دخلت اباوع البيت بي تُراب اسود وصخام عبالك مشيت اكثر ماعرف وين اروح
المكان متُسخ ومتروك والصخام المنتثر بارجاء البيت عبالك محترك
صعدت فوك واول غرفة فتحتها غرفة اميشصاير إلتفت الها ماكو اي اثر موجود الها
افتح بالكناتير ملابسها بس هي ماكويعني اكو شي اكبر من مُخيلتي التخيلتها لثواني معدودة من خوفي عليها !
بس لا اظن ظن سوء يمكن
اتذكر شيء اكبر غرفتي ...
فتحتها واتوسل بالله والرسول ميكون وصل الحرك للصور
الغرفة فدوه تتعوض بس الصور شيعوضهن
ذكرياتي صور احمد صور عائلتنا جنت مجمعتها
على الرغم من تفككنا باخر فترة بس ابقى احب هل صور من اكون مشتاقة لملامح احمديمكن شكد ما اسولف بي يمكن ابالغ لكن حقًا
اكتشفت اني ولا شي بدونهدخلت بسرعة ودموعي اتساقطت هَم وحُزن
من منظرها هنا بنيت طفولتي مُراهقتي هنا كلشي صعبة اتحمل هل منظروصلت للميز وافتح الجرارة الاخيرة العبارة عن ذكرياتي يمكن موصلها الحَرك
بس اتفاجئ بان الصور مشككة بشكل واضح انهُ شخص متقصد يوجع كلبي
اباوع كمية جبيرة صوري اني وأحمد ما باقي منها اله قصاصات ما اميزه بيها
كمشت جزء صغير منها وكمشتها اعاتب
بس احتاريت اعاتب منو بالضبطشلون واذا نسيت شلون شكله ؟ شلون ملامحه شلون شعره شلون اتذكرهم ..
ومن اشتاقله وين اروح ؟
وين اشوفه اذا كُبرت وبديت انسى ملامحه؟
شلون اذا حَنيت !- علي الدُر : الله موجود
لَملمت شُتات مُخيلتي ونطقت
- احتاج اكعد بوحدي- افا تطرديني واني تعبان وكاعد منتضرج هاهي ما اطلع بعيد بس ترى اكتلج اذا تسوين شي تتندمين عليه بعدين !
طلع خطوة وكل شويه يتلتفلي
- ترى هنا راح اكعد مو بعيد لتسوين شيراد يطلع من الباب وكل ساع يحذر بيَ
- باريا : ارجع علي اريدكنكت شويه من التراب وخلى مسافة فاصلة بينا
وكعد على الكاع- علي الدُر : على الرغم حرام كعدتنا سويه وبيت واحد بس متحمل الذنوب والحرام لخاطر كِلمة تناديني بيها ماكدر اعوفج
- باريا : تعرف شصار ؟
نزل راسه يمرر اصابعه على التُراب يرسم شي مجنت فاهمته بس اردف
- قبلها يصير اسئلج سؤال ؟همهمت بهدوء ... اي
سكت لثواني ونطق اسم خلاني اتجمد
- علي الدُر : تعرفين وحدة اسمها باريا من*****؟
YOU ARE READING
الجمجمة الذهبية
Humorحكايةٌ تدورُ حولَ تاريخِ ثلاثٍ نِسوةٍ مُختلِفاتٍ جمَعهُنَّ مَصيرٌ وعرٍ وكُلِّ شخصيةٍ تنفرِدُ بسْماتٍ تُغايرُها عنِ الأُخرى فَكيفْ بمعيشتِهنَّ تنثَنْي مُنهارةً ويسقُطنْ بِبُؤرةٍ عسِرَةٍ، حيثُ لا يوجَدُ شمسُ أملٍ نقيةٍ بل فَقط سلاسِلُ الشقاءِ الوثيقةِ...
النَدْوَة الخَامسة عَشر
Start from the beginning