نسيم العشق ❄️

التاسع 🎉

عيسى انقـ"ض عليه بقوة اتكلم بغضب مفرط: انت زودتها اوي

جنة وحنين رجعوا بخوف شديد وخصوصاً جنة اللي مش فاهمة ليه عيسى بيعمل كدا

معتز راح وقف فى نصهم وهو بيحاول يبعد عيسى اللي كان نازل فيه ضـ"رب

معتز: يعيسى سيبه خلاص يعيسى

عيسى بعد بصعوبة وهو بينهج من ضـ"ربه لكريم

: ابقى فكر بس تبصلها بعينك تاني اللي عملته دا اقل حاجه تتعمل فيك

معتز :- خلاص اهدى تعال نعقد فى مكتبي

عيسى بعصبية مفرطة وصوت أرعب كل الطلاب اللى كانوا واقفين بيتفرجوا وخصوصاً جنة و حنين

:- قولتلكوا ادخلوا واقفين بتعملوا ايه

حنين بخوف من تحوله : حاضر يا ابيه

كريم كان قاعد على الأرض بيحاول ياخد نفسه حط ايده على شفته بص على ايده ليجد الد"م على ايده قام بسرعة ولكـ"م عيسى بقوة وغضب

جنة بخوف شديد: عيسى

عيسى كان رايح عنده بس معتز وقفه

:- خلاص يعيسى ابوس ايدك

عيسى بغضب وهو بيحاول يروحله بس ايد معتز كانت ماسكه

:- اوعى يمعتز بقى بتضـ"رب عيسى الجبالي يالا والله لهندمك ندم عمرك

كريم ببرود : وايه يعني عيسى الجبالي انت اللي ابتديت و دا رد فعلي

ضحك عيسى بسخرية عليه

:- متبقاش تزعل بقى

مشي كريم وهو بيحاول يتجاهله بس ميقدرش ينكر هو اد ايه كان خايف منه

فجسد عيسى اقوى وكمان غضبه مهلك لأي حد قدامه ، راحت جنة وحنين بسرعة لعيسى ، ظهر الخوف والقلق على ملامح جنة ، راحت عنده وهي بتبص على الد"م اللي جنب شفايفه بخوف وقلق

جنة : عيسى انت كويس

عيسى بصلها بحنية وهو بيطمنها

:- اهدوا متخافوش وادخلوا المحاضره بتاعتكوا هتتأخروا

جنة بخوف وتلقائية : انا معنديش محاضره دلوقتي ومش هسيبك وانت كدا اطمن عليك الأول

عيسى بحب و توهان في جنة كان حاسس ان قلبه من فرحته بخوفها عليه

:- طب روحي انتي على محاضرتك يحنين

حنين: ماشي يا ابيه

معتز:- تعالوا اقعدوا في مكتبي

مسكت جنة ايد عيسى ، بص لايدها الماسكة ايده وابتسم بحب

جنة :- يلا

دخلوا مكتب معتز ، قعد عيسى وجانبه جنة على الكنبة

معتز راح يجيب علبة الإسعافات من درج مكتبه