تجمد عبدالرحمن من شاف البنت قدامه نزل نظره على يدها وكانت ماسكه ثوبه ، استغربت ترف ان فرح صارت هالطول فجاه وشالت الشال من عيونها ، وشهقت من شافت عبدالرحمن قدامها ، عبدالرحمن تورط ونطق : معليششش !!
صدت ترف عنه ، وعبدالرحمن صكر الباب ووقف يحاول يستوعب الي صار ، اول مره يشوف ملامحها زين وطلع من القسم واضح عليه التوتر ومرتبك ، اما ترف كنسلت العبه وندمت انها جت عند فرح وكانت متوقعه محد بيجي وجلست على سرير فرح ومن التوتر رجلها تهتز ، وللان ماتدري وين فرح ، لفت لـ الدولاب وشافت فرح طالعه من الدولاب ورفعت حاجبه : ماشاءالله!!
ضحكت فرح : اسفه
زفرت ترف بغضب وتجاهلت فرح ودها تطلع بس خايفه انه للان موجود ، لفت على فرح : روحي شوفي عند الباب احد
استغربتت فرح وطلعت تشوف وماكان في احد ورجعت لـ ترف : مافي احد ليه تسالين ؟
وقفت ترف : ولا شي
وطلعت بسرعه متوجه لـ الغرفه الي فيها ليالي وجاها الحاشر وتبي ترجع بيت جدها ولا تقعد هنا .
-
« بجناح حور وحاتم, 5 العصر »
اخذ حاتم ثوبه ولبسه توجه لـ حور وجلس على السرير ويناظرها وماهو عاجبه لبسها : حور شرايك تبدلين فستانك ؟
لفت حور عليه وقامت توجهت له وعطته الاسواره : ليه ؟
حاتم وهو يقفل لها الاسواره : عاري مره !!
ضحكت حور : شدعوه حاتم بس حريم !!
زفر حاتم وابتعدت حور عنه ، ضحكت من ملامح وجه : حاتم !!
حاتم رفع راسه : نعم !! حور ترا في رجال بعد ! ومن الاخير ترا مايتغطون من بعض فجاه يدرعمون عليك وانتي موجوده !!
توجهت حور له وجلست جانبه : لاتشيل هم مراح يصير شي
لف حاتم عليها : يحور !!
ضحكت حور : حاتم تكفى حاول تسيطر على غيرتك مو طبيعيي !!!
سكت حاتم وتنهد يتامل ملامح وجها ، توترت حور من نظراته وكانت بتقوم ومسكها حاتم : ماتطلعين من الباب هذا الا مبدله فستانك
زفرت حور : وش البسسس طيبب !!
وقف حاتم وتوجه لـ دولاب حور وطلع فستان له اكمام وساتر نوعًا ما وغامق لونه: شرايك
فتحت حور عيونها بصدمه : مستحيل! اول مره اقابلهم فيها والبس كذا مستحيل حاتم مستحيل !!
قطب حاجبه وتوجه لها بغضب : يبنت الناس افهميي افهمييي ذول الدنيا عندهم خليطي رايحه وطي وامي للان تتواصل معهم نحاول فيها وابد اخواتييي اي خوات اعوذ بالله
وقفت حور وحطت يدها على خد حاتم : والله بنتبه ومحد راح يدخلل ولينا تعرف اني اتغطى تكفى حاتم
حط حاتم ايد على يد حور : لاترديني يحور بتندمين
ابتسمت حور : لا ان شاء الله مراح اندم
صد حاتم عنها وابتعد اخذ شماغه ولف على حور ونطق ببرود : بكره بنمشي جهزي اغراضك
تضايقت حور من نبرة صوت حاتم وهي مو متعوده على كذا هزت راسها وطلع حاتم وكملت تتجهز .
-
«بالكويت , بعد المغرب »
طلع سلمان ولف على علي : شسمه الي بنروح له
فك علي باب السياره : مجمع لرمايه
صفق سلمان بحماس : جوييي متحمس له
ضحك علي : شوي شوي لايطق بك عرج
ركب سلمان : اول مره اجي مكان مثل كه
علي : جد ؟ تعرف لسلاح ؟
ناظره سلمان : وجعت ابوي من عمري 10 ووهو معلمني كل شي بس ماهي بجوي ذي لسعود اخوي
لف علي وجهه على سلمان : صج ما شاء الله
وصلوا لمجمع لرمايه , نزل سلمان وشاف العيال ولبسهم ونزل نطره على لبسه ولف على علي وشاف لبس علي مثلهم : علي ليه ماقلتلي البس سروال وفنيله نفسكم !
ضحك علي : محد قالك البس دشداشة رايح تحارب بدشداشه ؟
زفر سلمان وكمل يمشي دخلوا ودخلوهم على الرمي ، لف سلمان على علي : كيـ...
رفع حاجبه من شاف رغد ، قطب علي حاجبه ولف يناظر الي قاطع سلمان ، ابتسم من شاف رغد واسيل ، رجع نظره لـ سلمان وضرب بيده قدام وجه سلمان ، وبضحكة : هيي سلمان
رفع سلمان نظره على علي : نعم !!
غمز علي : اءءءء
رفع سلمان حاجبه بصدمه : علي خير ورع !!
ضحك علي وراح يتجهز ،
شهقت اسيل من شافت علي وسلمان ولفت على رغد : شوفيي من يطالعججج
قطبت رغد حاجبه : منو ؟
اشرت اسيل على سلمان : الي تبدلت جنطتج وياه
ضربت رغد يد اسيل ، وبغضب : جم مره اقولج لاتاشرييي !!!!'
حطت اسيل يدها على فمها : اوبس
بلعت رغد ريقها : ينرفززز
تكتفت اسيل : امم شوفي هو وايد حلووو وحيل جذاب
رفعت رغد حاجبه باستغراب:احلفي ؟
اسيل : ايهه جذبنييي من اول مره شفتهه !!
ضربت رغد راس اسيل : صكيي حلججج ياسيللل !!
تقدمت رغد ولف عليها سلمان بخفه ورجع نظره لـ المكان ، لف عليهم علي : اوهه منوره
ابتسمت رغد بتسليك : بنورك
تقدمت رغد وصارت مساويه لـ سلمان ، لفت عليه ونطقت : تتحدا ؟
ضحك سلمان ونظره على الهدف : لاتتحمسين واجد !
رفعت رغد حاجبه : يعني تقول انك بتفوز ؟
ناظرها بطرف عين ورفع حاجبه من شاف حجابها وعبايتها ولف على اسيل وكانت عكس رغد ، رجع نظره لـ السلاح ورفعه : اذا فزتي لك مني الي تبين
ابتسمت رغد وهي متاكده انها بتفوز عليه وعلموهم التعليمات والي يرمي بابعد مكان يفوز بدوا وتوترت رغد من شافت سلمان هادي وماهو متوتر وانتهوا والنتيجه كانت فـُ....
-
«ببيت ام حاتم »
نزلت حور بهدوء ومتوتره وخايفه ماتدري ليه وكلام حاتم يتردد ببالها وكان يحذرها من منى ماتنكر جاها فضول تعرف منى من وليش حاتم يحذرها ويبيها تبعد عنها ، وصلت لاخر درجه ورفعت راسها انصدمت من شافت الحريم والبنات وشدها لبسهم ، توترت من نظراتهم ، قامت لينا وتوجهت لـ حور وحضنتها ، همست : كيفك ؟
نطقت حور بنفس النبره : ماتوقعت انهم كذا !
لينا : يحور انتبهيي
ابتعدت حور عن لينا وابتسمت ، اخذتها لينا وتوجهوا لـ خالات حاتم وعرفتهم على حور
شتت ام منى نظرها عن حور ولفت على ام حاتم : ذي الي متزوجها حاتم ؟ هههههههه
رفعت حور حاجبها من كلامها ، زفرت لينا بغضب وهي من اليوم تحاول تحترمهم ووتحملهم عشان امها
ام حاتم بدون نفس : والله يمنيره اني مااخترتها ولا شي الولد وابوه راحوا وخطبوا البنت بدون مايقولون لي
ضحكت ام منى : تارك بناتنا ملكات بالجمال وكل وحده يطرح فيها المثل ومتزوج ذي ؟
ماتحملت لينا ونطقت : ذي عندها اسم يخاله حور واذا انتم ماتشوفونها ملكة جمال مو مهم يكفي حاتم يحبها ويموت بالارض الي تمشي عليها وربي يعطي ناس جمال وياخذ منهم ادب واخلاق
ام منى بابتسامه خبيثه : البنت جمالها يغطي على جميع عيوبها الجمال يعمي
لينا : كل شخص وتفكيره مو لازم نفسك وانا بنظري الاخلاق والادب اهم شي بالبنت
ضحكت ام فهد : علمي نفسك الادب ياستاذه لينا
لفت لينا على ام فهد وعطتها ابتسامه بتسليك وتجاهلتها وجلست جنب حور وتفور عصبيه ، انتبهت حور لـ بنت وهي من جلست والبنت ماكلتها بنظراتها ، همست حور لـ لينا : هذي مين
ناظرت لينا بمنى ونطقت بدون نفس : يوهه ذي منى الغثيثه
رفعت حور حاجبها وركزت بملامحها وكانت منى قمه بالجمال : ماشاءالله اجل ذي منى
قطبت لينا حاجبه : من وين تعرفينها
شتت حور نظرها عن منى وبطرف عين : اعرفها
استغربت لينا من وين تعرفها حور ، طفشت وتنتظر متى يقومون ويروحون اخذتهم السوالف وحور مانطقت بحرف ولينا كانت اذا غلطوا ترد ولا تقدر تسكت ،
ضحكت ام فهد وهي تناظر بـ حور: حور متاكده انك عروس ؟
قطبت حور حاجبها من كلمة متاكده ، كملت ام فهد : بالعداه العروس تجينا مليانه ذهب وكاشخه لاكن اشوف العكس لبسك لبس بيت مو عروس ولا اشوف ذهب ولا شي ؟ هههههههه
كانت بتتكلم حور وقاطعها من تكلم حاتم عشان يدخلون البنات ، ودخلوا البنات على انهم مايتغطون الا ان حاتم يرفض انه يجلس معهم ، دخل ودور حور بنظره وانتبه لها وكانت تشغل نفسها وماتناظر بحاتم ، ابتسم من شافها لبست الفستان الي طلعه لها ، سلم على خالاته وتوجه لـ حور ، جلس ونزل نظره على يدها ومن التوتر كانت تجرح نفسها باظافرها ، وهمس : شوي شوي ذبحتي نفسك
رفعت حور نظرها على حاتم وهمست : مو سويت الي تبيه ؟ انبسطت ؟
ابتسم حاتم : والله وسويتيها !!
تنهدت حور وكانت تناظر بخالات حاتم وضايقتها نظراتهم مره ، ونسى حاتم نفسه ومن قوة اعجابه بـ حور الابتسامه شاقه وجه طلع من عندها وهو منفسه وجابت راسه من سوت العكس وفاجأته ،
كتمت لينا ضحكتها من شافت حاتم تمادا بنظراته ونسى انه بين خالاتها ، رفعت ام حاتم حاجبها بصدمه من حاتم وصفقت بيدها : حاتممم
لف حاتم عليها وتلاشت ابتسامته العريضه من شاف نظرات خالاته : سمي
ابتسمت ام حاتم ونطقت وهي راصه على اسنانها : خالاتك جاين عشانك !!
رجع حاتم ظهره وصار مستند على الكنب : ايهه الله يحيهم البيت بيتكم
نطقت ام فهد وهي حاطه رجل على رجل : اكيد بيتنا بما انه بيت اختنا !
كشرت لينا من تكلمت ام فهد ، ولينا للاسف ماتتحكم بنظراتها وتعابير وجها ، لف حاتم على لينا وضحك بخفه من شاف وجها ، لفت عليه وهمست : يفقع كبدي
حاتم بنفس النبره : تحمليي تحملي
تكلم حاتم مع خالاته وهو ماقدر يتكمل وقرر يطلع لف على حور وسحبها معه ، رزت لينا نفسها وهي عاجبتها حركات حاتم قدام خالاته وفرحانه لانها عارفه ان ضغطهم مرتفع بسبب حور ، دخل حاتم المطبخ ومعه حور ، تنهدت حور : شفيك مقومني معك ؟
حاتم وهو فاتح الثلاجه بياخذ مويه : اشتقت لك
ضحكت حور : اشوف النفسيه زانت ؟
نزل حاتم الكاسه وتقدم لـ حور وبابتسامه عريضه : الي يشوفك ماتزين نفسيته ؟
كانت حور كاتمه ضحكتها وتشهد على تناقض حاتم ، تقدم حاتم لها ومسك يدها ونظره على حور ويـ تامل تفاصيل وجها ، بلعت ريقها بتوتر وابتعدت بسرعه وكانت بتطلع مسكها حاتم : على وين ؟
حور : حاتم انا بطلع ماابيهم يفقدوني
زفر حاتم وهو شبع من تصريفات حور ورغبته فيها مو قادر يسيطر عليها ، ابتعد واخذ كاسته ، وطلعت حور بسرعه ،كانت منى معطيه المطبخ ظهرها ، شافت منى ان حور طلعت من المنظره ، وابتسمت انتظرتها تبعد وعدلت شكلها وكان لبسها عاري جدًا ! ، توجهت منى لـ المطبخ ودخلت شافت حاتم معطيها ظهره تقدمت بابتسامه ودخلت يديها جوا ذراعه وحضنته من الخلف ، ابتسم حاتم من توقع انها حور وشد على يدها و..
-
«بالكويت »
لفت رغد بقوه على اسيل وضحكت بفرحه : فزتتتت
صارت اسيل تناقز من الفرحه وحضنتها ، ابتسم سلمان من فرحتهم ولف على علي وشافه مكشر : شفيك ؟
علي : شفينيي ؟؟؟؟؟ "وضخم صوته " ابوي معلمني من عمري 10 وينننممههههه
ضحك سلمان من تقليد علي : الي ربي كاتبه بيصير
زفر علي بغضب من سلمان ويناظر رغد ومستغرب فرحتها ،
لفت رغد على سلمان ونطقت بغرور : قلتلك !
ضحك سلمان بخفه : فكينا من الغرور يالمهندسه رغد
رفعت رغد حاجبه باستغراب: مهندسه ؟
ابتسم سلمان ونظره على الارض : : الشنطه تطلب منا نفتح اوراقك
فهمت رغد قصده ونطقت : هاردلك وان شاء الله بالمره الجايه تفوز
ناظرها سلمان بطرف عين : متاكد انه اخر لقاء لنا ان شاء الله
ضحكت رغد بخفه : ويمكن هذي بدايه ؟
سلمان : ما اتوقع
قطب علي حاجبه من كلامهم وعباره عن الغاز ومايدري وش يقولون لف سلمان بيمشي ووقفه صوت رغد ، لف عليها : نعم
طلعت رغد من شنطتها صوره وتقدمت لـ سلمان : لقيتها بجنطتك
فتح سلمان فمه بصدمه من شاف صور ليالي وترف وهم صغار ، اخذها بسرعه ونطق : كيف تاخذينها ؟؟
رغد بتوتر : لقيتها مرميه يمي !!
زفر سلمان بغضب ونطق : مشكوره انك رجعتيها
ابتسمت رغد ولفت على اسيل وطلعوا من المكان وندمت انها تكلمت
، لف علي : سلمان شنو صاير ؟
سلمان بهدوء: ولا شي
علي : شنو ماكو شي وشنو هالصوره ؟
لف سلمان بغضب على علي : يكثر اسالتك يولد خلاص اسكتت
طلع سلمان معصب وخلفه علي مايدري ليه معصب ووش بالصوره وطلعوا متوجهين لـ الفندق .
-
«بـ بيت ام حاتم »
شافت نهى ان منى دخلت وراحت لـ حور ونطقت : انتي حور ؟
لفت حور وبابتسامة: ايوه يقلبيي
نهى بابتسامه عريضه: يقلبيي اذا ماعليك امر ابي مويه من المطبخ لكن انا اول مره اجي هنا ولا اعرف
استغرب حور ان اول مره تجي : كيف اول مره
تورطت نهى واقرب تصريفه ببالها قالتها : ا..ا..انا ماكنت اجي بيت خالتي كنت بالخارج يوم نقلوا هنا فهمتي
ابتسمت حور ونطقت : تمام يقلبي اجيب لك
ابتسمت نهى بتسليك لـ حور وتوجهت حور لـ المطبخ ، ابتسمت نعى بخبث وحركة يدها ، بهمس : بايي هههههههه
وتركت حور وراحت لـ خالاتها وهي متعمده تسوي كذا عشان حور تشوف حاتم ومنى ،
دخلت حور لـ المطبخ ووقفت بصدمه من شافت البنت الي خلف حاتم ، حاولت تركز بالولد وهي متاكده انه حاتم ، حطت منى خدها على ظهر حاتم ومغمضه عيونها ، عرفت حور انها منى ، تملت عيونها دموع وانصدمت من حاتم طلعت بسرعه من المطبخ وكانت بتطلع لـ جناحها ووقفتها وحده من بنات خالات حاتم: دقيقه
صدت حور عنها وتمسح دموعها بعنف رجعت نظرها لـ البنت ، ابتسمت من عرفت ان حور بكت ونطقت : شفتي منى ؟
حور : لا
البنت ضحكت : تدرين ماشاءالله حظك حلو منى كانت خطيبة حاتم لكن تكنسلت ومنى تعشق حاتم واتوقع حاتم نفس الشيء
انصعقت حور من سمعت كلمة خطيبة حاتم ، وماتركت البنت تكمل وطلعت لـ جناحه وبدون وعي منها نزلت دموعها ، حست بقهر وحرقه انضغطت وبقوه من شافت منى خاف حاتم ومنصدمه كيف حتم قدرت يحضنها ، وقفت وتوجهت لـ دورة المياه بدلت فستانها ومسحت مكياجها ولبست بجامتها وتركت الكل خلفها ونامت ،
حاتم ، لف حاتم على منى وكان متوقع انها حور ، وتلاشت ابتسامته من شاف منى قدامه ابتعد بقوه وبغضب : وش تسوينن انتي !!!
ابتسمت منى وبدلع مقرف : حضنتك
صد حاتم عنها : الله لا يسامحك انتي ماتستحينن؟؟!!!!! يبنت الناس متى تفهمين انا الان متزوججج
تقدمت منى لـ حاتم ونطقت بسخريه : لو تحب زوجتك كان عرفت من اول مو على طول بادرت
بلع حاتم ريقه ، ونطقت منى : ليش سكتت ؟ لان كلامي صحيح ؟
حاتم : انقلعيي ومن انتي عشان تجي تقولين احب حور ولا مااحبها مالكم دخللل !!!
منى : كيف متحمل حور ؟ هههههههه يعني لا جمال ولا ذوق ولا شي
نطق حاتم بغضب : يشيخه وانتي الي عندك ؟ حور اجمل منك وانظف منك ماهي وحده تعرض نفسها لرجال وتروح تكلم وتحضن رجال متزوج عندهاا حياء والحياء ذا ماهوب عند الكل
صنمت منى بمكانها وطلع حاتم بسرعه قبل يشوفه احد وطلع مع باب البيت ، اخذ نفس يحاول يستوعب الي صار ، مسك راسه بصدمه من جرائتها ، لف من سمع صوت لينا ،
قطبت لينا حاجبها ونطقت : شفيك ؟
حاتم بتوتر : مافيني شي
لينا : الا بسالك حور وينها دورتها بالبيت مالقيتها
دخل قلب حاتم الخوف : وينها ؟؟؟
رفعت لينا كتوفها : مدري دورتها ولا لقيتها وشفتك طلعت قلت اسالك
تركها حاتم وطلع لـ الجناح ، فتح الباب وشاف القسم كله ظلام ، شغل الانوار وصار ينادي حور ، مافي رد توجه لـ غرفة النوم ، كان بيفتحها لاكن مقفله ، رفع حاجبه بصدمه ، وصار يضرب على الباب ، قامت حور من الصوت القوي وهي اخذت غفوه كسرت جسمها تكسير والنفسيه انعطبت ، وصرخت : خيررر
حاتم بغضب : حورر افتحيي الباب
ضحكت حور بقوه وفجاه بكت ، للان حلتم مايعرف وش في حور وخلاها تصير كذا ، ضرب الباب برجله : يحوررر افتحييي
عدلت حور فراشها وغطت اذنها بالحلاف وسحبت على حاتم ، تعب حاتم وهو يحاول فيها عشان تفتح الباب وطلع لـ المطبخ يدور المفاتيح الاحتياط ، زفر براحه من لقاها وتوجه لـ الباب وصار يجرب بالمفاتيح ، وفتح حاتم الباب و...
فتح حاتم الباب بقوه ، وفزت حور من فتح الباب ، وقف حاتم وصرخ بغضب : انا قلتلكك فكي البابب !!؟؟؟
وقفت حور وتقدمت لـ حاتم وبنفس نبرة صوت حاتم : لاتصايحح عليييي
رفع حاتم حاجبه : والله ؟
صدت حور عن حاتم ومشت بتطلع من الغرفه ، ووقفها : اهجدييي
سحبت حور يدها بقوه : لا تلمسنييي ولا تقرب منيي حاتم !! ،
تكتف حاتم ووبنبرة مستفزه : ليه مو انتي زوجتي ؟ وعادي باخذ حق من حقوقي ؟
فتحت حور عيونها بصدمه : اذا تبيهه تلقاه عند منى ،
قطب حاتم حاجبه من اسم منى ، ضحكت حور من سكت حاتم ونطقت باستهزاء وتحرك يدها :وينن الي يقول انا احبك انا عيوني ماتلف لبنت ثانيه غيرك انا انا انا كلام كثير خرطييي طبعًا يدكتور حاتم شفت خطيبتك السابقه وانهبلت صدق شلون انفصلتوا؟
وحطت يدها على فمها وشهقت : لا يكون بسببي ؟
انجن حاتم من كلام حور ، ودخلت حور غرفة الملابس وصرخت : بتودينيي بيت اهلي ماني بقاعده عندك
توجه حاتم لـ حور : طلعه من هالبيت مافيه الا على جثتي
رفعت حور حاجبها وبغضب : والله ان توديني وانت ماتشوف الدرب
زفر حاتم بغضب وتقدم لها : كل الكلام الي قلتيه غلط بغلط ومدري كيف شفتينا لكن انا بعدتها منيي !! يحور والله انها هي الي جايتنييي ولفت علي كيف مدري !! وعبالي انتي رجعتييي لكن كانت منى وهذي وحده وصخه مسترخصه نفسها وحقت اشياء يحور الله لايبلانا ومتعوده على الاشياء ذي وعشان كذا ماكملت معها والوصخ يبان يحور و***** متعوده
ضحكت حور من انتي ، وبنفس الوقت تغيرت تعابير وجها لـ غضب : انا ؟ وجعتن يحاتمم ماتعرف مرتك ؟؟ اذا على كذا بتقعد تحضن حريم العرب وليهه تسويي كذاا وهي تعرف انك متزوج ؟؟؟
مسكها حاتم من عضدها : وانتي مخليتني اعرف مرتي ياستاذه حور ؟
رفعت نظرها على عيون حاتم : ماله دخل يدكتور حاتم
نطق حاتم وهو راص على اسنانه : الا له دخل ياستاذه حور كل ماجيت بقرب انحشتي وحش انا ؟؟
دفت يد حاتم عنها وطلعت شنطتها الثانيه : ايه وحشش ،
وضحكت : مجهزه ذي على اساسا نشوف سفرتك يدكتور حاتم مير انها على حظي عشان مااتعب وانا اجهز لبيت اهلي
سحب الملابس مو يد حور بغضب : ماتفهمينن انتييي !! روحه لبيت اهلك مافيهههه
دفت حور حاتم من صدره اكثر من مره ، وماقدرت تتحمل ونزلت دموعها ، وبغضبب : من اليوم احاول اتحمل كلام خالاتك وتجي انتتتت وبنت الكلب ذيكك وتحضنككك المصخنهه ماتدري انك متزوججج ؟؟؟؟
نزل حاتم يد حور ونطق بصخريه : لا يشيخه متزوج ؟؟ وبعدينن متى تفهمينن انن كل ذا عشان يخربونن بينااا حقدد وحسددد وامي بكبرها تبيني اتزوج منى وهي تعرف منى كيف !!!
ابتعدت حور من حاتم وطلعت بسرعه من الغرفه ، واخذت جوالها ، فتح حاتم عيونه بقوه من شاف حور فتحت على المكالمات ، بدون وعي ركض لها وصرخ : حوورر
كانت حور بتدق على سند يجي ياخذها وسحب حاتم الجوال ، رفعت حور راسها : خيررر !!!
حط حاتم الجوال خلف ظهره : من كنتي بتدقينن عليهه ؟؟؟
حور بغضب : اخوانييي !! حاتمم عطنيي الجواللل
ابتعد حاتم عن حور وقفل الجوال وفتح الشباك : تبينن ارميه ؟
فتحت حور عيونها بصدمه : لا انت انجنيت خلاصص
حاتم : واحدد ياستاذه حور ثنين ثلا...
ماقدرت حور وجوالها فيه كل ذكرياتها مع عمتها مزون وابوها ، وصرخت : خلاص خلاصصص
قفل حاتم الشباك واشر لـ حور على السرير : اهجدي بمكانككك وبقولك السالفه
تكتفت حور ونطقت بعناد : ماني بجالسه عندك مشكله
فتح حاتم الشباك ، وصرخت حور : خلاصصص بجلسس
سكر الشباك ولف على حور ، وشافها جلست وتناظره تنتظر متى يتكلم واشرت بيدها : اخلصص ولا والله لطلع واعلمم عميي !!
حاتم بصدمه : تبين موتي انتي ؟؟
ابتسمت حور باستفزاز: مو تقول ماتطلعين الا على جثتي ؟
جلس حاتم مقابل لـ حور وقال لها السالفه وبـ النهايه : يبنت الناس والله اني هاوشتهاا يبنت مادريتت عنهااا !! افهميي !!
رفعت حور حاجبها : يعني تباني ارضا الحين ؟
هز حاتم راسه ، وضحكت حور : باحلامك
زفر حاتم بغضب : حوور احدريي الشيطانن !!
ناظرته حور بطرف عين : لانكلمنييي وبعدينن اعرف مرتك يالطيبب مو تمشي وتحضن النسوان وتجي تقول كان على بالي انتيي !!
ابتسم حاتم : تبشرين هخلاص عيني من الله خير وفهمتي وش صار ومنى معليك نقول للينا وتمحطها لك
تجاهلته وقفت ، وتوجهت لـ غرفة الملابس ، قطب حاتم حاجبه وتوجه لـ الغرفه ، دخل وشاف حور تدور ملابسها : وش تسوين ؟
لفت حور عليه وبابتسامة مستفزه : اجهز اغراضي بروح لاهلي
مسك حاتم راسه : يراسي ماتفهمين ؟
تجاهلته حور وقعدت تجهز اغراضها ، تقدم حاتم ومسكها من عضدها ووقفها ، رفعت حور نظرها على حاتم : نعم شفيك تعاين كه يحاتم لاتطول السالفه وهي قصيره بروح بيت اهلي !!
مرر حاتم اصابعه على خد حور : لا ولا شي وروحه مافيه يحور الا اذا ..
نزلت حور يد حاتم من خدها : الا اذا ايش ؟؟؟ دزها لوسمحت
عاندها حاتم ورجع يده على خدها ورفع فكها وقبلها بثغرها بدون سابق انذار ، كان حاتم مو تارك لها مجال تبتعد ،ونزل الثانيه اسفل خصرها ، شدها لـ جهته ، و نزل راسه ودفن وجه بعنق حور ، نزلت دموعها ونطقت بهمس : حاتم
ماعطى حاتم لـ حور وقت تتكلم ، وماقدر يسيطر على نفسه : مااقدر اصبر اكثر من كذا يحور
نزل يدينه على خصر حور وو.....
(كتمه يالربع طلعنا )
-
-
«الصباح , بيت زياد »
سوت نوف الفطور وافطر الكل وصار وقت رجوع البنات لـ الرياض ، بالاول الكل ماكان وده يرجع لفت ليالي على سعود ونطقت بخوف : شرايك نكنسل ونروح ل ابوي افضل وجدتي فاطمه
رفع سعود حاجبه باستغراب : لا والله اقول خلصوا خل نمشي
تنهدت ليالي وهي صايره تخاف من الطرق ، دخلت المجلس ورفعت نوف راسها على ليالي ونطقت : ليالي يبنتي فيك شي ؟
هزت ليالي راسها : لا يخاله مافيني شي
اشرت نوف لها تجيها : تعالي
توجهت ليالي لـ نوف ومستغربه ، وطلعت الصعوط : ذا خليه دايم معك زين للمرتاعين
ضحكت ليالي : شقصدك يعني انا مرتاعه ؟
ضحكت نوف بخفه :احتياط يامي وولا تسمعين كلامهم تراهم كذوبين جن وما جن الحمدلله انتي مافيك شي بس خوف
ابتسمت ليالي لـ نوف : مشكوره تعبناك معنا اليومين ذي
نوف : اي تعب يبنتي راحتكم تكفيني
قامت ليالي : هـ استاذنك بروح اشوف وين ترف بنمشي
نوف : الله يستر عليكم وتوصلون بالسلامة
ليالي : الله يسلمك
توجهت لـ الغرفه ودخلت على ترف ، قطبت حاجبه من شافت ترف جالسه على السرير ونظره لـ الجدار وواضح مسرحه ، تقدمت لها وصفقت بيدها : اوهه ترفف بنت
رفعت ترف راسها بخفه لـ ليالي وبهدوء : هلا
ضحكت ليالي مستغربه هدوء ترف : يالله مشينا بسم الله شجاك !
وقفت ترف بسرعه ووقفت ليالي : مين بيودينا ؟
قطبت ليالي حاجبها : مدري والله ورالي زياد
زفرت ترف : وعبدالرحمن
ضحكت ليالي : شعندك تسالين ؟ شدراني والصراحه ماابي اروح مع عبدالرحمن ورع واحس ماش
لفت ترف تلبس عباتها : عاد زياد الي ما شاء الله برتاح مع عبدالرحمن اكثر من زياد
ليالي ربفعت كتوفها وبضحكه : ولا واحد الصدق
عدلت ترف نقابها : خلصتي ؟
فتحت ليالي الباب : من اليوم مخلصه اخلصي انتي علي
ترف طلعت خلف ليالي : يالله مشينا ،
ركب زياد السياره ولف على عبدالرحمن ، وبغضب : يولد اقعد هنه خالتي وفرح يقعدون لحالهم !
عبدالرحمن: نادر بيجيي !! تكفى زياد ماابي اقعد !!
شغل زياد الجيب : السيارة زحمهه زحمه مافي مكان
ابتسم عبدالرحمن: الشنطه اركب فيها ! فكره صح
لف زياد على عبدالرحمن : شرايك تنقلع
زفر عبدالرحمن بضيق : يالله توصلون بالسلامة
ضحك زياد وحضن عبدالرحمن : قلها من قلبك
عبدالرحمن: من قلبي معليك
فتح سعود الباب الي جنب السواق وتنهد : وينك يسلمان
لف زياد على سعود وضحك بقوه ، .: عبدالرحمن خذ غسيله
ضحك سعود : لا ماراح اعطيكم عين لا تخافون هههههههه
ضحك عبدالرحمن ، وقفل باب زياد ، وجع لـ الخلف ، استند على الجدار ونزل نظره بالارض من طلعوا البنات ، توجهت لـ ليالي لـ الباب وركبت ، وترف لخصت عبدالرحمن ورجعت نظرها بسرعه ، وتوجهت لـ الباب خلف سعود ، رفع عبدالرحمن طرف عينه وشاف ترف ، وللان يمر بـ باله ملامح وجهاا وملامحها البريئه ، وملامح الخوف الي انرسمت على وجهاا وقت دخولها ، كان التفكبر بـ بنت صعب بالنسبه لـ عبدالرحمن حاول ينسى الموضوع ويشيله من باله ، و رفع يده وبابتسامة اشر لـ العيال وبصوت مرتفع : في امان الله توصلون بالسلامة
ابتسم زياد واشر لـ عبدالرحمن وطلعوا متوجين لـ الرياض وكان الخوف متملكهم كلهم بدون استثناء ، وزياد قبل يمشي تاكد خمسين مره على السياره ، واخذ سعود السماعه وصار يشغل على ذوقه وغثهم بالاغاني الهابطه والحزينه والدق وكل انواع الاغاني حطها ، ومن اليوم يتجنب اغنيه الذاهبه وشغل اغنيه وكانت حماسيه ويرقص عليها ويضحك وتغير جوه بمعنى الكلمة ويطقطق مع زياد ومغير مودهم ، وبدون سابق انذار اشتغلت الذاهبه لـ خالد عبدالرحمن ، تلاشت ابتسمات سعود من اشتغلت الاغنيه ، بلع ريقه وبسرعه اخذ الجوال يغيرها ، يحاول يتعود على الموضوع ويرجعه شي يذكره بـ ارجوان ، طفى السماعه ورجع ظهره لـ المرتبه وكشر ، لف عليه زياد واستغرب تغير مود سعود بدقيقه ، وهمس : سعود فيك شي ؟
لف سعود عليه بهدوء : لا ليه ؟
ماحب زياد يساله كثير ويتدخل باموره : لا والله شي
ورجع نظره لـ الطريق وكملوا متوجهين لـ الرياض.
-
«بـ بيت الجد ناصر, »
قام الكل مروق وفيهم طاقه غريبه جلس الجد ناصر بـ مجلسه وبيبانه مفتوحه على الحوش واشعت الشمس داخله من الشباك ، قام جابر من النوم وتذكر انه نسى يعطي جده دواه امس ، وطلع يركض لـ المجلس ويعرف دايم الجد ناصر متواجد بالمجلس ، دخل المجلس وزفر براحه من شاف الجد ناصر جالس ومبتسم ونطق باستغراب : علامك يجابر ؟
توجه جابر لـ الجد ناصر وباس راسه ونبر : اعذرني يجد امس من التعب نمت بدون اعطيك علاجك والله اني اسف اني نمت بدون مااجيك و اوعدك اخر مره والله معاد انام الا لشفتك نمت وكان قومتني اعطيك !
ضحك الجد ناصر وطبطب على كتف جابر : مجيد عطاني سالتي وقلت لا وسالت عنك قال نام صح استكرت نومك هالحزه وقال اقومه ورفضت وعلمته وعطاني معليه يابوك لاتوسوس
وقف جابر : يجد قمت وجيتك اعدي ماغسلت وجهي حتا
ضحك الجد ناصر: يالله روح غسل وصل اليوم ماشفتك بالمسجد !
حك جابر راسه بورطه : شسمه اخذتني نومه وماقمت
دخل نواف وجلس جنب الجد ناصر ورفع نظره على جابر ونطق : صحيح جابر انت الحين صف ثاني ثنوي او اول صح ؟
تلاشت ابتسامة جابر وعبس وجهه بضيق ، انتبه الجد ناصر ولف على نواف : ماتعرف ولدك رايح اي مرحله ؟
هز نواف راسه : والله يبوي مااعرف
ابتسم جابر بخفه ونطق بهدوء : ثالث ثنوي
رفع نواف حاجبه : ماشاءالله اثرك كبير !
هز جابر راسه : ايه
ولف على الجد ناصر: يالله بجد استاذنك
وطلع بدون يقول كلمة لـ نواف ، حزت بخاطره وتوجه لـ المغاسل يوضي ، انتبه مجيد له وتوجه لـ جابر ، وقف وقرب راسه من وجه جابر ، عبس وجه من شاف ملامح وجه جابر ، ونطق : افا شفيك زعلان ؟
تنهد جابر بضيق : لا ماني بزعلان
قطب مجيد حاجبه : تلعب علي يجابر ؟ الا عانك مكشر في احد ضايقك ؟ اروح اتهاوش معه واخليه يندم انه زعلك ،
ابتسم جابر ونظره على الماء : بتتهاوش مع ابوي ؟
مجيد باستغراب: ابوك ؟ وش سوا
لف جابر عليه بعد ماقفل الماء : ولا شي صليت ؟
حط مجيد ايدينه على كتف جابر : ولا شي ؟ يجابر انت فيك شي ولا مستحيل تزعل كذا
حضن مجيد بقوه ونطق : ليه حظنا كذا يمجيد ؟
ضحك مجيد : يولد داعن علينا
ضحك جابر بخفه : شكله
ابتعد جابر من مجيد
وفتح مجيد ذراعينه : يولد والله ان فيني جفاف عاطفي وبقوه تعال تعال خل اضمك
ضحك جابر وماخلاها بخاطر مجيد وحضنه : انا اعبر منك
ابتعد جابر وحط ذراعه على كتف مجيد : السنه ذي لازم نجيب نسبه
مجيد : والله ماضنتي
مشى جابر ومعه مجيد : الا بتجيبها ان شاء الله وندخل الجامعه مع بعض مو واحد يدخل والثاني لا
ضحك مجيد بسخريه : ورالي ولا واحد بيدخل
ضحك جابر وشال ذراعه من مجيد : تفائل بالخير وتجده
ضرب مجيد راس جابر من الخلف : مسوي مثقف انت ووجهك
رفع جابر حاجبه بضحكه : ماله دخل يدرج !
طلع مجيد من الغرفه : يالله صل صل الحين في احد يصلي !! الله يسامحك بس
ناظره جابر بطرف عين : صليت انت ؟
مجيد : طبعًا رحت مع جدي لمسجد وانت تشاخر
اخذ جابر قارورة الماء الي جنبه ورماها على مجيد : وليهه ماقومتني !!
طلع مجيد منخرش من شاف القاروره طايره وصرخ بخوف على ان القاروره حجمها وسط ، ضحك جابر ، وصلى الي فاته وانتهى ، طلع وشافهم متجمعين بالمجلس يفطرون والسوالف والضحك وطقطقت مجيد الي ماتنتهي ، ابتسم براحه ودخل يفطر معهم .
«بجناح حور وحاتم , الظهر »
اليوم وقت سفرة حور وحاتم وفضل حاتم مايقو لـ حور وين المكان وللاسف من الديره لـ المطار وقت طويل ومابقى شي على الطياره
قام حاتم وشاف الساعه فر بسرعه وصرخ : حور حور حورر !!
فزت حور: نعم !!!
توجه حاتم لـ دورة المياه : عشر دقايق ونمشيي بسرعهه
ناظرته حور باستغراب وغطت وجها بيدها والنفسيه بخشمها ، طلع حاتم وشافها رجعت تنام ، توجه لـ حور وضربها بخفه على فخذها : حور حور قوميي حور حوور
صرخت حور : حور حور حور نعمممم
حاتم : اخلصييي والله لو تروح الطياره علينا ان نرجع ولا عاد نسافر
غمضت حور عيونها ورفعت يدها : حاتم اطلع من الغرفه
وقف حاتم وتوجه لـ غرفة الملابس : ماني بطالع بسرعه اجهزي
وقفت حور بتعب وتوجهت لـ دورة المياه ، طلعت وشافها حاتم وضحك بخفه ، ناظرته بطرف عين وراحت تبدل لبسها ، بعد ماجهزوا لف حاتم عليها : كل شي اخذتيه ؟
حور بدون نفس : ايه
وقف حاتم من شاف ملامح وجها : زعلانه ؟
زفرت حور بضيق والدموع بعينها : لا شدعوه يدكتور حاتم
تنهد حاتم واخذ الشناط وطلعها رجع لـ حور ولف عليها وحضنها بقوه ، وهمس : اسف يحور
عضت شفتها بقهر ونزلت دموعها ، حس حاتم انها تبكي وبعدها عنه ورفع حاجبه بصدمه : افا يحور تبكين ؟
صدت حور لـ الجهه الثانيه ولا نطقت بحرف ، لف حاتم وجها لـ وجهه : لاتلفين وجهك طالعي فيني !
رفعت نظرها لـ عيون حاتم ، ندم حاتم على تصرفه امس ، وللاسف طلع حرته كلها بحور وانضغط من حركات منى ،
نطقت حور بهدوء : بنتاخر !
ابتعدت عن حاتم وطلعت بشنطتها ، لف حاتم مقطب حاجبه مستغرب هدوئها , زفر بضيق وطلع خلف حور وسلم على اهله ومشوا لـ المطار ويبعد عن ديرتهم مسافه طويلهه حوالي 3 ساعات اربع ، طول الطريق حور ماكلمت حاتم ، طفش حاتم من الوضع وصار يعرف اطباع حور وفاهمها وغيرتها قويه وحاتم مايباعدها كلهم مجنن وتجمعوا ، وصلوا لـ المطار , وقف حاتم السياره ولف على حور : وصلنا
لفت حور بهدوء لـ حاتم : متى تعلمني احنا وين رايحين ؟
فتح حاتم الباب : الحين تعرفين هيا انزلي
نزلت حور وتتجاهل حاتم بقدر المستطاع واقلعوا متوجهين لـ ....
-
« بعد 12 ساعه , بالرياض »
وصلوا لـ الرياض بسلامه وبدون اي احداث , لف سعود على زياد وشكره وحاول فيه ينزل لكن زياد رفض ، نزلوا البنات ودخلوا بيت ام خالد "نوره " كانت ريتال جالسه عند الباب تنتظر البنات متى يوصلون , فزت ريتال من دخلت ليالي وترف وصرخت بفرحه وواشتقت لهم مره ، فتحت ليالي ذراعها وحضنت ريتال بقوه , دخل سعود وشاف الحوسه الي عند البنات وضحك : ترا ريتال رايحه من عندكم قبل يومين
ابتعدت ريتال من ترف وضحكت : والله فقدتكم الحمدلله انكم جيتوا
حضنها سعود : هدا البيت بعد مارحتي
ابتعدت ريتال وضحكت : شقصدك يعني انا مزعجه
حط سعود ذراعه على كتف ريتال ودخلوا البيت : يعني شوفي ازعاجك حلو والله
ضحكوا البنات , وتوجهت ليالي وترف يسلمون على ام خالد , وجلسوا مع بعض وكانت بنت خالد تدور حولهم ويلعبون معها والكل بدون استثناء يعشق بنت خالد دارين , لف سعود على ام خالد ونطق : وين خالد ؟
ام خالد بابتسامه: خالد مشغول بالحيل مع ابوه الفتره ذي بالشركه صاير فيها حوسه
سعود : الله يعينهم
وقفت ريتال ومسكت يد ترف وليالي ونطقت : بسرقهم منكم شوي
ضحك سعود : حلالك مانبيهم بعد
شهقت ليالي : افا يالجحده يسعود !
ضحكت ترف ولفت وجها لـ ليالي : ماصدق نوصل سالمين كان شايل هم وانزاح
وقف سعود : اقسم بالله !! هههههههه يالله انا برقد وانتم لاتطولن نامن
ابتسمت ريتال بتسليك : يصير خير
ضحك سعود وراح لـ المجلس , وطلعوا البنات لـ غرفة ريتال , دخلوا الغرفه وجلست ريتال على سريرها وجلسوا البنات حولها , لفت ريتال على ليالي ، : الحين مو انتم ماشين من يومين ليش رجعتوا ؟
تنهد ليالي وقالت الي صار معهم لـ ريتال , انصدمت ريتال من الي صار وحضنت ليالي : يقلبيي كيفك الحين ؟
ابتعدت ليالي : الحمدلله ،
لفت ريتال على ترف ونطقت : اشبها ذي رايحه بعالم ثاني ؟
ضحكت ليالي : لها يومين وهي مو طيبه وخصوصًا امس واليوم
دفت ريتال كتف ترف : هيي بنت وينك
لفت ترف مقطبه حاجبه : ريتال !!
ريتال باستغراب: ترف شفيك شصاير معك ؟ صح انتي هاديه لكن معنا ممنوع تصيرين هاديه !
ابتسمت ترف بخفه ورجعت نظرها ، نطقت بهدوء : مدري وش فيني
ووقفت : اسفه ريتال لكن انا مااقدر اكمل معكم بانام
ريتال : عوافي يقلبي انتي ارتاحي جاين من خط
وقفت ريتال معها وورتها مكان غرفتها ، رجعت لـ ليالي ، ونطقت : ترف صاير لها شي ؟
رفعت ليالي كتوفها : مدري والله معليه خليها لقامت كلمتها
جلست ريتال وبابتسامه عريضه : ايه شصار زياد ساعدك ؟
قطبت ليالي حاجبها: ريتال !!
ضحكت ريتال : شدعوه شفيك عصبتي ؟
ليالي : ماعصبتت !!
رفعت ريتال حاجبها بضحكه: ماعصبتي هههههههه
ناظرتها ليالي بطرف عين: تحديني اقوم واتركك
مسكتها ريتال : لالا اقعدي مراح اطقطق هههههههه
بعدت ليالي يدها : مسويه طالعه منها تراك فاقشه راس عساف
ابتسمت ريتال : يلبى احس واوو علامتي معلقه بجبهته هههههههه
ضحكت ليالي : متى تعقلين انتي ؟
ريتال : لين اتزوج عساف
رفعت ليالي يدها : يارب تزوج ريتال باسرع وقت
رفعت ريتال يدها مع ليالي : امينن بس اتزوج عساف !!!
ضحكت ليالي وحضنت ريتال من طرفها ، ابتعدت ليالي ولفت على ريتال : بنام عندك
تنهدت ريتال واشرت على ليالي : الحلم عساف والواقع ليالي
فتحت ليالي عيونها بقوه , وضربت ريتال على كتفها بخفه : يالوجعانه !! هههههههه
انسدحت ريتال وفتحت ذراعها : تعالي تعالي هههههههه .
-
«العصر , بـ بيت ابو طلال »
اتصلت وصايف على ارجوان وطلبت منها تجي معها لـ كوفي مع صاحباتها وودها تعرفهم على ارجوان , وافقت ارجوان لانها طفشت من البيت وكرهته بشكل , تجهزت وطلعت لـ وصايف , ابتسمت وصايف : نمشي ؟
هزت ارجوان راسها : ايه يقلبي
طلعت وصايف وخلفها ارجوان , ركبت وصايف السياره , وصنمت ارجوان من شافت مشاري وعرفت ان الي بيوديهم مشاري , كانت بتتراجع , لكن ركبت ماكان ودها يخرب يومها بسبب مشاري ,
قبل تركب قالت وصايف لـ مشاري ان ارجوان بتجي معهم , ماعرفها وكان متوقع وحده من صاحبات وصايف ولا هي البنت الي تهاوش معها , ركبت ارجوان والقت السلام , ناظر مشاري من المرايه , ورفع حاجبه من عرفها وكانت البنت ذيك , مانطقت ارجوان بحرف وطول الطريق ساكته ووصايف تكلمها ولا ترد , وقف مشاري عند كوفي معروف وكبير ونزلت وصايف مع ارجوان , دخلوا الكوفي وقابلت وصايف صاحباتها وعرفتهم على ارجوان ما ارتاحت ارجوان معهم مره وتسايرهم لكن جذبتها وحده من البنات , تكتفت وصارت تناظر البنت , كانت معطيه المكان جو وتسولف معهم ومزحها وسوالفها حلوه , لفت البنت على ارجوان ، وابتسمت , نزلت ارجوان نظرها بسرعه , ونطقت ميار : ارجوان ليه ماتسولفين معنا ؟
رفعت ارجوان راسها لـ البنت وابتسمت : طبع !
ابتسمت ميار وكملت تسولف مع البنات ودخلت ارجوان غصب معهم ،
«برا الكوفي »
ناظر سعود بـ الكوفي ولف على البنات : ماعجبني المكان
نزلت ريتال : مافي عجبني ماعجبني انزلوا
نزلوا البنات , وتنهد سعود على ان ماوده يدخل ومايبي يرفض البنات دخل وطلبوا ، جلس سعود ويناظر بالكوفي وانواع واشكال بالبنات والعيال , ناظرته ليالي : ماعجبك المكان ؟
هز سعود راسه : والله المكان ماهوب زين عاني العيال كيف اشكالهم والبنات
ناظرت ليالي بالمكان والاشخاص , وشافت بنت بين بنات كثير وكلهم كاشفات ، : الله يثبتها
قطب سعود حاجبه : مين ؟
ليالي : وحده هناك بين بنات كلهم كاشفات وعبايات ملونه
سعود : الله يهدي الجميع
تاففت ريتال : لوني داره انكم كذا ما جبتكم
ضحكت ليالي بخفه : ليه ؟
ريتال : مضيمينن انبسطواا فلوهاا وشوي بنروح لـ ***** ، ولو اشوفكم تتحلطمون تهاوشت معكم !
ترف : معليكم منهم والله الكوفي يهبل
كملوا يسولفون وصل طلبهم ،
«بعد ساعه , عند ارجوان والبنات ، »
وقفت وصايف : هيا يحبياتيي مشاري وصل بنطلع عندي اغراض ضروري اقضيها الحين !
ابتسمت ميار : هيا يقلبي في استودعتك الله!
ودعوا البنات وصايف وارجوان ، و اخذت ارجوان سناب ميار فقط وودها تتعرف عليها عكس الباقيات ماودها تقابلهم حتا ، وقفت ارجوان وشافت مرائه كبيره وحبت تتصور ، توجهت لها وكانت المرائه خلف الباب ،
«عند سعود والبنات »
وقف سعود ونطق : انا بطلع متى ماتخلصوا انا موجود برا
ريتال : باي !
ضحك سعود بخفه : تبي الفكه
ضحكوا البنات , وطلع سعود متوجه لـ الباب ووقف من شاف الزحمه ولف على المرائه ، نزل عيونه سرعان من لمح البنت وصد عنها ،
تجمدت ارجوان من شافت سعود ماتدري هل هو سعود او شبه فقط ، حاولت تركز بملامحها ، لكن سعود طلع بسرعه من الكوفي ، زفرت ارجوان من شافت سعود طلع ، وطلعت بسرعه من الكوفي وو....
__________________
سلام عليكم, يحبايبيي اعذرونيي اذا في اخطاء املائيه بالبارتات الي فاتت والجايه على اني احاول اني مااغلط , واذا رجعت اقراء من جديد انعمي والكيبورد اساسا يقهر ! ،
-
حسابي انستا انزل اول باول وقبل الواتباد بايام | j.xiiix
YOU ARE READING
في شوفتك سالت دموع العين من فرحها
Randomاول رواية لي كاتبة مبتدئة جداً || ~ كُتبت بواسطة : الكاتبه ندى حسابي بـ الانستا ~ j.xiiix ~
