Unicode
၃ရက်တာ အလွမ်းဆိုပေမယ့် ၃နှစ်လောက်ကြာသလိုပဲ။ Saint ညနေ တရားစခန်းက ထွက်မှာမို့ Perth သွားကြိုရန် အလုပ်တွေ လက်စမြန်မြန်သတ်ပြီး ထွက်လာ၏။ နောက်ကျမှာ စိုးရိမ်နေပေမယ့် Perthစောစောရောက်နှင့်နေသည်။ သိပ်ကြာကြာ မစောင့်လိုက်ရပဲ Saintက အထုတ်လေးတစ်ထုတ်ဆွဲပြီး ထွက်လာသည်။
သူနဲ့အတူတူ တရားစခန်းဝင်သည့်သူများကို နှုတ်ဆက်ပြီး Perthကားရှိရာဘက်သို့ ထွက်လာခဲ့၏။ Saintက ဖော်ရွေပြီး အပေါင်းအသင်းဆန့်သူဆိုတော့ ရောက်ရာနေရာမှာ မိတ်ဆွေဖွဲ့နိုင်သည်။ ချစ်စရာကောင်းတဲ့ ရုပ်ရည်လေးနဲ့ စိတ်ထားလေးကြောင့်လည်း လူချစ်လူခင်ပေါ၏။ Perth စိတ်မချတာလည်း ဒါတွေ။
"အရမ်းပျော်လာလား"
"ဒါပေါ့ စိတ်ကို ပေါ့ပါး လန်းဆန်းသွားတာပဲ"
ကားထဲဝင်ထိုင်ပြီး ခါးပတ်ပတ်ဖို့ ပြင်နေတဲ့ Saintကို Perth ဆွဲဖက်လိုက်သည်။
"တအားလွမ်းနေခဲ့တာ"
Perth တော်ရုံနဲ့ မလွှတ်ပေးပဲ တင်းတင်းကြပ်ကြပ်ဖက်ထား၏။ ရေချိုးလာလို့ထင်သည် ကိုယ်သင်းနံ့လေးက သာမန်ထက် ပိုမွှေးကြိုင်နေ၏။
"လွှတ်ဦး"
Saint လွှတ်ခိုင်းတော့ Perthအသာတကြည်လွှတ်ပေးလိုက်သည်။ Perthက Saintမျက်နှာလေးကို လက်လေးနှစ်ဖက်နဲ့ တယုတယကိုင်လိုက်၏။
"ခေါ်သွားစရာ တစ်နေရာရှိတယ်"
"ဘယ်လဲ"
"လိုက်ခဲ့ရင်သိမှာပေါ့... မွ"
Saint နှုတ်ခမ်းကို ဖြတ်ခနဲ နမ်းလိုက်ပြီး ကားစက်နှိုးကာ ထွက်လာခဲ့သည်။
နွေရာသီဆိုတော့ ညနေစောင်းနေတာတောင် အလင်းရောင်က မပျောက်သေးပေ။ Perthခေါ်လာတာက နာမည်ကြီး စားသောက်ဆိုင်တစ်ခု။ ကြီးကျယ်ခမ်းနားလွန်းပြီး privateဆန်သည်။
Perth လက်ဆွဲခေါ်ရာနောက်ကို Saint လိုက်လာခဲ့၏။ အခန်းတွေအများကြီးကို ကျော်ဖြတ်ပြီး အခန်းတစ်ခုကို ရောက်တော့ သူတို့ကို တံခါးဖွင့်ပေးသည်။ အထဲဝင်ဖို့လုပ်နေတဲ့ Perthကို Saint လှမ်းဆွဲလိုက်၏။ Perthက သူ့ကိုကြည့်နေတဲ့ Saintအား မျက်ခုံးလေးပင့်ပြီး မေးသည်။
ΔΙΑΒΑΖΕΙΣ
I Found You
FanfictionThis fiction is being written to raise funds for PerthSaint' graduation.
