عند البنات
بدا الكل يروح لغرفهم راحت ام سلطان وبناتها لقسم نواف وام حور لقسم فايز والجده فاطمه راحت لغرفتها وام خالد وخلود ، بقي ليالي وحور وترف وريتال ، كانو البنات متواجدات بقسم ليالي لان القسم بعيد عن الازعاج وكبير ويقدرون ياخذون راحتهم .
حور بهدوء : بنات انا خايفه احس مدري حاتم وانا مدري
ليالي : يقلبي يحور انتي توكلي على الله وخلاص انتهى صرتي زوجته
ريتال ابتسمت بخفه : مدري بس احسه حليل
ترف وقّفت : انا بسوي شاهي ونتكلم عن العزيمه شرايكم ؟ خلو عنكم الضيم وربي طفشت
حور ضحكت: تم سوي
ليالي ارسلت لها بوسه : حي عينك هيا اقمزي سوي شاهي
راحت ترف تسوي شاهي وكملو البنات يسولفون
-
بالمطبخ
دخلت ترف المطبخ وصرخت من شافت ثلاث عيال موجودين ومعطينها ظهرهم لف جابر ومجيد ، مجيد فتح عيونه بقوه وصفق جابر وصرخ : صددد
جابر انخرش وغمض عيونه بيدينه ، ضحك مجيد على حركته ونطق : جابر ههههههههههههههه
جابر : ها افتح راحت
مجيد : ايه ايه يالله مشينا نطلع " لف على سند وهبده من ورا على رقبته " وجع اختك تو دخلت وجابر هنا وانت تاكل
سند لف وهو يمضغ الاكل ، مجيد كشر : اصص اكل بعدين تكلم مفشوح
ضحك سند وغص بالاكل
جابر : اخو راشد مجيد اخوك غص
مجيد : يولد معرف اتصرف !
سند كان يكح وياشر للعيال ، شمر جابر اكمامه وضرب سند على ظهره لين طلعت القمه .
سند ضرب جابر وبصوت رايح : ليه تضربني
جابر : وجعان كنت بتموت ترا ! ههههههههههههههه
سند شرب مويه واشر على مجيد: الله ياخذك يمنك ماتعرف تتكلم زين
مجيد رفع حاجبه: وش سويت ؟
سند : يقول مفشوح ؟ ههههههههههههههه
جابر ضحك : مفشوح ؟ ههههههههههههههه
مجيد ضحك ضحكة غريبه وطلع صوت مثل الخنزير
جابر فتح عيونه بقوه وطاح يضحك وسند شبك معه وللان مجيد مو راضي يسكت فجاه دخل عليهم الجد ناصر وبغضب دق العصا بالارض وطلع صوت ، فز سند : جدي
جابر كان يضحك ويحاول يّقوم مجيد ويحّط يده على فمه عشان مايضحكون
الجد ناصر بغضب : يثلاثي الفلس وش تسون هنا ؟
سند هجد من نبرة صوته : والله يجد اننا جوعانين ودخلنا ندور اكل
جابر كان يحاول يكتم ضحكته وناظر بالجد ناصر وطاح يضحك ومجيد معهم ، الجد ناصر ابتسم : يكثر هبالكم يالله يثلاثي الفلس اشوف قفاكم يالله
جابر بعد نوبة ضحك وقف وراح يمشي وباس راس الجد ناصر ، ضربه الجد ناصر: حركتك اليوم بعديها بس لو تعيدها يويلك
جابر ابتسم: ابشر على خشمي ، بعدين هم عندهم اهل وقسم انا لا شرايك تحطلي قسم مثل ليالي
الجد ناصر ناظره بطرف عين: ياكثر غيرتك يولد
جابر : طلبتك يابوي
الجد ناصر: هم عندهم اقسام انا عندي بيت وش كبره خلك بالبيت وش يوديك للجحر
جابر لف على العيال واشر بيده : بايي بروح مع دادي ومامي انام
ضحك سند واشر بيده : باييي
الجد ناصر: شنهو دادي ومامي ذي ؟
جابر : يبه شرايك نروح نخمد ابرك من مقابلة هالوجيه
مجيد ضحك: العب يتناقض الي عندك
سند : جدي معطيه على جوه
جابر باس راس الجد ناصر ونطق : يجعل يومي قبل يومك
الجد ناصر: الله لايقوله توك صغير امش امش خل نخمد يكفي سربته
طلعو جابر والجد ناصر
مجيد : جد ذا ينام مع جدتي وجدي ؟
سند : يسويها ههههههههههههههه
-
نرجع لورا شوي يوم طلعت ترف من عند العيال راحت تركض للبنات وفكت الباب بقوه ، صرخو البنات ، ليالي رمت المخده على الي فتح الباب
ترف : وجعاه اوجعتيني
حور : ترفوهه يتبن فجعتينا
ترف راحت وتربعت وسط البنات : تخيلو وش صار
ريتال بفضولل : وششش
ترف : دخلت المطبخ ...
ريتال : ايهه
ترف : و.....
ريتال بحماس : ايههه
ترف كانت بتتكلم قاطعتها حور ضربتها بالمخده ونطقت : تكلمي زين ولا انقمي
ترف مسكت مكان الضربه وبالم : حوررر عورتينيي
ريتال صرخت : هييي خلو هوشاتكم بعدين قولي وش صار
ترف : دخلت المطبخ وكان فيه مجيد وسند وجابر وصارت حوسه صرخت يم شفتهم ولفو علي مجيد وجابر ومجيد استغفر الله عنده غيره لا اله الا الله
ليالي ضحكت : سالفتك سامجه الا ذكرتيني مجيد تهاوش مع بنت خالي نواف
ريتال شهقت: كيفف
ليالي شرحت لهم وبنهايه الشرح: يعني السالفه كلها ان في عيال وهي جت كاشفه وغار الاخ هتخيلو لف على جابر معصب يقول اختك ليه ماتتغطى وخالي نواف قال بنتي ولا بنتك
حور ضحكت : حي عينه عمي
ليالي ضحكت : منجد
ريتال ضحكت : بنات احس جوييي
ترف : شبلاك
ريتال : كم بين عبدالمجيد ووجدان
حور : مدري مجيد ورالي 17 ووجدان 13 او 14
ريتال : ترفف سريع احسبي
ترف : ليه اله حاسبه انا ؟
ليالي ضحكت : غبيههه
ريتال ضحكت: يخي اقصد طلعي جوالك احسبي ولا بيدك
ترف ضحكت: شدراني .... اخخخخ
حور لفّت عليها : شفيك ؟
ترف انسدحت على ظهرها : مدري سجلت بالجامعه وللحين ماجاني قبول
ليالي : حتا انا بس احس بدري مدري متى تنزل بالضبط
ريتال : وناسهه يارب يقبلونكم عشان تجون الرياض
ليالي : جنو قالت تعالي الرياض حتا لو ماقبلوك وجد احس ودي اروح طفشت هنا
حور : خلو عنكم الرياض متى نروح جده ؟
ترف : يخيي تكفون خل مره نقول سالفه ونختمها ههههههههههههههه
ليالي ضحكت: جد
حور : يخي بروح اقضيي ترا ماسويت شي والمسطول حاط الزواج بعد اسبوعييننن متى الحق اخلص اغراضي
ريتال : جد اسبوعين ماله داعي كان خلها بكره
ليالي ضحكت : جد ماقصر
حور ضحكت: خير لاتطقطقون عليه !
ترف صرخت: العب بّدت تطلع حركات المتزوجات
فتحت حور عيونها بقوه : ويي بسم الله علي
ريتالل ضحكت: يقلبي خلاصص صرتي من المتزوجاتتت رسمياً
ليالي بابتسامه : ايوه بنات وش تتوقعون اول بيبي لهم بنت ولا ولد
حور تنرفزت وصرخت : خيررر بناتت
ترف : اممم اتوقع ولد مدري ليه
ريتال : احس عيالهم ثنين مراح يجيبون عشره حاتم دكتور وذي جاها قبول بمدرسه جوي المعلمه والدكتور شلون تجمعتو ؟ ههههههههههههههه
ترف : اشوا من سيدة اعمال ودكتور
ليالي ضربت كفها بكف ترف و ضحكت : حيكككك
ريتال : خفي علينا ثنوي والضابط شفتي روايات الي طالعه الحين بنت الثنوي والضابط واحط مريولي مع بدلته ههههههههههههههه
ليالي بستغراب : من ذي ؟
حور ضحكت : تقصدك يفاغرر
ليالي ضحكت: انا تخرجت من الثنوي ومن الضابط اصلاً
ترف ضحكت : تقصد زياد
ليالي فتحت عيونها بقوه : يمهه بنات خير مسرع
حور ضحكت: مسرععع !؟؟؟؟
ترف : من بعد فرح ماضنتي بتطولون دامها تقول تعالي بيتنا
ريتال ضحكت : ششاييفههه!!!! البنت تعلقت بليالي على طول
ليالي ضحكت: يمه ينات يخوف زياد تخيلت ويعع
ترففف وقفت ترقص وتغني : يبدايات المحبه
ليالي ضحكت : اي محبهه يدرجج ههههههههههههههه
حور : وهي صادقه عانيك تقولي تخيلتتوو ايههه اعترفيي عاجبككك
ليالي سوت نفسها مستحيه : يعني شوفوو "وبنبره حاده " افضل من طلال طبعاً
ريتال :بسم الله خرشتينا بالاول صرتي قطوه وبالاخير كلب
حور ضحكت باستغراب :ذي ذبه ؟
ترف ضحكت: ايههه
ليالي : تكفين لاعاد تذبين سامجه ههههههههههههههه
ريتال وقفت وراحت بزاويه اخر الغرفه وجلست
حور ضحكت: مسويه نفسها زعلانه
ترف : يقلبوو الزعلانين
ليالي : ارجعي ارجعي ذباتك حلوه خلاص تعالي
وقفت ريتال : ترا جيت عشان نفسي مو عشانكم
حور : اخمدن اخمدن فصلتن معاد بكن عقل
ليالي ضحكت : وربيي من بعد ضحكنا ذا خلاص ههههههههههههههه
-
بييت خالة زياد
كانو جالسين بالصاله وفرح تتكلم عليهم ومتحمسه وزياد ينتظر بس متى تقول عن البنت الي شافها ،
عبدالرحمن: فروحه في بنات حلوات ؟
خاله نوف شهقت : وجعع دحوم ؟؟
فرح ضحكت : بس ليالي مره مره حبيتها وقالت تعالي عندي ونامي عندي عادي
زياد ابتسم من عرفها : اسمعي فرح
فرح قربت منه وبنبره خافته: نعم
زياد بنفس النبره : من طلعك من البيت
فرح : ليالي
زياد بابتسامه عريضه : وش قالت ؟
فرح : قلت ماعندي خوات وتعالي معنا بيتنا وهي قالت ماقدر تعالي عندي اذا تبين
زياد : تم موافق
خاله نوف : هيي صاحي انت شلون
زياد : معليه ماخليها خوف
عبدالرحمن : يخاله خرشنا ولدهم اغمى عليه وطلع كذاب
زياد ضحك : اي والله خرشنيي
خاله نوف : كيف
شرح عبدالرحمن لها السالفه كلها
خاله نوف : الي جته اخته صح
زياد ضحك : ايه وشافها ولد عمها هو وش اسمه
عبدالرحمن: عبدالمجيد ، عمي ناصر يقول ثلاثي الفلس وينه ههههههههههههههه
خاله نوف : ثلاثي الفلس ؟ ههههههههههههههه
زياد : يقول ثلاثي الفلس لااشوفهم لشفتهم ذبحتهم ، عبدالمجيد وسند اخوان وجابر اخوانه سلطان وراشد تصدق !
عبدالرحمن: هتدري ان البنت الي زوجوها اليوم ماخذو شورها انها متزوجه بالغصب وحاتم ورالي بعد كذا وجهه مو وجه واحد فرحان
زياد : لا اله الا الله جد ؟
عبدالرحمن: غريبه هالعائله فجاه جينا وسطهم فجاه ابوهم يقول لنا يعيالي
زياد : تشوفف ههههههههههههههه
خاله نوف : حمستوني ازور هالعائله ودي اشوف اشكالهم
استند زياد على الجدار وزل لسانه : بنتهم موتً حمر
عبدالرحمن فتح عيونه بقوهه : شدراككك
خاله نوف ضحكت : زياد ههههههههههههههه
زياد لف عليهم : اقصد بيتهم موتً حمر ماشاءالله
فرح ضحكت: ليالي لابسه احمر اليوم
خاله نوف فتحت عيونها بقوه : فرح عيب اصص
عبدالرحمن بمزح قرب منه : اااا اعترف اعترف شايف لك شوفههه
زياد : لا يولد ابّعد علامك لصقت فيني
عبدالرحمن : مدري عنك
خاله نوف بتسليكك ضحكت : لا لا يقصد بيتهم شفيك دحوم مستحيل زياد يسوي كذا
زياد فهم انهم يطقطقون عليه ووتجاهلهم : فروحه بكره نروح مكان ؟
فرح جلست بحضن زياد ومسكت لحيته : تكفى تكفى
زياد ابتسم: سمي
فرح : بروح لليالي بكره
زياد : انا وش قلت قلت تم بكلم سلمان واذا فاضين وديتك تم
فرح باسته بخده : شكراً احبكك مره
زياد باسها براسها : يقلبي انتي
عبدالرحمن مثل انه زعل : اشك اخوك زياد بس
وقفت فرح بابتسامه: انا احبكم كلكم واحب ليالي
خاله نوف : ليالي ذي سحرتك ؟ ههههههههههههههه
عبدالرحمن : يخاله يليت بس فرح المشكله الراس الكبير
زياد ضحك : دحوممم على كيفك هو ؟
خاله نوف : انت قلت موتن حمر وفرح عطبتها واضحهه
زياد وقف : مابكم طب انتم
عبدالرحمن مسكة من يده : خلاص خلاص اجلس يثور اخذ قلبك الاحمر
لف زياد بصدمه وهبده برجله : انطم يالحمار يهبا جعلك ماتعرف شي
عبدالرحمن ضحك ولف على خاله نوف : خاللههه يعترفف اني صادق
خاله نوف ضحكت : اخيراً زياد مابغيت
زياد زفر : انتم صاحين حب على طول من اول يوم والله لوني ايش ؟
عبدالرحمن: فيه فيه امي وابوي كذا شاف امي ببيت جدي الله يرحمهم
زياد ابتسم واشر بيده : الله يرحمهم ، ولاحقين لاحقين
-
غرفة الجد ناصر والجده فاطمه
الجد ناصر مستند على السرير "جالس " ويدف جابر : ولد قم قم خل نمسي الليل سرا
جابر منسدح على رجول الجده فاطمه والجده فاطمه تلعب بشعره
جابر اخذ يدها وباسها : يجعلني مانحرم من هاليدين
الجده فاطمه ضحكت : يحعلني مانحرم منك
الجد ناصر: خلصتو يالله قم ورح لثلاثي الفلس حقكم
جابر ابتسم: راحو لابوهم وامهم وانا جيتك عند امي وابوي وانا بنام معكم هيا خل بطفي النور
الجد ناصر ضحك : جابر انقلع انقلع لعمانك يالله
دق الباب ، جابر : لو سمحت لا تدخل بنرقد
فتح سعود الباب ودخل راسه وعبس وجه : يليل ابوها انت وش عندك مسنتر عند امي وابوي ؟
جابر : انت الي وش عندك؟ انا عند مامي ودادي بنام
الجده فاطمه ضربته بخفه على جبينه : شنهي مامي ودادي ذي ؟
الجد ناصر: ادوخني فيها
جابر : تراها كلمه حلوه بعدين هيا نشوف قفاك بنرقد
سعود : امي شوفي ولدك ذا سارقك مننا
الجد ناصر: تعال تعال خذه ابي انام ومو راضي يروح
سعود : شبيبه انا جيت اخذ امي
-
جابر تشبط بالجده فاطمه : هيي وخر مناك امي مانك بماخذها
سعود توجه للجده فاطمه ومسك يدينها وضرب جابر : ابّعد يدك عنها
جابر : يولد رّوحح خل نمسي
الجد ناصر انسدح : انا برّقد ولخلصتو قوُموني
سعود : خله عندك انا باخذ اميمتي بقولها سالفه
جابر حضن الجد ناصر: خذ اميمتك انا بقعد عند دادي
ضربه الجد ناصر بخفه : كانك فليتها ؟
وقفت الجده فاطمه ولف سعود على جابر وطلع لسانه ويحرك يده يعني يقهره
جابر رفع حاجبه : رح رح لا اجي اخذها منك
طلع سعود ضحك ومعه الجده فاطمه
الجده فاطمه: وش فيك ياحبيّبي
سعود بلش مايدري كيف يقوها السالفه : تعالي تعالي
جلست الجده فاطمه وانسدح سعود على رجوله وبدا يقول شرايك بالزواج ويمهد الموضوع لها
الجده فاطمه: انا ودي اخوك يعرس
سعود طاحت كل احلامه من كلمتها ذي يعني مراح يخلونه اتزوج الا اذا تزوج سلمان ، تربع سعود ونط : العلم سلامتك يالغاليه لي ساعه امهد لك وابيك تخطبين لي
الجده فاطمه ضحكت بسخريه : انتي صادق ؟
سعود : والله اني صادق وابيك تخطبين لي
الجده فاطمه: بدورلك واشوف
سعود يبي يقولها بس خايف انها تساله شلون عرفها : شسمه ابيك تخطبين لي وحده
الجده فاطمه ضحكت: جايني جاهز
سعود بنبره سريعه : يمه يمه تكفين تكفين ارجوان طلبتك اخطبيها لي
الجده فاطمه انصدمت وش جاب ارجوان لسعود : ارجوان بنت محمد ماغيرها ؟
سعود تلاشت ابتسامته وخالف من نبرة صوت امه : مافي ارجوان بجماعتنا غيرها
__________________
سلام عليكم اخباركم ، كل عام وانتم بخير عساكم من عواده ، اول عيد لنا مع بعض شعور غريب ويجنن 🤍🤍🤍🤍'
YOU ARE READING
في شوفتك سالت دموع العين من فرحها
Randomاول رواية لي كاتبة مبتدئة جداً || ~ كُتبت بواسطة : الكاتبه ندى حسابي بـ الانستا ~ j.xiiix ~
