في شوفتك سالت دموع العين من فرحها

« 44 »

صدت ليالي وعابسها وجهها و وجهها تملي دموع , ونطق زياد : لولا الدين والعادلات لـ اخمك ولا علي من احد ! مير انه حرام ! و وقفتي قدامك ماهي من علومنا !
انخرشت ليالي من زياد وصدت وجهها وبدت ترجف من الخوف  ونطقت : وش تتكلم عنه ؟ وش تقصد بكلامك قبل شوي ؟
عقد زياد حاجبه وكان متوقع انها تعرف وحس انها ماتعرف عن الخطبه وكل هذا لعب من وراهم ولا لها اي علاقه ونطق بـ صدمه : ماتعرفين؟؟؟
عقدت ليالي حاجبه : عن ايش ؟؟؟؟
ورفعت ليالي حاجبه بـ صدمه وتاكدت ان سلمان صادق وهزت راسها بـ النفي , واستوعب زياد كل شيء وليالي ماتعرف عنها , وزفر بـ غضب : انسي كل شيء واعتذر على تصرفي !!
ليالي : افتح الباب !
ابتعد زياد عن ليالي وفتح الباب وطلع بـ سرعه , وجلس على احد الكراسي وشاف ليالي طلعت تركض من دورة المياة , وتبين ان الرفض مو من ليالي وانه من خوالها , وحس بـ شعور حلو حس ان في امل بما ان ليالي عرفت عن الي مخبينه عنها , وعارف ان وقته مو صح لكن مافي امل يقابل ليالي ابدًا ومافي غير المره ذي , واستغلها زياد , واخذ دقايق ثم التفت على صوت سعود و وقف وشاف اخوان الجد ناصر , والكل متوتر ومنرعب ومن صوت الممرضه كان سعود متاكد ان ابوه صار فيه شيء ونطق : زياددد زياد  ابويي ابوي ؟؟
ابتسم زياد ونطق : الحمد لله صحى وعنده البنت !
تغيرت ملامح الكل وبانت الفرحه على وجيهم كلهم وركض سعود وخلفه العيال متوجهين لـ العنايه , ودخلوا وشافوا ليالي موقفه بـعيد عن الجد ناصر وتناظر وتبكي , وبسرعه حضنها سعود ولفها عن العيال , وتقدم فالح ومسعود لـ ناصر ويكلمونه والجد ناصر على تعبه الا كان يرد عليهم , وماينكر حزنه على ليالي وحز بخاطره بعدها عنه وماجته اول وحده , وطلعوه من العنايه لـ التنويم , وكل يوم والزوار يملون غرفته وابدًا ماتفضى , واضطروا يقعدون اسبوع بـ المستشفى ثم طلع الجد ناصر , لـ بيته ومكانه الي متعود عليه , ومع دخوله من باب الحوش , ابتسم ابتسامه عريضه ويناظر استقبال عياله واخوانه ! وكانوا الحريم كلهم واقفات ينتظرون الجد ناصر ومنهم ليالي الي كانت بعيده عنهم , وهي حلفت ماتدخل البيت ذي مره ثانيه لكن دخلوها خوالها بالغصب , وفجاه بدون سابق انذار خطر على بالها زياد , ورجعت تتذكر كلامه وماتعرف وش توصفه وحرفيًا زياد بدا يسيطر على تفكير ليالي , لكن سرعان ماحاولت تشيل الافكار من راسها , وناظرتهم يـ رقصون ويضحكون وليالي قلبها نار , وبخاطرها كلام كثير وعتاب لكن مافي احد تتكلم له وتقوله , وتبي تروح الرياض باسرع وقت ولا تقعد بالديره , وتقدمت رغد لـ ليالي و وقفت جنبها , ونطقت : ليالي بقولج سر
لفت ليالي وجهها على رغد وضحكت بـ اسغراب : قولي اسمعك هههههههه
تكتفت رغد وتناظر الاستقبال وتشوف فرحه سلمان ونطقت : انا احبج وايد !!
ابتسمت ليالي ابتسامه عريضه من سمعت كلمة « احبج » وكانت غير غير مره وماكانها كلمه عاديه ونطقت : واهه ياكثر الحب يارغد !!
ناظرتها رغد بـ ابتسامه: احبج وايد من محبه سلمان لج انا وايددددد احب سلمان  لو يبيني اعطيه عمري وكل حياتي عطيته واحب كل شئ يحبه واكره كل شئ يضايقه او يأذيه او اي يشئ يكره وراضيه مثل هل عيوز الي اطرتني  و رديت مع سلمان ولا خليته بروحه لانه ادري ان محتاجني ويبيني يمه وانا كلي فدا  وابي تكونين قويه ولاتهتمين حق كلامهم ولانه كلامهم مايودي وييب شئ واستانسي واهم شئ بهل دنيا شهاتج!!
ابتسمت ليالي ووفتحت ذراعها وتقدمت تحضن رغد , وحضنتها لـ وقت طويل , واستوقفها الضرب الخفيف الي على كتفها ولفت وشافت سلمان وعابس وجهه ونطق : وش تسوين انتي ؟ ذي مرتي ابعدي !
ناظرته ليالي وضحكت بـ صدمه وحاولت تعانده وحضنت رغد من كتفها : اقول دزها ذي خويتي من اليوم ورايح !
رفع سلمان حاجبه وتقدم وسحب رغد : دزيها دزيها !!
التفت رغد على ليالي ولوحت بيدها تودع ليالي ونطقت : والله حبي بروح ويا ريلي !
ضحكت ليالي ونطقت : يالغدره !!!
ضحك سلمان وسحب رغد وراحوا وبقت ليالي لوحدها , وابتسمت بـحب و تشكر ربها على رغد لانها علاج لـ سلمان , ثم دخلت لـ قسم النساء , لان بدا الكل يدخل ودخلوا الجد ناصر المجلس , وبعد ساعه بالضبط امتلى المجلس بالرجال الي يعزون الجد ناصر , وكانوا اخوان ناصر مسوينها سلامه لـ اخوهم , وبدا الدور بالضيافات , وكل يوم رجال يضيفون الجد ناصر , وتكون بـ بيته , وكل يوم على هالحاله ومر اسبوع ثالث , « وفي فجر يوم الاربعاء »
كانت ليالي تستجمع قواها وتكلم الجد ناصر , لكن بكل مره تفشل , وبعد صلاة الفجر , دعت من كل قلبها ان يلين قلبها ولا يطول الزعل , وبعد انتهاءها , طلعت من غرفتها متوجه لـ المطبخ , و وقفت من سمعت صوت يقارب لـ الهمس : علمني مسفر يقول ان عمي ناصر كل يوم كل يوم يكلم العيال يكلمون ليالي تجيه وهي من الدلع اسكبرت على جدها الي لولا الله ثم هو كان الحين ميته مع امها !
انصدمت ليالي من الكلام الي تسمعه وامتلت عيونها دموع , وطلعت بـ سرعه من القسم , وكانت بتروح لـ غرفتها لكن بغت تعكس كلامها وعدلت شرشفها وحطته على راسها , وطلعت لـ قسم الرجال , وتاكدت من عدم وجود احد , ودخلت المجلس بـ خفه وشافت الجد ناصر , جالس ومنزل راسها ويناظر شيء بـ يده ونزلت نظرها على يده وانصدمت من شافت صورتها وهي صغيره , بين يدينها , ورفع طرف شماغه ومسح دمعته , ونزلها بـ سرعه وخباها تحت المركه من حس بـ شخص جاي لـ جهته , والتفت ليالي على سعود , واشرت له يرجع , و وقف سعود بـ مكانه وعقد حاجبه بـ اسغراب وهمس : وش ؟؟
ماتكلمت ليالي وناظرت سعود بـ حزن وتوقع سعود انها طلعت كل الي براسها وبترجع لـ ابوه , واشر لها تدخل , ودخلت ليالي وهي ترجف , وتنحنحت تنبه الجد ناصر , ورفع الجد ناصر راسه وفتح عيونه بـ قوه من شاف ليالي وانصدم من وجودها , وكان شايل من راسها انها بترجع له , وبكت ليالي وتوجهت بـ سرعه لـ الجد ناصر وحضنته بـ قوه , وبكي الجد ناصر وهو يحضنها ويمسح على راسها ونطق بـ حزن : طلبتك يابنتي سامحيني طلبتك لا تخلين باقي عمري بدونك ! انا مادري اعيش بكره ولا ، انا سامحت سلمان عشانك ! انتي قلتي لي سامح سلمان ولا تقسى عليه ! انتم عيالي ولا ابيكم تبعدون عني
بكت ليالي وهي حاضنه الجد ناصر , ثم ابتعدت بـ خفه ونطقت : انا مره اسفه ! انا اسفه يابوي ! انا سبب انك تدخل المستشفى انا اسف اني خليتك لوحدك !
مسك الجد ناصر يدها وشد عليها بـ قوه ونطق : الي صار لي ربي كاتبه ! وانتي مالك دخل ! والبنت ماتترك ابوها من اول مره ! ومو تقولين الكل يخطي ؟؟
ناظرت ليالي بـ عيون الجد ناصر وملاحظه حزنه وندمه ونطق : يابنتي انا الي سويته ماينغفر له وانا ابوك ! انا عذبت عيالي كلهم ! من اصغرهم لـ اكبرهم ! اطلب المغفره من ربي ! وارجو منه الرحمه ! ويرحم حالي , ويريحني من الهم الي على قلبي ! ويخليتس دوني !!!
زمت ليالي ثغرها بـ ضيق وتحاول توقف بكيها , ونطقت : انا مراح اتركك وانت ابوي !! ابوي حتا لو اسمي مو جنب اسمك !! ولا اصير اخوان عيالك ! انت ربيتني ! حتا لو اخطيت انا عشت طفوله حلوه بـسببك ! واوعدك ماتركك لوحدك بعدين وبكون دايم موجوده حولك ! يابويي ياحبيبيي
وتقدمت ليالي وقبلت راس الجد ناصر وكانت بتقبل رجوله لكن رفض ونطق : تحبين الكعبه !
وكان سعود واقف عند الباب , ويناظرهم ومنصدم من ابوه وعرف ان ليالي مستحيل احد يجي مثل قلبها , حتا لو قست رجعت له ولا قدرت تبعد زياده , وكملت ليالي تسولف مع الجد ناصر , وتسمع سوالفه وماسكه نفسها ماتبكي لان لها ثلاث اسابيع ماسمعت حسه ولا سوالفه زين , ومشتاقه مره لـ جدها وتتمنى يبقى حولها دايم , ومر اليوم غير على ليالي وكان له شعور غير والفرحه ماليه قلبها وارتاحت من حست بالرضى وحاولت تنسى كل شيء قاله سلمان وتركز على المستقبل وما تتذكر الماضي وتنبش فيه , ويوم الخميس , كانت ليالي تجهز اغراضها بـ يمشون لـ الرياض , وحبت تودع ابوها غير عن الكل وقبل الكل , وطلعت من غرفتها وتوجهت لـ المجلس وشافت عمها مسعود موجود , وتقدمت والقت : سلام عليكم
رفعوا روسهم على صاحبة الصوت وابتسم الجد ناصر : وعليكم السلام
مسعود : وعليكم السلام يابنتي تعالي اجلسي معنا !
ابتسمت ليالي وبالفعل تقدمت وجلست قدامها , ويسالونها وترد عليهم ونطق مسعود : بتمشون اليوم ؟
هزت ليالي راسها بـ الايجاب وكان واضح عليها الحدن ونطقت : بنمشي بعد صلاة الظهر ان شاء الله
حاول الجد ناصر مايبين لهم ونطق : ما شاء الله الله يستر عليكم !
ابتسمت ليالي وتقدمت لـ الجد ناصر , ونطقت : ماابي اروح وللحين بقلبك شيء علي !
الجد ناصر : يابنتي والله مابه شيء انتي روحي وانتبهي لـ دراستك وكل شيء بينحل !!
ليالي : ابوي المستشفى ترا عطوك ادويه كثير تكفى لا تهملها !
ضحك الجد ناصر : ليالي يابنيتي ريحي نفسك !
كانت ليالي عابسه وجهها بـ ضيق , ومسعود مبتسم ويناظر حنية ليالي على ناصر ، ونطق : الله يخليها لك !
التفت ليالي على مسعود بـ اسغراب وفهمت انه يقصدها ونطق الجد ناصر : الله لا يحرمني منها ومن عيالي كلهم !
همست ليالي : اللهم امين !
وكمل يسولف عليها مسعود لين سمعت اصوات العيال انتشرت بالحوش ورفع مسعود صوته : ادخلوا المشب بتطلع البنت !!
ودخلوا العيال وطلعت ليالي تركض لـ قسمها , ودخلت الغرفه ونزلت شرشفها وراحت تكمل باقي اغراضها .
-
« بـ جناح حور وحاتم »
دخل حاتم البيت بعد ماجاء من عند اهله , ودخل الغرفه الموجوده فيها حور ونطق : اخبارك اليوم ؟
كانت حور تناظر السقف بلا هدف وشايله هم كبير بـ قلبها وخوف من الحمل ونطقت بـ كذب : بخير !
ناظرها حاتم بـ دقه ومن نبرة صوتها واضح ان فيها شيء وماقرب منها لانه عارف وش بتسوي ومستغرب كيف للان ماقالت شيء ونطق : انتظري بس فتره ياحور بس فتره ونرجع نفس اول لين تتعدين الثالث وكل شيء بيزين !
بكت حور من سمعت كلام حاتم وهي من تلخبط الهرمونات صارت تبكي وتزعل على اتفه شيء : لي بس شهر ونص واحس بنهاررر !
ضحك حاتم : لسا ماشفتي شيء ! انتي اصبري بس !!
رفع حور راسها بـ صدمه لـ حاتم وصرخت : حاتمم !! يعني حالف تكدر علي ؟
ابتسم حاتم بـ حب : افا هههههههه
ماردت حور وجد زعلت من حاتم وهو ما استغرب زعلانها الي بدون سبب , ونطق : اكلتي الحبوب الي عطيتك اياها ؟
عقدت حور حاجبه ماتعرف اي حبوب يقصد , وتذكرتها وهي من بعد مااكلتها وهي صايره اشوا من قبل وارتاحت من الاستفراغ المستمر ونطقت : ايوه !
حاتم : لا تتركينها لانها بتساعدك مره ! وانا كمان بكون معك على ان للحين مستغرب كيف ما هبدتيني بشيء لكن
كانت حور منسدحه على ظهرها و جلست والتفت تدور شيء ترميه على حاتم , وضحك حاتم وماحسب الشيء الي رمته حور عليه وانخرش مره وطلع يركض , وصرخت حور : حاتم لا اشوفككك !!!
ضحك حاتم وطلع من البيت ومايقدر يعاندها لانه بياثر عليها وحب مايزيد عليها .
-
«تسريع بالاحداث »
يوم الخميس مشوا سعود وليالي وترف فقط لـ الرياض وبقت ريتال مع امها بالديره , وكانت ليالي تودع الجد ناصر وهي ماسكه نفسها ماتبكي وركبت السياره وركب سعود وترف وطلعوا مع الباب وصار بينهم وبين بيت جدهم حاجز وانفجرت ليالي تبكي وانصدم سعود من بكت ليالي , والتفت عليها بـ صدمه : ليالي ؟؟ بسم الله عليك شفيككك ؟؟
ماعرفت ليالي وش تقول وهي حرفيًا تمر بـ فتره مايعلم فيها غير الله ونطقت بـ صوت عالي ورفعت يدها تسكتهم : لا احد يسالني وش فيني !!! لاني انا بكبري ماعرف !!
وسكت سعود وكمل يمشي بـ طريقه وليالي تناظر مع الشباك وتحاول توقف بكي لكن كل مالها تزيد ولا واحد منهم يقدر يتقدم ويسالها , وكان الطريق طويل طويل بـ شكل وثقيل على الكل , لكن مضطرين يرجعون عشان جامعتهم ولا يلقمون حرامًا وشغل سعود الي تركه عند راكان ومتاكد انه جايب العيد بالمطعم , وبعد حوالي 7 ساعات وصلوا الرياض , ودخلوا لـ بيتهم بعد اسابيع طويله ومتعبه على الجميع , والكل توجه لـ غرفته يدور فراشه ينام , الا ليالي الي ماقدرت تنام واكلها التفكير ووالارق , وحلمهاا انها تقوم وتشوف كل شيء حلم وامها للان معها ولا طلع بحياتها زياد , وتعيش على وهم حب ابوها لها , لكن الي يحدث معها هو الحقيقه ولا مفر منه , وبعد مده طويله اسطاعت ليالي النوم بعد معاناه , ومر يومين وكان طويل عليهم وبدوا يجهزون لـ يوم الاحد , ويدا دوامهم من جديد , ومر الاحد والاثنين والثلاثاء وكل يوم يمر نفس الروتين , وينتظرون يوم الخميس عشان يرجعون الديره , وهكذا مر شهر وهم كل ويكند يروحون الديره ومن فرحتهم ما يشعرون بـ طول الطريق عكس الرجوع الي يكون اصعب من القدوم , وتغيرت معاملة الجد مع سلمان ورغد وبدا يتقبل رغد من طيبتها وحنيتها واسلوبها المعسول , عكس الجده فاطمه الي بدت تحارب رغد , وتكرها بـ عيشتها لكن رغد من شدة حبها لـ سلمان تنعمي عن كل الي تواجهه من سوء , وتبحث عن الشيء الحسن ,  وارجوان الي ارتاحت من غثاء مشاري وخوفها منه بعد مااختفى تمامًا عن الانظار ولا احد يطري اسمه , وصار همها دراستها وتجيب معدل ممتاز , وكل يوم تتحمل كلام امها وتحاول ماتعق فيها ابدًا وتغيرت علاقتها مع ابوها محمد مره وصارت افضل , وبدت تروح مع ابوها ويوصلها الجامعه وماتنكر ان يومها يتغير فقط من سماع وصاية ابوها ، ويتغير للافضل , وحور وحاتم الي بدت حور ترجع تفس اول ويخف الوحام معها ومر على حملها ثلاث شهور وبقي شهر ويتبين جنس الجنين , والكل متحمس لـ طفلهم الي تعلقوا فيه وهو للان ماجاء على الدنيا , وسعود كان يحاول يشغل نفسه بـ امور المطعم ويوزن بين شغله الاساسي والتجاره , ويبعد طاري ارجوان من راسه لان الزعل بين اهاليهم طول ولا في امل يتصالحون , والشوق ملا قلبه من تذكر عيونها السود الي اخذت قلبه , ونزل نظره على الاوراق الي بيده وابتسم من لمح حرفها وضحك من تذكر ايام مراهقته واحرف الاشخاص المجهولين الي يثير الشك من خلال هالاحرف , وترك الورقه على الطاوله والتفت على صوت راكان : سعود تعال خل نجلس بقولك شيء
استغرب سعود طلب راكان وحس بـ حدوث شيء ولبى طلب راكان و توجه خلفه , وجلس على الكنب , وطلب راكان شاي , وبعد ما قدموا الشاي , بدا راكان يفتح الموضوع الي قد استغرق منه وقت وتفكير لـ الوصول لـ النتيجه , ونطق بـ ضيق : والله ياسعود انا بنفصل من المطعم ! وببيع الجزء الي لي من المطعم !
تفاجأ سعود ولا توقع لو واحد بالميه ان طلب راكان الانفصال , وعقد حاجبه بـ ضيق : افا ياراكان ليه ؟ ماشين وامورنا زينه علامك ؟
اخذ راكان نفس ونزل نظره على الطاوله : انا بسافر ولعاد برجع الرياض واهلي ماهم بالسعوديه ! وانا لازم اروح هناك عشان علاج امي ! ومدري متى نرجع !
تفهم سعود سبب انفصال راكان لكن حس بـ حزن : الله يشفيها ويقومها بالسلامه وتقر عيونكم بـ شوفتها !
راكان بـ ابتسامه : اللهم امين !
سعود : اجل بجهز كل شيء ونتقابل بـ بيتي اذا خلصت ! ونسوي عشاء بيننا وداعيه !
ضحك راكان بـ غصه و وقف و وقف سعود معه وحضنه بـ قوه , وضربه سعود بـ خفه على كتفه : لا تنسانا !
راكان ضاحكًا : ابشر !
وابتعد سعود عن راكان وكمل يسولف معه ثم تفرقوا والكل طلع من المطعم , وتوجه سعود لـ سيارته , وركبها , وشغلها بـ يروح لـ بيته , و كان بـ يشغل المكيف , وشاف المسجل , وشغله وحط اغنيه توصف شعوره دائمًا , واشتغلت كلمات اغنيه الذاهبه , وصار سعود يردد مع الكلمات بـ غصه وحزن , ورجع البيت وهو مافيه قطرة دم , والتعب ملي وجهه وسعود وليالي الفتره الاخيره تغيروا بالحيل , وصاروا يمرون بـ اشياء وامور مايعلم فيها غير الله ولا واحد منهم يفصح عن الي بداخله , ودخل البيت , والهدوء كان عارم , وتوجه لـ غرفته بـ سرعه وارتمى على سريره مبتعد عن العالم , وغرق بالنوم .
-
« وبعد اسبوع »
خلص سعود كل اوراق راكان , ونقل حصة راكان لـ سعود وسعود اشتراها من راكان , وصار المطعم اكمله بـ اسمه , ومن الاساس كان هذا هدف سعود لكن بعد حدوثه لم يعجب بـ الامور وكان محتاج شخص يساعده فعلًا , على ان راكان بدال مايساعده ينكبه لكن يقدر يساعده بـ اشياء بسيطه , وبعد النقل قرر سعود ان يجيه راكان لـ بيته , و مارفض راكان طلب سعود .
« وبعد المغرب بـ بيت سعود »
رجعوا البنات من عند ام ريتال , وماحد يعرف عن عزيمه سعود , ودخلت بـ سرعه ترف لـ غرفتها , وتوجهت ليالي لـ غرفتها , وكانت تحس بـ ملل بـ شكل كبير , وقررت تنظف البيت وخصوصًا قسم الرجال , لان قسم الرجال مهجور ومايجونه كثير , واخذت المنظفات , ونزلت لـ قسم الرجال , ودخلت وفتحت الباب , والشبابيك , وبدت تغسل البلاط و تسحب المويه لـ دورة المياه وغسلت المغسله , ثم بدت تغسل الحمام وكانت تستمتع بالتنظيف جدًا .
« خارج بيت سعود »
وقف راكان سيارته عند باب بيت سعود , وعقد حاجبه بـ اسغراب من عدم وجود سيارة سعود  وطلع جواله واتصل على سعود ورد سعود : هلا راكان
راكان : سعود وينك انا عند البيت
كان سعود يجهل وجود البنات بـ البيت ومتوقع انهم للان عند اخته ونطق : اسمع ادخل انت البيت مافيه احد وانا جايك بس بخلص لي شغله !
راكان : انتظرك !
ونزل راكان ودخل البيت ومتاكد ان البيت مافيه احد , وشاف الباب مفتوح ولا استغرب توقع ان سعود تركه مفتوح ولا قفله لانه عارف انه بينشغل , ودخل البيت وعقد حاجبه بـ اسغراب من سمع صوت , وشك ان في شخص دخل البيت مثل حرامي بما ان سعود اكد عليه عدم وجود احد , وركض لـ مكان الصوت , وشهقت ليالي من شافت الشخص الي يركض لـ جهتها وصرخت , وتفاجأ راكان وانصدم من شاف البنت , وداخ من دقق النظر فيها , وللاسف كان راكان يناظرها بعين زايغه , والطمع شين , ولسوء الحظ , ان عند و قوف سيارة راكان كان زياد خلفه بـ الضبط , ودخل البيت وسمع صوت صراخ , واستغرب الصوت وشاف ظل شخص وكان راكان , وتوجه بـ سرعه لـ السيب , وفتح عيونه بـ قوه من شاف راكان واقف وليالي قدامه بـ الضبط , و من الغضب , تقدم زياد بـ سرعه وحط يده على عنق راكان وثبته بـ الجدار , وصرخ راكان بـ خوف : سعود !!!
تقدمت ليالي بـ سرعه تبعد زياد عن راكان : زياد زيادد تكفى اتركهه !!!
ثبته زياد بـ قوه على الجدار واوجعه مره ونطق زياد بغضب : من انت ؟؟
كان راكان مثبت خده على الجدار : ابك انا راكانن !!
انتبه زياد على عيون راكان وكان نظره على ليالي , وسحبها بـ يده وصارت خلفه , و منفجعه ليالي من قرب زياد , وتبي تهرب وخايفه زياد يسوي شيء لـ راكان وضربه زياد على ظهره : راكان ؟ وش جايبك بيت سعود ؟ وين سعود ؟؟؟
كح راكان من قوة الضربه ونطق بـ صوت مبحوح : يابن الناس والله ان سعود قايل لي ادخل ! وتنا دخلت وسمعت صوت ورحت اشوف مكان الصوت ! وانت وش دخلك البيت اصلًا ؟؟
عقد زياد حاجبه بـ اسغراب , ويبعد يد ليالي وهي تحاول تبعد زياد من راكان , ودفه زياد بـ قوه على الارض ونطق : اطلع
قام راكان من كان على الارض وطلع بـ سرعه من البيت , وشاف سعود نازل وابتسم سعود : راكان علامك طلعت !؟
مارد راكان على سعود وحس بالفشيله لانه ناظر البنت بنظره ماهي زينه , ولو ماوقفه زياد كان حدث شيء اقوى , وطلع متوجه لـ سياره وانصدم سعود من تصرف راكان , وشاف سيارة زياد , وحس ان في شيء , ودخل يركض لـ البيت , والصدمه من شاف زياد وليالي وصرخ بـ عضب : ليالي !!؟؟؟؟؟
التفت زياد على سعود ورفع بده بـ سرعه يحمي ليالي وعارف ان سعود بيسوء الظن , وتقدم سعود بـ سرعه وبغضب ورفع اصبعه ياشر على زياد : وش تسوي هنا ؟؟؟؟؟؟؟
كان زياد للان رافع يده ومتخبيه ليالي خلفه وميته من الخوف , ونطق زياد : اسمع وافهم قبل تجيب لك كلام من راسك !
عقد سعود حاجبه وتقدم بـ سرعه يسحب ليالي وقاطعه زياد ونطق : اتركها ! حرام ان تقعد عند واحد مثلك ! يقلط الرجال على بنته !
فتح سعود عيونه بـ صدمه من كلام زياد , وتو يستوعب رفض راكان لـ الكلام معه ونطق : زياد ؟؟؟؟
تقدم زياد ورفع اصبعه يـ هدد سعود : انتبه لـ البنات الي معك ! ولا ياسعود ان يصير علم ثاني !
غضب سعود من زياد , وكلامه لـه ويبين ان سعود مو قد المسئوليه , وتقدم بسرعه وسحب ليالي ورفع شماغه الي على راسه وحطه على شعرها واكتافها , ودخلت بـ سرعه تركض , وتوجهت لـ غرفتها وقفلت الباب وخايفه يجيها سعود ويقول شيء , ومن دخلت وهي متوتره تنتظر بس متى يي سعود ويدق الباب عليها , اما سعود الي تهاوش مع زياد وكبرت المشكله بينهم , و غلط سعود على زياد , وهذا خطأ كبير بـ حق زياد , واشتد الحديث بينهم ثم طلع زياد من البيت , و ياخذ نفس بـ سرعه وبشكل كبير وتوجه لـ سيارته , وحرفيًا انفجر من شاف راكان مقترب من ليالي وكان محاصرها بـ سبب ضيق المكان , وضرب بيده على الدركسون بـ غضب , من تذكر نظره راكان لـ ليالي ونطق بـ غضب : والله ماخليك تقعدين عند سعود زياده ! حتا لو ارجع اخطبك مليون مره وانرفض مليون مره !!!
ومشي زياد متوجه لـ بيته ونسى السبب الاساسي لـ جيته إلى بيت سعود .
-
« بـ غرفة ليالي »
ماقدرت ليالي تذوق طعم النوم وزاد توترها من اختفى سعود ولا جاها , و وقفت ومشت بـ خفه وفتحت الباب على الخفيف , وصارت تمشي على روس ارجولها , وطلعت ترف من غرفتها وعقدت حاجبها بـ اسغراب وضحكت : اشبك كذا ؟ هههههههه
التفت ليالي بـ سرعه على ترف وزفرت بـ راحه من شافت ترف , وتقدمت لها وحضنتها بـ قوه , وانفجعت ترف من حضنتها ليالي وتاكدت ان في شيء , ومسحت على راسها ونطقت : ليالي ياعمري فيك شيء ؟
هزت ليالي راسها بـ النفي ونطقت بـ صوت خافت : ممكن انام معك ؟
هزت ترف راسها بـ التاكيد : طبعًا !! هيا تعالي واصلًا وحشتني سهراتنا مع بعض !
ابتسمت ليالي ودخلت ذراعها جوا ذراع ترف ودخلت غرفت ترف , وتقدمت ترف وسندت ظهرها على السرير ، و ليالي سندت راسها على كتف ترف , وحاولت ترف تغير من مودها ونطقت ليالي بـ صوت قريب لـ الهمس : ترف بقولك شيء
ترف : اسمعك !
كانت ليالي حاضنه ترف  ونطقت : توعديني ماتقولين لاحد !؟
ضربتها ترف بـ خفه على راسها : وش ذالكلام ! اكيدد !!!!
تنهدت ليالي ونطقت : انا رحت انظف قسم الرجال ولا كنت عارفه ان بيجي احد وانا انظف دخل علي واحد مااعرفه , وكان غريب مره ونظراته كله على بعض يخرع , والمصيبه يوم دخل زياد , ويتهاوش مع الولد !! وانا احاول ابعده اخاف يسوي شيء وجاء سعود ! وسعود عصب مره !! وتهاوشوا وزياد منقهر لان سعود دخل رجال البيت و...
وقفت ليالي تتكلم وانصدمت ترف وحرفيًا كانت نايمه ولا دوت عن الي صار ونطقت : معليك كل شيء بينحل وانتي مالك دخل اصلًا ! والخطأ على الكل وكلهم مخطين ! وانتي لا تخافين ومعليك بكره نروح مع سواق عشان ننحاش من سعود !
رفعت ليالي كتوفها : ودي اهرب من العالم كله مو بس سعود !
كانت ترف منصته لـ ليالي وهذي اول مره ليالي تتكلمت عن الي بداخلها وليالي طبعها كتومه وماتصرح عن اي شيء , ونطقت : ابي اسافر ابي اطلع من طور الكئابه لاني تعبت ! وتعبت من المصايب الي تجيني فوق بعض !
ترف : تذكرني ان الله اذا احب عبد ابتلاه ! اصبري يمكن اختبار من الله عز وجل لك , ويمكن مخبي لك اشياء بالمستقبل جائزه على صبرك ! صدقيني كل الي تمرين فيه خيره واكيد ربي بيختار الافضل لك ! واحتسبي الاجر !
اخذت ليالي نفس , ثم زفرته بـ بطىء وسكتت ترف من سكوت ليالي , وطولت النظر على ملامح وجهها وكان باين على ملامحها الحزن والضيق والهم , وماتعرف ترف كيف تسعد ليالي لو بـ شيء بسيط , وقبل تنام صارت تتذكر وش تحب ليالي وايش تبغاه وقررت تحيب لها باقة ورد , وليالي الي غرقت بالنوم هاربه من التفكير .
-
« والصباح يوم جديد بـ جامعه البنات الـ****»
خلصت ترف من كلاسها وطلعت متوجه لـ قسم المتواجده فيه ليالي , ودخلت وشافها بـ مكانها المعتاد , لوحدها كـعادتها , وتحدق بمكان مجهول وواضح انها تفكر وغارفه بالتفكير ومضايقها من لمعة عيونها , وزمت ثغزها بـ ضيق , وقاطعها اتصال ورفعت جوالها وردت على الاتصال وكان المندوب حق باقة الورد الي طلبتها لـ ليالي , وطلعت تستلمها , ثم رجعت لـ قسم ليالي , وتوجهت لـها , ونطقت : هذي باقة ورود لـ ليلي ! واتمنى اشوف السعاده على وجهك دائمًا مثلنا بالضبط عند النظر الى الورد يتهلل وجهنا وبالنسبه لي اذا شفت وجهك احس يتهلل وجهي واحس بسعاده !!
وانصدمت ليالي من هدية ترف وتقدمت وحضنتها بـ قوه وحرفيًا ترف قعدت تسعدها بـ الورد , ونطقت : مره مرهه احُبككك !!
ابتسمت ترف ونطقت : والله اني اعشقك كمان !!! انا بجيب القهوه واجيك ثوانيي
ورجعت ترف لـ الخلف ثم التفتت وطلعت من القسم متوجها لـ**** , واخذت ليالي الورده وكانت الابتسامه مرسومه على وجهها , وتعذب القلب , وحضنت الورد وصورت صوره لها وكتبت عليها التاريخ , وتنهدت بـ سعاده وامتلت عيونها دموع بـشكل مفاجئ , وليالي حرفيًا تدور الشيء الي يبكيها , ونزلت الورد ورجعت تناظر الصور ونزلتها ستوري برايفت وعلى رفعة راسها شافت ترف جايه لـ جهتها وحامله كوبين قهوه , ومدتها ترف لـ ليالي بكل حُب وابتسامه عذبه , وكملوا يسولفون وليالي حريصه على كتم اسرارها والهدوء والكلام الموزون وتحسب حساب الكلمه الف مره واكثر , ومتعجبه ترف بـ طبع ليالي ويضايقها احيانا لكن متحمله .
-
« بعد مرور اسبوعين من حدث راكان وزياد »
كلم زياد اهل ليالي وبلغهم بـ جيته , والاغلب عرف وش سبب جيته , والجد  ناصر أخفاه ولا قال لـ احد , وعند وصول زياد وعمه الي حاول يقنعه وتعب باقناعه الي اخذ منه اسبوعين , ونزلوا هالمره بعدد اكبر من اول , وكان زياد وعمه وعيال عمه وخواله وعيالهم , وامتلى مجلس الشيخ ناصر بن فايز ال راجح , وسبب زيارتهم هالمره « خطوبه » وزياد الي الكل يعرف عزة النفس الي فيه قدر يرجع يدق الباب الي انرفض منه مره ثانيه , وانصدموا الاغلبيه , لكن المره هذي عارفين انها بتكون اصعب من المره الاولى , وجابر وقف وصار يقدر يمشي على رجوله من شالوا الجبس , ويمشي بالدله على الرجال , وسلمان الي كان طول الخطبه متواجد وحرص على وجوده بينهم وهو اول شخص بيكون ضد الرفض وبالعكس بيوافق وبيحاول يقنع ليالي , ونفس الشيء نواف , لكن الجد ناصر للان مايعرفون وش قراره , وبعد انتهى الخطبه كان الرضى على اوجه الكل وحس زياد ان المره ذي بتمشي , لكن الي موقفه سعود , وسعود عنيد وبيسوي مشكله , وسرعان ماتجاهل كل هالافكار من قلطوهم على العشاء , وبعد انتهاءهم تفرقوا وبقي فقط القليل , وزفر الجد ناصر بـ شعور غريب : زياد رجال وكفو مير ان ليالي ماضنتي بتوافق ! والمره الاولى رفضنا وانا عارف رد ليالي !
سلمان : يبه خل ليالي علي لكن دقوا على سعود يجون الديره ولا يعرفون ليش جاين !
والتفت الجد ناصر : جابر دق على سعود ومثل ماقال عمك !
هز جابر راسه بـ الايجاب , ثم اشر على خشمه : ابشر على خشمي !
وطلع سلمان من المجلس بعد ماتاكد من قراراتهم , وتوجه لـ غرفته بـ بيت الجد ناصر , وفتح الباب ودخل طرف راسه , وضحك من شاف رغد حاطه قدامها كتاب طبخ وعندهم من سنين ويعرفه زين , ودخل الغرفه ونطق ضاحكًا : وش تسوين ؟
زفرت رغد بـ غضب والتفت لـ سلمان : امك تحدتني اسوي لهم جبسه! لانه ادري اني ماعرف ويقولون عني رفله ؟!!!
ضحك سلمان بـ قوه ومن قالت رفله وتقدم لها وجلس جنبها على السرير , وسحب الكتاب وشافها فاتحه على طريقة مندي ونطق : اسالك بالله ذا صعب ؟
حكت جبينها متورطه ونطقت : تبي الصج؟ اي  صعبه اصراحه انا شعرفني ب العيش و بعدين احط لحم شلون يصير جذي مادري !!
صغر سلمان عيونه وضربها بـ خفه على كتفها : حرمة سلمان حيهه ماهي ميتهه !!
انفجعت رغد وهي مافهمت ايش يقصد : اله الا الله شقاعد تخربط انت انا حيه متى مت ؟!
رفع سلمان اصبعه ياشر عليها : الا والله انك ميته ! نوره تصايح تقول مرتك اذا دزيتها اخذت سنه ! هههههههه
ناظرته رغد بـ استغراب : بسم الله الرحمن الرحيم انا ما مت شفيكم موتوني؟! وشنو  تقول انت ؟؟
سلمان : لازم اسوي لك كورس اعلمك هروج الديره ! ولا بتجيبين العيد
ضحكت رغد :  تصدق يمنا عيايز ويوم شافوني سالوا عمتي وقالت اسمي بس بروحه انقهرت حيل الا تنط وحده وقالت ماشاءالله متزوجه عشان تعرف ان مرتك مزهه !! هههههههه
عبس سلمان وجهه ورفع يده وثبتها على لحيها ونطق : ياشيخه ؟ اشوفك مبسوطه ؟
انهارت رغد تضحك وسلمان كاتم ضحكته وقرب وجهه من وجهها وابتسم : رغّيد !!! فكينا من هالحركات!!!
ابتسمت رغد وكانت مرجعه ظهرها لـ الخلف وثبتت نظرها على سلمان :  ماوقفت شنو بتسوي ؟!!
سلمان : تبين تعرفين ؟؟
رفعت رغد حاجبه : لا تـ..
ابتسم سلمان وقبل طرف ثغرها بـ هدوء و....‼️‼️
-
« يوم الجمعه »
سعود من الحدث الي صار بينه وبين زياد ماقابل ليالي , ومنقهر من كلام زياد , ونزل بـ سرعه وشاف ترف ونطق : ليالي وينها ؟
انخرشت ترف ونطقت : بسم الله الرحمن الرحيم شفيك ؟؟
سعود : بنروح الديره اجهزوا معكن ساعه بس ساعه بروح اصلي الجمعه واجي ثم نمشي !
عبست ترف وجهها وهي اسوا شيء عليها اذا قالوا بنروح الديره ونطقت : طيب
وطلعت فوق لـ ليالي ودخلت وماسكه نفسها ماتبكي : بنروح الديره ياليل صدقق !!
ضحكت ليالي وكانت تنظار بـ شكلها بـ المرايه , وتركزت نظرها على الشامه الي اسفل ثغرها , وتقدمت ترف وعقدت حاجبها : وش تبتسمين له انتي ؟ هههههههه
ضحكت ليالي والتفت على ترف : لا بس اتامل وجهي
ترف : مالومك هذا وانا بنت وخقيت كيف لو زياد !
فتحت ليالي عيونها بـ قوه وضربةت كتف ترف : وجع !
ضحكت ترف وهربت منها ووقفت عند الباب ونطقت : هيا تجهزي بنروح الديره وشعود يقول بس ساعه !!!
زفرت ليالي وهي متضايقه بالحيل وماتبي تروح مع سعود لكن غصب ورجعت نظرها لـ المرايه تتامل وابتسمت ابتسامه عريضه , ورفضعت يدينها وخللته داخل شعرها وحطته على صدرها , وميلت راسها وتناظر بـ المرايه , وعقدت حاجبها من تذكرت كلام سعود : « تشبهين ابوك عبدالله »
وزفرت بـ ملل , وتوجهت لـ الدولاب وسحبت شنطتها , وكان حجمها متوسط, وبدت تفرغ فيه الملابس و وقتهم الان على بداية برد , واخذت معها اشياء تدفي , وطاح نظرها على روجها العنابي , واخذته بدون تردد , وبدت تكمل ترتب شنطتها , واخذت افضل القطع عندها ونفس الشيء مع ترف , ثم طلعوا وصادفت ليالي سعود , وهم طول الاسبوعين ذي ماتكلموا مع بعض وفقط بينهم نظرات , وتنهدت ليالي بقل حيل , وخلت ترف تركب بالمعاون ورجعت هي بالخلف , وكملوا طريقهم لـ الديره .
-
« بـ بيت الجد ناصر »
رجع سلمان من صلاة الجمعه , وعلى طول ركض لـ المطبخ , ويناظرونه مستغربين ركضه وهو نسى باب السياره مفتوح , وضحكت الجده فاطمه وهي عارفه ليه يركض , وناقده عليه بالحيل , ودخلوا العيال والجد ناصر المجلس , وسلمان يركض لـ المطبخ ودخل بـ سرعه وشهق من شاف رغد تبكي وتقدم لها : رغد !! يامي شفيكك !!
التفت رغد عليه واشرت على البصل : عيوني راحت فيها من البصل تحرق
كتم سلمان ضحكته ويحاول يواسيها لا تنفجر عليه : معليك الحين اقطعه انا , وش سويتي ؟
ناظرت رغد المطبخ وحرفيًا عيونها مليانه دموع , وبـ اليالله تشوف , ونطقت ببكى : عطتني الحم تقول انه لحم جمل انا لحم خروف ما مسكته الحين لحم جمل وكل هذا عشان جبسه بس ولا تبي جبسه حمراء عشتوا؟!
تقدم سلمان وشمر كمومه وصار يقطع البصل : بسرعه تعالي خل نخلص لا يذبحنا ابوي !
هزت رغد راسها بـ الايجاب , وتوجهت لـ المغسل , وغسلت عيونها , ولفت لـ سلمان , وسلمان يركض بالمطبخ ويشرح لها كيف تسوي , وتوجه لـ الثلاجه واخذ خضراء وغسلها وحطها قدام رغد : هذي الخضره قطعيها صغار وحطيهم بهالصحن !
اخذت رغد نفس بـ قوه , والتفت لـ السكين وبدت تقطع وحرفيًا وحده وش كبرها ووحده وش صغرها , وخلص سلمان وهي للان تقطع , وتقدم سلمان , ومد يدينه وحطها على يدينها ويشرح لها كيف تقطع , وكان جسده خلف ظهرها , ودخلت الجده فاطمه , وعقدت حاجبها ونطقت بـ غضب : ياوجه الله , خلها تطلع وانت كمل عنها !
التفت سلمان وحت يده وابتسم : اذا الموضوع فيه راحت رغد ! تبشر وعلى خشمي !
انصدمت الجده فاطمه من رد سلمان ونطقت بـ صوت عالي : من متى الرجال يدخل ويطبخ ومرته يمه !! رح واقلط مع الرجال وخل مرتك تسوي الغداء ! لا تددخل بامور حريم !
ضحك سلمان بـ خفه , ومستغرب كيف ربطوا الموضوع: يمه من متى الطبخ لـ الحريم بس الله يهديك ؟
كانت رغد سانده ظهرها على الدولا ومتكتفه , وتناظر سلمان مبتسمه وتسمع رده وساكته عشان سلمان , وضربت الجده فاطمه بعصاتها على الارض بـ غضب : لا تراددني !!! يسلمان من تزوجت وانت منهبل !!
سلمان : والله ياامي تزوجت وشفت الحياه ! لاتلوموني !
ناظرته ناقده عليه وطلعت من المطبخ عارفه ان سلمان مابه طب ,  وراحت لـ الجد ناصر بتقوله , والتفت سلمان على رغد , وضحكت رغد : شنو بتطلع ؟ هههههههه
مارد سلمان وكان مبتسم , وراح يشيك على الاكل , وبعد مده انتهى الغداء , وغرفه سلمان , ورغد فوق راسه , تسمع كلامه وكان يشرح لها كل صغيره وكبيره , و وقف سلمان ورفع ذراعه بـ السماء وغمض عيونه : وانتهينا !!
ضحكت رغد وتقدمت وحضنت سلمان بـ قوه وسندت خدها على صدر سلمان :  فكيت لي ازمه صج انقذتني شكرًا !!
ضحك سلمان وبادلها الحضن : ولو ! هيا خل نغديهم وبعدها يصير خير !
رفعت رغد نظرها لـ سلمان ونطقت : شتقصد فهمني احس بصير مينونه لان مافهمت
ضحك سلمان : مايحتاج اوضح !
ضربته رغد بـ خفه , وابعدت عنه , وسلمان ودا الغداء للمجلس , ونفس الشيء رغد وجوها البنات يساعدونها .
-
« بعد ساعات »
وصلوا سعود والبنات , ونزلت ليالي وخلفها سعود وترف , وتوجهت ليالي لـ المجلس , وشافت خوالها والجد ناصر لوحدهم , ودخلت : سلام عليكم ياخوالي !
تهلل وجه الجد ناصر ونطقت بـ صوت عالي : وعليكم السلام , يامرحبا ببنتي
تقدمت ليالي وقبلت راس الجد ناصر , وتوجهت لـ خوالها وسلمت عليهم , ودخل سعود وترف وسلموا علهم وجلسوا حول بعض , وكان وقت متاخر واغلب البيت نايم , و وقف الجد ناصر بعد ماتاكد من وصول سعود والبنات , ويقدر ينام الان , وتفرق الكل ومتوجهين لـ غرفهم .
-
« السبت , بـ بيت الجد ناصر »
دخل الجد ناصر البيت بعد صلاة الفجر وتوجه لٰ السطح , ودخل وشاف ليالي موجوده , وشرشف الصلاه عليها , وجلس جنبها على الطواليه , وصار يسولف معها وفجاه بدون سابق انذار فتح معها طاري الزواج , والتفت ليالي بـ صدمه على الجد ناصر وهي حرفيًا كانت اذا فتحوا معها اي خطاب تتهاوش معهم لين يرفضون , وقوة شخصيتها وحب الناس لها يساعدها على الرفض وتمشي رايها , ونطق الجد ناصر بعد ماشاف الرفض منها : استخيري ! وانا مراح اردك !
تنهدت ليالي بقل حيل , وقام الجد ناصر من عندها ونزل , تارك ليالي بـ حيره من الامر وخوف من زياد وليالي اكثر وحده تشهد على عصبية زياد , لكن في شيء بداخلها راضي بالعكس ممكن يكون زواجها من زياد يغير اشياء كثير فيها , وهمست : فارق العمر كبير !
و وقفت وكبرت تكبيرة الإحرام وصلت استخارة, وانتهت ونزلت تحت عندهم , ونزلت على صوت صراخ وغضب , وتجمدت بـ مكانها من دخل سعود من باب القسم , واشر بيده يهددها : والله مايتم زواجك من زياد ! وانا حي !!
انفجعت ليالي من كلامه لكن سرعان ماحست بـ غضب الدنيا وصرخت : من انت عشان ترفض ؟؟؟؟ ياسعود لا تتدخل وانت شاهد على كل شيء ! ولك اسبوعينن اسبوعين ماجيت وقلت لي عن الي صار ! وماخليتني ابردد لك ! وبدال ماتساعدني انت ! كنت انت سبب الي صار ! وزياد انا موافقه عليه !!
انفعل سعود وتقدم بـ سرعه متوجه لٰـ ليالي ووقفه سلمان وناظر سعود بـ عيون سلمان بـ غضب : انا ماابي زياد يتزوج ليالي مابييي !!! ولا راح تتزوجه !!!
دفه سلمان من صدره بـ غضب : احنا يوم قلنا لك مو يعني نطلب رايك ! وننتظر توافق ولا ترفض ! احنا قلنا لك نبلغك عن زواجهم !! وليالي بتتزوج زياد دامها موافقه !!!
كان سعود بـ يتكلم والتف الكل حول الصوت , وكان صوت ضرب عصا الجد ناصر على الارض بـ قوه , وصرخ : سعود !!!
عدل سعود وقفته وناظر الجد ناصر , ونطق الجد ناصر : ولا ابن امه يقرب لـ ليالي وانا حي ! فاهممم !!
وتكتفت ليالي تناظرهم مبتسمه , وصرخ الجد ناصر على الكل وتفرقوا وبقي ليالي وسعود والجد ناصر , ولف الجد ناصر وطلع من القسم بعد مانادا سعود يلحقه ، وابتسمت ليالي : شنو صار ياحبي ؟؟؟ هههههههه
سعود : ليالي اهجدي !!
ليالي : انا اهجد !؟ اصحى اصحى على حالك قبل تنتهي !
ودخلت ليالي البيت وطلع سعود لـ الجد ناصر واكل محاضره وش طولها وهواش وصرخ الجد ناصر : انت علامك ؟ وش جايك ؟ مانت بولدي سعود الي اخبره ! نذر ياسعود ان ماتعدلت ان اعدلك انا بنفسي واخليك تعتدل نفس العربان !
هز سعود راسه بالايجاب , وطلع بعد ماانتهى الجد ناصر من كلامه , وطلع وجلس على عتبة الباب , ورفع نظره على بيت ابو طلال , وهمس :حسبي الله على من فرقني عنك !
ونزل راسه على الارض , وغرق بـ التفكير , و مايقدر يقول شيء وهم مو معترفين فيه اصلًا وقرر يسكت ويمشي الايام ويحاول يصلح بين ابوه وابو طلال , لكن موقفه شيء واحد انه مايعرف مكان ارجوان .
-
« بعد اربع ايام »
دخل زياد المقلط وشاف خالته نوف , وقدامها كتب وضحك من جته فرح تركض ونطقت : تكفى يزياد طلعنييي انقذني من المذاكره !!!!
رفع زياد كفه لـ نوف : طلبتك ياخاله بسرق فرح شوي !
لفت نوف وجهه تدور فنجالها واخذته تشرب : انقلعوا والله معاد اذاكر لك ! عندك زياد متخرج من الجامعه هندسه يفهم اكثر مني !
رفع زياد حاجبه يبي يرفع ضغطها : وخالتي متخرجه بشهادة رياضيات ولا انا مااعرف ؟
ضحكت نوف ونطقت : تعرف تعرف يامهندس ضابط !
ابتسم زياد وطلع وماسك يد فرح , وركبت فرح وقفل زياد الباب , وتوجه لـ باب السايق , وركب ومتوهق مايعرف وين يودي فرح بديرتهم الي حتا بقاله مافيه , ومايعرف لها غير نادر , ورفع جواله بيدق على نادر لكن سرعان ماعقد حاجبه من اتصال عبيد ولد عمه فهيد , وزفر بـ ضيق من توقع ان الرد وصل , وفتح المكالمه بـ ثقل وضيق ونطق : وعليكم السلام , الحمد لله بخير , لا والله ماني بالبيت طالع مودي اختي .... وش ؟؟؟ ... الحمد لله اكيد انها خيره يابو فهيد .... ابشر
ومسح زياد وجهه بـ ضيق وحرفيًا حس بضيقه قويه بـ صدره وكان متوقع انهم يرفضون لكن بعد الخطبه شال فكره الرفض , لكن الصدمه من رفضوه , ونطق زياد : مع السلامه وسلمـ.....
وسرعان ماصرخ زياد بـ فرح وعدم تصديق: اسالكككك بالله !!!
ضحك عبيد : يرجال قلت بلعب عليك من شفتك ميت على هالزواج ! هههههههه
ابتسم زياد : اقسم بالله انك لعبت فيني لعب !
ضحك عبيد  : بيكلمهم ابوي وبيتفقون على يوم الملكه وبتفتك من العزوبيه وبنرتاح احنا بعد !
ضحك زياد وقفل من عبيد , والتفت على فرح وشافها مصدومه , ونطق بـ سعاده : فرححح !!! ليالي وافقتت وافقتتتت !!!
فتحت فرح عيونها بـ صدمه ونطقت : وافقت ؟ بتتزوج ليالي ؟؟
هز زياد راسه بـ الايجاب , وفزت فرح وحضنت زياد : والله والله !! ليالي بتصير حرمتكك !! بيجي عندي اختت !!!!
ضحك زياد : ايه ايه !
ورجعت فرح مكانها , وشغل زياد السياره بعد ماوفقها , والسعاده ملت قلوبهم ونسى زياد نادر , وشغلت فرح شيله وترقص , وضحك زياد ويشهد على سعادة فرح : ارقصيي ارقصي ياخت زياد , يحق لك ترقصين وتلعبين بشعرك دامك اخت اللواء زياد!!
وقفت فرح ونطقت بـ فخر : معليش ! اخت المهندس ضابط زياد !
ضحك زياد , ويصفق لـ فرح ويشجعها , ورجعوا لـ البيت , ونزلوا وفرح على ان الشيلة وقفت الا الدقه للحين براسها , ودخلت البيت ووقف نادر من شاف فرح تدق رقبتها , وصار يقلدها ومايدري وش السالفه ونطق : عاشت فريححح !
ضحكت فرح وتوجهت لـ نادر وحضنته , وتوجه زياد لـ خالته نوف , وقبل راسها : ابشرك !
رفعت نوف راسها بـ صدمه وشهقت من عرفت انه يقصد الرد, والتفت نادر على امه وعقد حاجبه : يمه علامكك شسالفه !!
سحبت فرح يد نادر ونطقت: زياد بيتزوج !!
نزل نادر نظره على فرح بـ صدمه ونطق : ها ؟ كيف
ضحكت فرح ونطقت : دق عبيد على زياد وقال له انهم وافقوااا
توجه نادر لـ زياد وحضنه بـ سرعه : مبروككك مبروككككك
زياد : الله يبارك فيك
وصارو يباركون لـ زياد وطلع عبدالرحمن من غرفته مستغرب اصواتهم وهم قوموه من النوم من الازعاج : لا اله الا الله علامكم انتم ؟
نادر بـ سعاده : اخوككك بيتزوججج !!
فتح عبدالرحمن عيونه بـ صدمه , والتفت على زياد ونطق : تكذبون ؟
ضحك زياد : لونه كذب ماكنت عندك الحين !
وتقدم عبدالرحمن وصار يبارك لـ اخوه , والفرحه غمرت جلستهم .
-
« بـ الرياض »
الساعه 8 الليل , نزلت ارجوان بـ خفه بتطلع لـ ميار , وفتحت عيونها بـ قوه من شافت مشاري واقف وغطت فمها بـ قوه تكتم شهقتها , وشوي وتبكي وهي ارتاحت منه فوق 3 شهور , والان يرجع وتتمنى يصير شيء ويرجع يختفي نفس اول , وتذكرت الباب الخلفي , وتوجهت لـه وتحاول ماتطلع صوت , وقدرت تطلع بدون مايشوفها احد وركبت بسرعه مع ميار وبكت : مشاري مشاري رجعع !!
شهقت ميار : احلفي!!!!
سندت ارجوان ظهرها على المرتبه : والله !! احس بصيحح !!
عبست ميار وجهها بـ ضيق ونطقت : معليك منه انتي قلتي ابوك وافق تجين عندي صح ؟
هزت ارجوان راسها : ايوه وافق قال لين تخلصين اختبارات عشان نذاكر مع بعض !
ميار ي: نزيد يومين ونفلها !!! وانسي مشاري واذا سوا شيء قولي لـ ابوك
ضحكت ارجوان : تتوقعين سهل اقول لـ ابوي ؟
رفعت ميار كتوفها : ماعرف ! لكن معليك بيتغير كل شيء !
تنهدت ارجوان : ان شاء الله
واخذوا عشاء وراحوا بيت ميار يذاكرون ,
ومر وقت وصار الوقت 12 الليل , والبنات يذاكرون عشان اختبارهم بكره , و وقفوا مذاكره من دق الجرس , والتفت ارجوان على ميار بـ خوف : ميار !!
عقدت ميار حاجبها ورفعت جوالها وشافت الساعه 12 وانصدمت من الي بيجي هالوقت : الساعه 12 !!!
ارجوان : من بيجي هالوقت ؟ في احد قالك بيجي !!
هزت ميار راسها لـ النفي : لا يابنت محد قالي ولا عندي احد بالرياض يقرب لي !
وقفت ارجوان ووقفت معها ميار , ونزلوا لـ الدور الاول , وارجوان ترجف خايفه , وميار متوتره , ووصلت لـ الباب وفتحته وطلعت لـ الحوش , ونطقت : من ؟
سمع صوت بنت وماعرفه , لكن تذكر ميار وعبس وجهه ونطق : في طلب باسم ارجوان محمد
التفت ميار على ارجوان وارجوان تهز راسها بـ النفي وهمست : كذبب كذب !!
بلعت ميار ريقها بـ قلق ونطقت : رجع الطلب ماهوب لنا !
مشاري بـ غضب : افتحي الباب !!! لا افتحه انا بنفسي !!!
فتحت ارجوان عيونها بـ قوه من عرفت الصوت ونطقت : مشاري !!! مشاري !!!
سكتتها ميار وسحبتها ودخلت البيت , وهي تو تتذكر الكاميره وتاكدوا البنات من شافوا مشاري وهمست ارجوان : ميار وش نسوي ؟
ابتسمت ميار من خطر على بالها فكره ودخلت الصاله بـ سرعه ودقت على الشرطه وصارت تبكي : ياخوي في واحد عند الباب يهددنا ! .... عند***** تكفى لاتطولون انا وصاحبتي لوحدنا !
وقفلت ونزلت الجوال ومسحت دموعها وطلعت لـ الحوش ونطقت : مشاري !! يابن ^^^ وش جايبك ؟؟
ضحك مشاري وعرف انهم عرفوا : طلعتي ذكيه يالـ^^^
عبست ميار وجهه ونطقت : استح على وجهكك وش ذا كبرك وتلاحق البنات !!
وسكت مشاري , وضحكت ميار : اشبك سكتت ؟؟ ايه صح لان كلامي فعلًا !!
مشاري بـ غضب دف الباب يحاول يفتحه : افتحي الباب ولا نقزت!!!
فتحت ميار عيونها بـ صدمه وتذكرت ان الشرطه بتجي ونطقت : اتحداككك !!!
رمي مشاري الباقه الي بيده , والتفت يشوف في احد , وصار يدور مكان يبي يطلع منه وتثبت وطلع على فوق وثبت يده على الحديده وكشف البنات , وصرخت ارجوان ودخلت وميار انخرشت ماتوقعت أنه بيطلع بسرعه لهم , ورفع رجله بيدخل , وتجمد بمكانه من سمع اصوات الرجال والسيارات والنور , والتفت عليهم وحاول ينزل , لكن صعب ينزل , ولو ينقز ببيت البنات بيسهل مسكه ونزل بـ هدوء ونزل رجله على الارض , والتفت عليهم وحاول يركض , لكن المكان محاصر من كل جهه , وانمسك مشاري ودخلوه السياره , واخذوه المركز , وتقدم العسكري ودق باب البيت , وشافت ميار العسكري ولبسوا عباياتهم , والتفتت ارجوان على ميار وضحكت: متى ميار دخلت الاسلام ؟
فتحت ميار عيونها بقوه : وجع ! هههههههه
ضحكت ارجوان وطلعوا من البيت وفتحت ميار الباب , وبدت ميار تقول كل شيء وماخلت شيء ماقالته وارجوان انربط لسانها , وبعد مااخذ العسكري اقولهم , طلع العسكري ومعه العسكر متوجهين لـ القسم , وقفلت ميار الباب ورفعت يدها بـ سعاده : اخيرًاااااا
ضحكت ارجوان : نقدر نقول ارتحنا ؟
حطت ميار ذراعها على كتف ارجوان : اكيد !! هههههههه
ضحكت ارجوان ودخلوا البيت وكملوا مذاكره والان يقدرون يذاكرون وهم مرتاحات .
-
« بعد اربع ايام »
رجعوا البنات لـ الرياض لكن المره ذي سلمان معهم ورغد وسعود بقي بالديره لان الجد ناصر رفض يروح معهم ومااحد يعرف السبب , لكن سعود ما استفسر ولا قال لهم شيء , ومعتمد على رِهام بالمطعم ومرتاح .
« بـ الرياض »
جالسين حول بعض ويفطرون وبيروحون البنات الجامعه الا ليالي , والتفت سلمان على ليالي وابتسم : الملكه يوم الجمعه !
لفت ليالي بـ صدمه على سلمان : تمزح ؟؟
ضحك سلمان : علامك ؟ ايه الجمعه والزواج بعد شهرين !
انفجعت ليالي وهم مره متسرعين : سلمان وش له السرعه ؟
وقف سلمان وضحك : يالله بودي ترف وارجع لك بنروح السوق !
غطت ليالي وجهها وبصوت باكي : انا ماصدقت ان عندي اوف !!!!
ترف : عاد ياليت يوم عندك اوف انك بترتاحين ! ترا عندك ثلاث محاظرات اونلاين !
عبست ليالي وجهها : الله ينكد عليك ياشيخه !
ضحك سلمان : قوميي يالله !
وقفت ليالي وراحت لـ غرفتها , دخلت وتوجهت اـ المرايه , وليالي مستحيل تدخل غرفه وماتشوف شكلها بالمرايه , ودقتت النظر بملامح وجهها , وتذكرت موافقتها الي كانت عناد بسعود وتحس انها تسرعت لكن معاد يمديها ترفض , وغطت وجهها بيديها ونطقت : احسن يالياليي احسنن !!!
ولفت وتوجهت لـ سريرها واستلقت عليه وتناظر بـ السقف , وضحكت من تذكرت الخيمه وخوفها منه , وماقدرت تنام بسبب الخوف , لكن هو اعطاها كل الأمان وقدرت توثق فيه , واخذت نفس بـ هدوء , وزفرته , وغمضت عيونها ومر أمامها عيون زياد , وحدتها , وبلعت ريقها بـ توتر , وفتحت عيونها , ووقفت بـ سرعه وطلعت من الغرفه تبي تهرب من التفكير بزياد , ودخلت غرفة سلمان وشافت رغد حاطه سماعه بـ اذنها وترقص , ضحكت ليالي : شعنده ؟ هههههههه
التفت رغد على ليالي وهزت راسها تبيها تعيد واشرت ليالي لها تنزل السماعه ونزلتها رغد ونطقت : شفيج ؟
جلست ليالي على كنبه : وش سر هالروقان ؟
ابتسمت رغد , وبسبب ميانتها مع ليالي نطقت : ممكن عشان بوسه من حبيب روحي ؟!
صرخت ليالي بـ صدمه وضحكت: اوففففف خالي طلع رومنسي !!! هههههههه
ضحكت رغد وتخصرت بتمثيل لـ الغضب : ايهه شعبالج خالج طايح من عينج؟! وبعدين قلبي ترى باجي  على زواجج شهرين واشوفج بعدين تقولين العن من جذي حق حبيب القلب زياد
غطت ليالي وجهها بـ فشله : بدينا بدينا طقطقه
ضحكت رغد : عاد انا اليوم مزجه وحدي مستانسه خلينا نلبس عشان نطلع مع سلمان ؟!!
وبدوا البنات يتجهزون وجاهم سلمان : يلبى مرتيي
رفعت ليالي راسها لـ سلمان ونطقت: سلمان تراني بينكم !
ضحك سلمان وتوجه لـ رغد وحضنها من الخلف ونزلت الميكب الي بيدها , ووقفت ليالي وركضت بتهرب ونطق سلمان بصوت عالي : زواجك بعد شهرين هههههههه
ضحكت رغد ونطقت : من اليوم وانا اتطنز عليها هههههههه
ضربها سلمان بـ خفه على راسها : لقيتي شيء تتطنزين عليه !
ضحكت رغد , وشد سلمان على ظهرها وقبلها بـ عنقها قبله صغيره , وابتعد وكملت رغد تتجهز , ثم طلعوا لـ السوق .
-
« الجمعه , بـ الديره »
الكل كان قايم من الفجر وأهالي المدن جو الديره عشان ملكة ليالي وزياد, والسعاده ملئت قلوبهم , ويجهزون لـ الملكة بكل حُب , وطلعت ليالي من غرفتها , واستغلت روحت الجد ناصر والعيال لـ سوق الديره, وسالت عن سعود وقالوا عن مكانه , ودخلت المجلس ودقت الباب , ورفع سعود راسه وفتحت تعقيدت حاجبه من شاف ليالي , وتنهد بـ ضيق , وتقدمت ليالي بـ هدوء ونطقت: بتترك بنتك ؟ لهدرجع صرت معاد اهمك ؟
وقف سعود , وتقدم لـ ليالي بهدوء : يمكن بنتي معاد اهمها ولقت واحد غيري !
عبست ليالي وجهها ونطقت : واذا لقيت واحد ثاني مستحيل ألقى مثل خويي
زفر سعود وتقدم حضن ليالي ونطق : الله يوفقك ياليليي وكنت معصب ومنقهر وسويت كذا ! اعذريني !!
ابتعدت ليالي عن سعود : انسى وتعال نكمل الاغراض !
ابتسم سعود وطلع مع ليالي وشاف التجهيز لـ الملكه والزوالي , والعقود , ونطق سعود : كيف شعورك الحين ؟
رفعت ليالي كتوفها واخذت نفس بـ هدوء وحرفيًا ليالي ماتعرف كيف توصف شعورها : مااعرف ! كل شيء متلخبط !
ضحك سعود والتفت عليها : لا تخافين زياد رجال لقالوا رجال ! وبتعيشين افضل حياه دامك مع زياد !
ليالي : الله يكتب الي فيه الخير ,
وتركت سعود وراحت تتجهز ورجعوا الرجال من السوق وصار وقت اذان المغرب وطلعوا الرجال اـ المسجد
« وعند البنات »
دخلت ليالي الغرفه المتجمعين فيها البنات يتكشخون , ولفت رغد على صوت كعب ليالي , ورفعت حاجبها بـ اعجاب ونطقت: ما شاء الله تبارك الرحمن !
ريم : بسم الله عليك !!! وش ذا ليالييي وش ذالجمال !!!!
جميله بـ اعجاب : عيني عليك بارده !!! تهبليننن
وقفت رغد وتقدمت لـ ليالي وحطت يدها على عضدها ونطقت : ليالي  شرايج تقعدين اهني ونقعد انسولف بس ماتنزلين ؟!
ضحكت ليالي ونطقت : ليه ؟
رغد : ما شاء الله تبارك الرحمن دره غاليه والصراحه اخاف عليج من العيون طالعه زوقه اتينيننننن تبارك الرحمن صاروخ ماشاءالله
ضحكت ليالي وحضنت رغد : بنزل شوي واطلع ومراح اطول اصلًا بس لين العقد وادخل غرفتي
حطت رغد يدها على صدرها واخذت نفس : تمام قلبي الي يريحج؟
ولفت رغد وجلست حول البنات واخذت قلوبهم بالغصب وقدرت تخليهم يحبونها ويعتبرونها وحده منهم , وبعد ماانتهى الكل , نزلوا لـ مجلس الحريم , ودخلت حور على الحريم , وام حاتم ماتناظر فيها وعابسه وجهها من شافت حور داخله وصدت عنها , ولفت راسها بهدوء من سمعت نوره ترحب بحور : ياهلا ببنتنا حور ياهلا بام عتيق ! بسم الله عليك يامي انتي الله يحفظك من كل شر ! ومن عيون الحساد !
**** : ما شاء الله حور حامل ؟
نوره « ام خالد » : ايه حامل الله ياسر لها حملها وتجيب لنا هالحفيد !
والكل بدا يردد ذكر الله والتفتوا يباركون لـ ام حاتم وترد عليهم بـ الغصب وواضح من صوتها , وتقدمت حور وجلست جنب عمتها نوره , وكانت نوره كل شوي تعطيها وتاخذ حلى وتعطيها وقهوه , وحور عشان عمتها ماتقدر تردها , وهمست : عمه تكفين والله بطني يوجعني !
ام خالد بـ خوف : بسم الله عليك فيك شيء ياقلبي ؟ تبين تروحين مستشفى ؟؟
ضحكت ام حاتم بـ استهزاء: مافيها شيء يام خالد دلع بنات !
التفت ام خالد عليها وناظرتها بـ استغراب ونطقت: خل تتدلع من حقها ! دامها بين عمانها بنحطها بعيوننا !!
صدت ام حاتم ولا ناظرتهم , وحور تفشلت وقامت , طلعت من المجلس وماسكه نفسها ماتبكي , وطلعت لـ قسم امها , وكانت بعيد ويفتح على الحوش , وطلعت تركض , وتبكي , وفجاه انلفت رجلها وهي تركض , وطاحت على الارض , وصرخت من حست بالام قوي بـ ظهرها , ولحسن حظها كان احد الاطفال موجود , وسمع صوتها وراح يركض لها ونطق : حور !! حور وش فيككك !!
كانت حور تبكي وتتالام ونطقت : روحح روحح لحاتممم
راح الولد لـ مجلس الرجال ودخل وهو يلهث , ونطق بـ صوت عالي : حاتمم حور طاحتت وتبكيي
التفت حاتم على الصوت الي يناديه و وقف ووقفوا العيال ونطق سلمان : وش تقول !!!؟؟
الولد : كانت تعدي وطاحت بقوه عند باب عمي فايز !
وطلع سعود وحاتم ومجيد وسلمان يركضون لـ قسم فايز , وحور تتطوا والعوار سيطر عليها , وقرب حاتم بـ سرعه لـ حور ومسح على وجهها ونطق : حور
تقدم سلمان وصرخ : حاتمم يالله خل نوديهاا المستشفى!!!
ودخل مجيد عند باب الحريم وصرخ ينادي على البنات و سمعته ريتال ووقفت خلف الباب ونطقت : عبدالمجيد ؟؟ علامكك ؟؟
مجيد بـ صوت عالي : بسرعهه جيبي عباية حور اعدييي اعديييي بسرعه لاتتطولينن
انخرشت ريتال وطلعت تركض تجيب عباية حور , ورجعت ورمتها عند الباب واخذها مجيد وغطوا جسد حور وراح مع حاتم عبدالمجيد وبقي سعود وسلمان عشان الرجال والملكه , ودخل سلمان و نطق الجد ناصر بـ قلق : سلمان البنت علامها ؟
حاول سلمان يبين ان مافي شيء ونطق : لالا مافي شيء بس الولد الله يهديه كبر السالفه !
زفر الجد ناصر والتفت عليهم عتيق ابو حاتم وهمس لـ سلمان : حور حامل ! لايكون بيصير لها شيء !
سلمان كان متوتر وخايف مره لكن حرص مايبين لـ احد : لا طيحتها خفيفه وشوي وجاي حاتم لا تحاتي !
هز ابو حاتم راسه بـ الايجاب , وكملوا الملكه ووصل الشيخ , ووقع زياد واخذ سعود الكتاب وراح لـ المقلط , وكانت ليالي واقفه ورغد عند الباب تكلم ليالي وماتبي احد يدخل ويشوفها ودخل سعود والابتسامه شاقه وجهه ونطق : وجاء اليوم الي نشوف ليالي عروس !!
ضحك سلمان ونطق : وام عيال هههههههه
عقدت ليالي حاجبها : لاتطقون!!!
مد سعود القلم وضحك : وقعي وقعي عشان تصيرين حرم زياد !
سند سلمان كتفه على الباب ويناظرهم ويناظر مناقرة سعود لـ ليالي , ونطق سعود : ماقول الا ياحظ زياد !
ضحك سلمان : انشهد انه محظوظ دامه احذ بنتنا ليالي !
ابتسمت ليايل وخانها التعبير حرفيًا وتقدم سعود وقبل راس ليالي : مبروك ياليليي والله يوفقكمم يارب !!
ليالي : الله يبارك فيك !
وتقدم سلمان يبارك لـ ليالي وطلع من المقلط ودخلت على البنات وصرخت رغد وحضنت ليالي بـ سرعه , وحضنتها ليالي وضحكت من فرحة رغد ، وتجمعوا البنات حول ليالي والكل يبارك لها ورفضت تدخل المجلس وحرفيًا كان المجلس مليان من عمات زياد وخالاته .
-
« بـ المستشفى »
كشفت الدكتوره على حور وتاكدت من صحتها , ومسح وجهه بـ راحه واخذ نفس من تاكد ان حور مافيها شيء والجنين مافيه شيء , ولفت الدكتوره على حور ونطقت : تبين تعرفين جنس الجنين ؟
عقد حاتم حاجبه ونطق : بان ؟ حور بالشهر الرابع !
الدكتوره وهي تناظر السونار ومبتسمه : باين باين !
ناظر حاتم السونار وفتح عيونه بـ صدمه ونطق : بنت ؟
صحكت حور بـ صدمه ومسكت يد حاتم ونطقت : بنت ؟
هز حاتم راسه بـ الايجاب وسالت دموع العين من فرحها , وحضن حور بـ قوه وبكت حور وهي حاضنه حاتم من السعاده والفرحه وحاتم يردد ذكر الله ويحمده , وابتعد عن حور , وتناظرهم الدكتوره ومبتسمه ونطقت : مبروك ياعسل وتقر اعيونكم بشوفتها ! لكن ياقلبي لازم ترجعي بالشهر الخامس تتاكدي
هزت حور راسها بـ الايجاب , وعدلت عبايتها , وساعدها حاتم وطلعوا من عند الدكتوره ووقف مجيد وتوجه لـ حور وحضنها : حور بخير ؟
حضنته حور ونطقت : انا حامل ببنت !
ابتعد مجيد وناظرها بـ صدمه وضحك : احلفي ! بصير خال لبنت ؟؟؟؟ حوررر
حور ضاحكه : ايوهه ايوهه
حضنها مجيد بـ قوه ونطق : يارب انك تعدي الخمس شهور الباقيه وتمر بسرعه
ضحك حاتم وابتعد مجيد عن حور وسندها وطلع من المستشفى, وكل دقايق يرجع يسالها وش تحس فيه الان , لين تاكد انها بخير ورجعوا لـ بيت الجد ناصر .
-
« بـ بيت الجد ناصر »
الرجال قاموا يتعشون , وطلعوا سلمان وسعود لـ المقلط ونادوا ليالي تنزل لهم , ودخلت ليالي ونطقت : شسالفة ؟
سعود بـ ابتسامه: لا بس نبي نشوفك !
التفت سلمان على سعود وغمز له , ومسك سعود ذراع ليالي ونطق : قررت اني اغير عادات الديره المخنزه وتشوفين زياد بما انك حرمته خلاص !
انفجعت ليالي وناظرته بـ صدمه وهزت راسها بالنفي : سعودد خيرر !!! سلمان !!
رفع سلمان كفينه ورفع حاجبه : من حق زياد والله !!
ضحك سعود وطلعوا لـ المشب , وسلمان راح يدور زياد , ودخلت ليالي ولوح سعود لها : مع السلامه !!
تقدمت ليالي ونطقت بـ غضب : سعود وش ذالحركات وربي لو يدري ابوي ان يذبحنا !
مااهتم سعود لـ العواقب ونطق : دامك حلاله خذي راحتك !
وقفل الباب وطلع وشاف سلمان جايه ومعه زياد , واشر سعود على معصمه : خمس دقايق !!
ضحك زياد : البخل !
ضربه سلمان بـ خفه على كتفه : ترا خاطرنا بحياتنا عشان الخمس دقايق
زياد : اجل مشكورين دزوها !
عقد سعود حاجبه : طرده محترمه ياللواء زياد !
سحبه سلمان ونطق يمزح مع زياد : مشينا مشينا لا ننام بالتوقيف اليوم !
ضحك زياد ودخل المشب , ورفع راسه على ليالي وداخ من شاف فستانها الاحمر وموت زياد الأحمر وطول النظر بـ تفاصيل ليالي , وحدة ملامحها , وطول عنقها , وتقدم زياد بـ كل هدوء , وتذكر قصيده توصف جمال ليالي وبدون تردد صار يرددها :
تفتنين .. وتلفتين .. وتتلفين
كل هذا بس في رعشه هدب