♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️
طاحت الظلمة وثلاثة ديال الأشخاص مرض التفكير ايقتلهم منهم فاتي لي فينما غمضات عينيها كتشوفو حتى كرهات الوضعية وباش تعرف شنو هوما هاد الأحاسيس المتمردة قررات تسول واحد البنت كتعرفها وتاخد برأيها حيث هي مخطوبة ...
هزات طيلي ديالها وصونات عليها وحتى هي ماشي من العاكزين جاوباتها فالبلاصة وقالت : فتوووش عاش من شافك
يسرى انفاجرات بالضحك وقالت : هههههههههههههههههههه خلعتيني الله يعطيك موصيبة تسحاب ليا وقعات شيء كارثة
فاتي : وراه هادي كارثة وليت مخربقة نفسيا باغا ندير واحد الحاجة وماباغاش
يسرى بهدوء : عاودي ليا من الأول باش نفهم فاتي تنهدات فصمت وقالت : اول مرة شفتوو كان فسيبير بصراحة بحال أي بنت عجبني شكلوو وكاريزمة تاعوو وغير تخنزيرتوو تعطيك العربوون
يسرى بدون ما تقاطعها قالت : كملي فاتي تحمسات وهي كتعاود عليه وعينيها بداو كيضورو وكل شوية تبتاسم حتى عودات كلشي عاد قالت : تخيلي اصاحبتي شفتوو ثلاثة ديال المرات فنهار واحد متقوليش ليا هادي صدفة وزيد عليها شفتوو غير اليوم كيقرى مع صاحبتي ... ياختي وليت فوق ما نشوف كنتصدم وكنبغي نبقا غير حاضياه
يسرى بلعات ريقها وقالت : فاتي نتي عارفة بلي عادي تشوفيه رآه طالب فالكلية وحتى هو كيقرى يعني كلشي عادي
فاتي بحالا داك الأمل لي كان عندها مشى وتبخر وبيأس قالت : اه عرفت ولكن مفاهماش شنو هادشي كنحس به
يسرى ببرود : يقدر يكون إعجاب ويقدر يكون حب ولكن هادشي على حسابك نتي باش كتحسي
فاتي تنهدات بسخط وقالت : عرفتي تصبحي على خير غير فقصتيني فهاد ليل
قطعات الخط وهي مترددة من واحد الخطوة ولكن دارت يديها فيد الله ودارت انسطا وهمي غير ديالها الأصلي ومشات كتقلب على سميتوو حتى دازت ساعة كلها عاد لقاتوو وبلاما تشعر بدات كتنقز بالفرحة بحالا دارت شيء إنجاز عضيم ....
وبسرعة دخلات لصفحتوو لقاتوو حاط تصاورو بقات كتمنظر مع راسها وتسكريني لي بغات حتى سالات عاد دخلات للميساجات وبدات كتكتب وهي كتموت بالضحك وغير كملات سيفطاتوو من بعد دقائق ديال التفكير ....
يـتـبـع .... اش كتبات ياترى 🤔🤔 فنظركم فاتي كتبغي ياسين ولا غير إعجاب وغيدوز 🙄😌
Oops! This image does not follow our content guidelines. To continue publishing, please remove it or upload a different image.
