فاتي ناضت جامعة الوقفة وهي فاشلة وكرشها كضرها وقالت : غادي نمشي على رجلي المعدة ضاراني مافيا اختي ما يعاود يمخضني شيء طاكسي
مريم ناضت حتى هي وشافت فوجهها وقالت : مالك فعينيك واش كنتي كتبكي اساطة
فاتي حركات راسها بلا وقالت : لا غير دخلات ليا الغبرة لتما وبقيت كنحك فيها حتى ولات هاكا
مريم تيقاتها وزادت هازة ساكها وغادة كتهضر وفاتي شادة ليها فذراعها وساكتة كتصنت لعظامها حتى خرجوو من الكلية وهي تلمح مريم الدراري جايين ودغيا ضورات وجهها لعند فاتي وقالت : تقادي تقادي رآه تياتز جايين
فاتي بلامبالاة قالت : واش أنا معدتي كتقطع ونتي بالك غير مع تيتيز باااز اختي بااز
بقات فاتي مهبطة راسها للأرض باش متشوفش فيه وتبقا حاضياه بينما ياسين شاف فيها بنص عين وضور وجهوو لعند مريم وقال : واش باقين كيتسجلوو اختي
مريم هزات راسها والقلوبة ايخرجوو من عينيها وقالت بابتسامة : اه باقين فاتي جمعات يديها على شكل بوكس وزادت قدام مريم ماحاملاش توقف وشاداها البكية ومعارفاش علاش أصلا هاد الأيام ولات على سبة واي حاجة كتبكيها ... شوية لحقات عليها مريم وحتى هي فهمات راسها ومهضراتش فالموضوع نهائيا ...
صدفة غريبة لي تجمعك بشخص مكتعرفيهش ويعجبك من أول لقاء وتعاود تشوفيه فنفس النهار هادشي كولو دخل شك لفاتي واش هادشي زعما غير صدفة عادية ولا الموضوع فيه إن ؟؟؟ وحتى لو كانت صدفة واش حتى هي عجباتوو كيف عجبها ولا لا ؟؟ والأهم من هادشي كولو الا كانت صاحبتها حتى هي كيعجبها واش تقدر تخلي أحاسيسها مدفونة فالداخل ديالها وماتعاودها لحد ولا تصارحها وتقول لي كاين ؟؟؟
يتـبـع ... اش بان ليكم فهاد القضية 🤔
Oops! This image does not follow our content guidelines. To continue publishing, please remove it or upload a different image.
