رغبات خاصه 🔥
الحلقه (22)
بقلم مروان فرج
.
.
لايك وتعليق وصلوها 800لايك ونزلكم الحلقه 23
ع السريع🔥
.
.
انيسه....التفت وقالته خيرك ي محمد قولي شن في عارفتك جاي تبي تقولي ع شي
محمد....تبي الحق ياامي عندي موضوع ونبي نقولك عليه
انيسه....قولي شن في
محمد....انا ياامي نبي نخطب ريان🔥💍
انيسه.... باستغراب من ريان هاذي🔥😳
محمد...ارتبك شوي ومعاش عرف شن يقولي تي ريان من يعني يعني واضح والل توا معاش عرفتيها ريان
انيسه....محمد شن تحكي انتاا بحديات تبي تاخد ريان يلي كانت مرت خوك
محمد...ريان حاليا مش متزوج حد ونقدر نتزوجها انا وين المشكله يعني خيرك مكبره الموضوع لاعيب ولاحرام
انيسه....وهيا مش مصدقه يلي يحكي فيها محمد بحديات تدوي ي محمد تبي نخطبك ريان والل نا قاعده نتخيل توا علي خشت علي راجلها
محمد...غمز امه عشان تسكت قدام بوه ماكانش يبي بوه يعرف بالموضوع هذا توا🔥💔
علي.... باستغراب خيرك ي انيسه نسمع في صوتكم واصل لبرااا خيركم ع الصبح شن في 😐
محمد....لالا مافي شي يابوي نهدرز انا وامي بس وناض طلع
محمد من جنب بوه وامه وركب في سيارته وماكانش يتوقع رد الفعل هاذي من امه توقع رح توقف معاه وتكون موافقه بس عرف انااااا الموضوع مش ساهل بكل ولو يبي يريان رح يحارب عليهااا ويتعب وفي الشك انا يتزوجها 🔥💔
علي...وهوا يشرب ف قهوته وكان يشوف لمرته انيسه كيف بالها مشغول وهوا مش عارف خيرك يانيسه اول مره نشوفك هكي احكيلي شن فيك
انيسه....اااء لالا مافي شي والله عادي
علي...خيرك نحس فيك داسه عليااا شي قولي مانحبش حد يدس عليااا شي راهو
انيسه...لا والله مافي حاجه عاد
علي.... باهي شن بنقولك كلمتي محمد ع موضوع الزواج ولالا
انيسه....لااااااا مش وقته بكل الموضوع هذاا توا ورد بالك تفتحه معاه الولد قاعد ضغير ومش توا خليه مزال ع الزواج
علي... باستغراب باهي معا انك كنتي موفقه في البدايه شن يلي غير رايك مش عارف الحق ....😐🔥وطلع علي ركب ف سيارته ومشي ....🔥
انيسه ...قعمزت ع الكرسي ومن داخلها مستغربه كيف محمد يبي ريان كيف صار هكي بس وكنت شاك قبل انا يبي ريماس بنت عمه بس مش ريان خافت انا عادل يسمع بالموضوع هذا وتصير قصه طويله عريضه ويتعاركوو اولادها في بعض...🔥
انيسه...خدت تلفونها ورنت علي خلود عشان تبي تعرف هل خلود تعلم بعلاقه محمد وريان ولالا
انا....كنت راقده جنب اكرم ونومي خفيف هلباااا اول ماسعمت التلفون يرد نضت ودرته صامت واستغربت ليش امي ترن عليااا خصوصا كانت الساعه10الصبح شن في
طلعت من الدار عشان ماينوضش اكرم ومشيت للمطبخ ورديت عليها❤️
انا.... صباح الخير ياامي شن حالك اليوم
انيسه... صباح النور تمام شن حالك ي خلود اليوم وشن حال اكرم وعمك صلاح
انا ...الحمد لله بخير شن حال بابا والعيله كلهم
انيسه....بخير ي خلود نبي نسالك في بحداك حد تواا ولالا
انا ....باستغراب لا بس ليش تسالي شن في ياماما شن صاير
انيسه....نبي نقولك ع شي صار اليوم ونبي نعرف هل تعلمي ولالا
انا....باستغراب قوليلي شن صاير ترااا شن في😳🔥
انيسه.....محمد اليوم الصبح كلمني وقالي نبي ريان نبي نخطبها ونا انصدمت الحق
انا....قعدت ساكته شوي وماعرفتش شن نقول لامي لاني عرفت قبلها بالموضوع يلي صار
انيسه.... خيرك ي خلود تكلمي تعرفي بالموضوع ولالا😐💔
انا... تبي الحق ياامي اي نعرف بس مالياش هلباااا راهوو كيف عرفت
انيسه....وخيرك ماتقوليش ي حماره خيرك داسه علياااا لتوااا
انا....ولو قوتلك شن بديري يغني معاعندك مااديري اهو علمتي شن رح اديري يامي
انيسه...نبي نعرف شي واحد ويلي هوااا ريان تبيه محمد او محمد هوا يلي يبيها يعني سبب طلاق عادل وريان كان بسبب محمد ؟؟
انا.....مش عارفه الحق بس شن قوتلي لمحمد انتي
انيسه....تي مستحيل نوافق اصلا صعب والله حتي لو حلال بس مستحيل
انا ..سمعت اكرم ناض وخفت يجي يشوفيني نحكي بالتلفون انا ماما عن اذنك توا نكلمك بعديم وسكرت الخط بسرعه ومشيت خشيت للحمام شوي غسلت وجهي وكنت خايفه من اكرم هلبااا لانا امس كلمني وقالي الصبح نوضيني عشان بيرفعني نديرو تحاليل 🥺🔥
قعدت نسمع ف صوت اكرم برااا يكح وعرفته انا ناااض درت روحي كيف نايضه وغسلت وجهي وطلعت من الحمام تلاقيت نا واكرم في الممر 😐❤️
اكرم....انتي ي حماره مش قوتلك امس نوضيني الصبح بكري ولالا خيرك مانوضنتيش
انا....انتاا حمار توا كيف نضت ني وبعدين الناس تقول صباح الخير وين لاتعرف الخير ولالا شي
اكرم....هيييي بلاش دوه ع الصبح مش رايقلك ني ديرلي قهوه ناقصه سكر وديرلي فطور خليني نفطر ونمشووو
انا....باهي خيرك مستعجل انتاا
اكرم...قرب مني هلباااا وهمسلي ف ودني وقالي نبي نعرف انك كذابه والل صادقه عشان نرتاح هكي وخش للحمام وخلاني واقفه في مكاني
وكنت مش عارفه شن ندير بكل مشيت للمطبخ وحطيت البكرج ع النار وقعدت نجهز ف الفطور ويديااا يرعشووو معا بعض كميه الخوف في داخلي مش طبيعيه بكللللل ماعرفتش ليش ممكن لاني بجديات حبيت اكرم من داخلي ومانبيش نخسره لانااا عرفته اناا انسان كويس هكي احساسي 🥺💔
قعدت نجهز ف الفطور وحطيت ع الطاوله ودرت القهوه وطلع اكرم من الدوش وخش لدار النوم لبس زي عوايده وبخ عطره يلي كان قوي بكل واول ماشيمت ريحته العطر ع الصبح وكنت مش واكله بكل حسيت روحي بنرجع مشيت للحمام بسرعه وبعدها رجعت وحسيت بدوخه من كميه العطر يلي كانت قويه😪
اكرم.... باستغراب خيرك شن صارلك
انا...ريحته العطر قويه معاش تبخ منه هلبااا نتخملاش
اكرم ...هههههه هما بختين بس وتقولي معاش تكثر يالا تعالي افطري خلينا نمشوو ونلاحقو نكملو لانا الغدي في حوش بوس اليوم
انا...كول وافطر ماعنديش نيه في شي ني وخشيت لدار النوم وقعدت نجهز ف روحي وعلي امل اكرم يقول خلاص ي خلود خليها يوم تاني او خلاص نا نبيك حتي بدون ماتكوني حامل ونا أفكاري هكي ماسمعتش غير اكرم يقولي ياحماره اطلعي طولنا ....🙂🔥
انا ....باهي هي وطلعت ركبنا ف السياره وركب اكرم وطلعنا مشينا لاول مختبر نزلنا وخشيناا ودرت كل التحاليل الطبيه وقالو لما يطلعووو توا نتصلووو بيكم وركبناا ف السياره عشان بنمشوو لحوش عمي صلاح❤️
اكرم....توا نبي نفهم شي واحد بس من قالك انك حامل ي خلود والل تحطي من راسك انتي
انا...مابيتش نرد ولا حرف وقعدت ساكته ونسمع ف كلام اكرم
اكرم...حتني فاضي يلي قاعد نحكي معاك وسكت وقعد يشوق بسرعه لين وصلنا لقدام حوش عمي صلاح
اكرم....انزلي ي خلود عندي مشوار شوي ونجي تمام
انا....باهي تمام وخشيت للحوش لقيت عمي سلمت عليه وسلمت علي عمتي وريماس وخشيت للمطبح عشان نساعدعم في الغدي .....❤️
STAI LEGGENDO
رغبات خاصه 🔥
Mistero / Thrillerعائلات واشخاص هلباا وكل شخص وعنده قصه بروحه احداث نار روايه تحت اسم رغبات خاصه 🔥🔞
