالي راني جاي و قعدت قالت وين راهو كاسي؟ شافتو عندي قالتي كيفاش ترفدي كاسي من السنيوة ما تحشميش أنت؟ قلتلها بوووووه وشنو هاد العقلية منين جيتي أنت؟ علاش ما شفتيش شحال عندي الكيسان في كوزينتي عادي نوضي و جيبي.. ولا نقولك حتى لاتاي ديالك ناقص شدي كاسك شدي بناقص.. قالتلي واقيل آمنتي بلي هادي دارك؟ قلتلها داري و بالسيف عليك و إدا ما عجبكش الحال هااااوليييك الباب.. دارت للحاجة قالتلها عمتي اهدري معاها راكي راضية بأسلوبها معايا كاش ما هدرت معاها؟ قالتلها خليها بنتي العمل عليك أنت الكبيرة و العاقلة.. قلتلها يعني الكبيرة و العاقلة كي تتجاوز حدودها واحد ما يهدر معاها؟ أنا نهدر و صراع حبط.. جات تهدر نغزتها الحاجة قالتلها أسكتي..
قعد قتلو صحا النوم حبيبي مزيا لي خرجت من الشومبرة، من هداك النهار المنحوس و انت ما تحبطش هنا حتى كحالت عليا.. خزر فيا بنص عين و قاللها إخلاص سربيلي لاتاي.. ناضت جابتلو كاسو سرباتلو و حطتلو قدامو.. 
هو قعد يهدر مع يماه و ختو على فاملتهم و أنا حاكمة التلكومند و نتفرج فالتلفزيون و نور تلعب مع ولادها و تعلم الصغير يهدر و إخلاص تهدر مع أم سعد..
شويا و دخل الحاج قال لإخلاص نوضي بنتي سامي على خوك و شوفيه راهو فالصالون.. راحت تجري.. زاد قال لصراع أبو حرب نوض سلم على نسيبك.. سكت عليه...
شويا و رجعت رافدة ألبوم صور في يدها و قالت للحاجة شوفي عمتي راهم خرجو تصاور العرس و قعدت توريلهم و أنا نشوف فيها و صراع مدور وجهو التلفيزيون.. راحت قعدت قدامو قالتلو شوف التصاور شحال شابين و تغزل فيا دار قال ايه و  دور وجهو كمل يتفرج منبعد ناض قالتلو الحاجة ما تخرجش؟ قالها لالا يما راني طالع لشومبرتي علاش كاش ما تحتاجي؟ قالتلو باش جيبلي هاد الدوا.. شدو عليها قالها فالليل نجيبهولك.. طلع للشومبرة طلعت موراه.. فتح اللابتوب ديالو و قعد يخدم و أنا تخمامي فالتصاور.. قتلو صراع وقتاش طلقها؟ رفع راسو قالي وشنو؟
قتلو مليت راني حايبا نفهم وقتاش طلقها علاش مكتوب عليا باش نشوفها كل يوم قدامي ما قدرتش نحمل رايحة نقتلها.. سكت و كمل يخدم.. قتلو إيه اقعد ساكت و اغلق راسك يجي النهار لي نهرب من هاد الدار.. قالي ياودي و الله غير عييت من هاد الحكاية.. شحال من مرة قتلك مانيش حايبها و غير تصحلي فرصة نطلقها بصح خلاص يرحم والديك خليني نخدم ماراكيش تشوفي فيا لاتي؟ خبطت عليه و نضت..
أذن ناضو يتوضاو و إخلاص طلعت لشومبرتها.. دخلت لشومبرة الحاجة شفت وليد نائل كانت نور مرقداتو فوق بونك الحاجة و يبكي.. جيت نرفدو شفت ألبوم الصور تع إخلاص و فوقو كاسات فيديو عيطت لنور جات رفدت وليدها و راحت.. شفت الحاجة تصلي فالهول دخلت غلقت الباب جبدت المقص و قطعت التصاور مورصوات صغار و رجعتهم داخل الألبوم و زدت جبدت الشريط من داخل الكاسات و قطعتو و خليتو لداخل.. رجعت المقص لبلاصتو  و فتحت الباب شفت إخلاص راحت للكوزينة سكيفيت لشومبرتي و الخلعة في كرشي.. درت صبت صراع قاعد على سجادتو يسبح شاف فيا قالي علاش وجهك راهو لونو مخطوف هكدا وشبيك؟ سكت و قعدت.. قالي كاش ما درتي ديڨا؟ درتلو براسي إيه.. قالي يااااربي تبليت وش درتي تان؟ رحت قدامو قعدت فوق البونك مقابلاتو قتلو تواعدني ما تهدرش؟ قالي و ناوية تخليني شريك في جرايمك تان؟ قتلو انت  آخرتها رايح تعرف يمال تعرف مني خير ما تعرف من غيري.. قالي سمعيني وشمن ديڨا درتيها.. قتلو قطعت تصاور إخلاص و الفيلم ديالها.. قالي وعلاش؟ وشنو هاد التصرفات ليليان؟ قتلو ماشي غرضي كي كانت تشوف فيهم وليت نغلي، يعني مصورة اتعس لحظات حياتي و حبيتني نسكت؟ قالي علواش تسكتي؟ علاش تحوسي على المشاكل راس براس؟ ياك التصاور خاطيينك و ما وراتهملكش ليك باش تتقلقي.. قتلو بصح انت فيهم و انت ليا وحدي ما نقبلش تكون لغيري.. ما كفانيش كنت نتمنى نلبس لاغوب بلونش و نوقف قدام الناس و يدي في يدك و نقولهم هدا راجلي.. أحلامي و أمنياتي داتهم هي و تزيد تصورهم و نبقى نتفكر عرسك أنت و ياها و نموت ما نقدرش نحمل راني مليحة كي راني متحملتها فهاد الدار.. قالي بصح الشي لي درتيه لعب دراري.. خلاص و الله غير رايحة تجلطيني.. قتلو وشنو لي خلاص انت ما جربتش شعور انك تنخان و لي تنخان معاه عايش معاك راني نموت فاليوم ألف مرة و تقولي خلاص.. قالي قتلك أنا مااااا....... قتلو ما تقوليش مانيش حايبها و هاد الكلام.. مادامها في داري مانيش مرتاحة و راني نبلع فالموت كي نشوفها..
حنا نهدرو حتى نسمعو فالحاجة عيطت و قالت شكون لي دار هكدا فالالبوم؟! درت ليه قتلو عرفت.. قالي علاش راكي خايفة؟ قتلو لالا علاش نخاف ما تسواش حتى صباطي.. قالي يمال نوضي احبطي و قوليلهالها في وجهها كي رجعتيلي فوندام.. قتلو لالا ما نحبطش.. هز راسو و تبتسم و كمل يسبح.. شويا و دقدقو فالباب تع الشومبرة قلت ادخل.. كسلت رجليا فوق البونك و حكمت التليكومند درت روحي نتفرج..
دخلت إخلاص قالتلي ليليان أنت لي درتي هكدا للألبوم؟ شفت فيها و دورت وجهي قلتلها لالا.. قالتلي لالا أنت.. نطق صراع قالها أنا لي قطعتهم و ما نحتاج حتى صورة تبقى يلا... قالتلو انت علاش تحامي عليها في عوض ما تحاسبها؟ قالها أنا وش هدرت؟ قالتلو ماشي انت لي قطعتهم و أنا متاكدة.. قالها يتسمى أنا كداب؟ قعدت غايسة قالها أيا طبڨي منا.. خرجت بلخف و هو دار ليا قالي ارتحتي دوك؟ حبطو دموعي استصغرت روحي ماشي من طبعي ندير عفايس كيما هكدا.. قالي و فوقها تزيدي أنت تبكي؟ قتلو أنا ماشي هكدا بصح على جالك وليت ندير حوايج ماشي من طبعي و الله غير هبلتني..
تكسلت و دورت وجهي و هو جبد النفس و قرب ليا قالي ياودي انا مانيش حاملها كثر منك و الله غير نكرهها بصح اصبري.. قتلو ما تقوليش اصبري راني نموت حاوزها عييت.. قالي هدا من الوحم حياتي.. ريحي فالشومبرة و ما علابالكش بيهم، ارتاحي انت هنا ولا ما تعبيش روحك..
سمع صوت الحاج لتحت يعيط ناض و حبط سمعتو يعيط معاه و قالو ما دخلش روحك و لوكان نحرقها ما نسمحلكش طفيها.. قالو الحاج على حساب الشوفة ماولاش عندي قدر هنا.. قالو واحد ما دنا ليك راني نقولك ما دخلش روحك في نساويني و إدا راك تتسبب عليا باش تحكمني من يدي لي توجعني قدام عمومي و تشكيني لي تقدر عليه ديرو ماشي أنا لي تمشيه كيما تحب مارانيش ناسيلك وش درتلي.. الحاج ما حملش رفد أم سعد و خرج و صراع طلع لعندي مقلق.. غطيت راسي و سكتت و هو ما هدر والو بصح تعنكر فيا و قعد يكمل خدمتو على اللابتوب ديالو.. 
حبطت درت العشا ليا و ليه و طلعتو.. قابلني ياكل و هو ساكت.. كملت ورحت رقدت..
غدوا منداك مع الظهر هو ماكاشو فالدار حبطت صبت خيات إخلاص و حلا فالدار و سمعت الضياف فالصالون سقسيت الحاجة قالتلي صحابات إخلاص جاو يباركولها..
دخلت للكوزينة شميت ريحة لاتاي فالبقراج و كانت موجدة الكيسان.. شفت مورايا ما صبت حتى واحد عمرت نص البقراج بحمض الليمون (حمض الستريك)  و خليتو.. رحت للفريجيدار فتحتو دخلت إخلاص ضربتني بكتفها و حكمتني من كتف الجبة قالتلي شوفي لهنا ما تقوليش راني ساكتتلك هكداك برك راني مخليتهولك بمزاجي دوك ديري وش تحبي و آخرتها وليد عمي يولي ليا و انت تخرجي من هاد الدار.. من يبكي كثيرا يضحك اخيرا، و أنا لي رايحة نضحك و هاد الدار كامل تولي ليا بصح راني جاياتك وحدة وحدة غير ما تخافيش راهي وصلت دالتك و دوك وخري عليا يلا..
خفتها لخطر ما نقدرلهاش جايا قد كينغ كونغ.. رفدت السنيوة و جات خارجة قالتلي اصبري عليا عينيا و الله غير نلعبك على الحبل حتى طيحي
رحت الهول و هوما سرباو لاتاي و راحو للصالون شويا و سمعتهم يعيطو اعععع لاتاي قارص.. خرجت نور و أم وسام و حلا و يقولو و الله غير تبهديلة شكون لي حط حمض الليمون فلاتاي في عوض السكر و نور قالت بصح إخلاص كانت دارت السكر.. غسلو الكيسان و عاودو سرباو لاتاي تان عيطو ياخاااه ما عندكمش السكر؟ عيفتونا و حلا تحلف بلي حطت السكر و أنا متكسلة فوق الكنابي و نتفرج و ضاربة النح...راحت إخلاص للكوزينة قالتلهم و الله غير بهدلتوني مع البنات علاش ما ذقتوش السكر؟ ذاقوه قالولها لالا راهو عادي و ختها ذاقت لاتاي لي فالبقراج قالتلها ماشي من السكر شي شكون حط حمض الليمون في لاتاي.. جات إخلاص ليا قبالة جبدتني من حوايجي و قالتلي أنت صح ما تستحيش.. حبيتي تبهدليني و بدات تزعزع فيا و تقولي و الله غير هنا نذبحك ديجا راني تحملتك.. و رماتني للقاعة.. خرجت الحاجة عيطت قالتلها علاش هكدا ديري معاها إخلاص؟ و أنا بديت نبكي وجعتني.. قالتلها عمتي قتلتني هادي ما تنبلعش ما علاباليش كيفاش راكم حاملينها تلعبها بهلولة و هي علابالها مليح وش راهي دير..... هي تهدر و صراع دخل درت ليه و دموعي في عينيا كي شافتو سكتت.. شاف فيا و قال وشنو هاد الصوت؟ قتلو طبعتني للقاعة ضربتني.. و أم وسام قالتلو أبو حرب تقبلها.... مازال ما كملت و هو تلاح في إخلاص حكمها من شعرها و عيط تجرأتي و ضربتيهاااااا.. ناضو يتجارو كامل ليه.. قالهم لوكان واحد فيكم يدخل روحو ماتلومو غير رواحتييييكم بعدووووو... لوخرين كامل بعدو و أم وسام بقات تجبد فيه طبعها و جبد على إخلاص بكف و عاود حكمها من شعرها قالها ساقطة و يزيد ينسمع حسك في دااااري و الله غير ليوم نحرڨك يا فردة الصبااااااط.. خرج نائل من شومبرتو حكمو من كتفو قالو اطلقنييي هادي ما عندهاش كرامة و جاية للذل يمال خليني نذلها مليح... قالتلو لالا و الله ما جاية للذل ما تحتاجهاش ماراهيش ملوزمة عليك ندي ختي و نروح و الله ما نخليها عندك و حتى بنتك ما نحتاجهاش... قالها طريق السد لي تدي ما ترد ينعل باباك لبابات وليدك اديها يلاااااا...
نائل يجبد في صراع و يهدن فالحالة و حلا تحلل في عجوزتها تخلي إخلاص و الحاجة تسكت في هدا و هدا.. قالتلو أم وسام راني دايا ختي و أنت خليك بايع لحمك على جال هاد المسمومه الله يطرطق هاد الدار فوقك و فوق راس مرتك يا الظااااالم.. و هو تنشع و عيط من موراها روحي ادي ختك راهي طالق بالثلاث.....