ဟိန်း ပြောရင်း ရှိုက်ကြီးတငင်ငိုမိသည်။ သူ့ နှလုံးသားတို့ နာကျင်မှုဒဏ်ကို မခံစားနိုင်တော့ပေ။ လက်တို့လည်း တဆတ်ဆတ်တုန်ခတ်နေပြီ။ အသံတို့လည်း နာလှပြီ။ သူ ဒီတစ်ခါ တော့ သူ၏ ဖခင်လက်ခံလိမ့်မည်ဟု မျှော်လင့်မိပါ
သည်။
" မင်း တစ်ခုပဲရွေးလို့ရမယ် "
တစ်ခုတည်း ထားရှိသော မျှော်လင့်ချက်တို့မှာ ရေစုန် မျောလေပြီ။ ဖေဖေ့ရဲ့ အတ္တမှာ ဟိန်းအတွက် ဘယ်တုန်းကမှမဟုတ်ခဲ့ပေ။ ဖေဖေ့အတွက်သာ။ သူ့ အတ္တများသည် သူ့သားနာကျင်နေလျှင်ပင် နည်းနည်းမျှပင်လျှော့မည်မဟုတ်ခဲ့လေ။
ဟိန်း နာကျင်စွာ ဖြင့် အပြုံးတုများကိုနှုတ်ခမ်း
ထက်ပန်ဆင်လိုက်သည်။
" သား သွားတော့မယ်ဖေဖေ"
" မင်း ဒါဘာသဘောလဲ ဟိန်းထက်"
ဦးကောင်းမင်းထက်ဒေါသတကြီး ထအော်လျက် ဟိန်းထက်လက်မောင်းကို ထဆွဲသည်။
" ဖေဖေ ပဲပြောတယ်လေ တစ်ခုကိုပဲရွေးချယ်လို့ရမယ်ဆို ။ သားက အဖေ့ရဲ့ အတ္တကို ရွေးချယ်ရမှာလား"
"မင်း"
ရုတ်ချည်းဆန်စွာ ကျရောက်လာသော ထိုးချက်
ကြောင့် ဟိန်း ကြမ်းပြင်ထက်လဲကျသွားသည်။စကားလုံးများဖြင့်ထိုးနှက်နေကြ ဖခင်ဖြစ်သူက ယခုတော့ ဟိန်းအပေါ်လက်ပါသည်တဲ့လေ။ ပို၍ပြိုကျလာသော မျက်ရည်များကိုသုတ်၍ ခံတွင်းအတွင်းမှ ငန်ကျိကျိ သွေးတို့ကို ထွေး
ထုတ်လိုက်ပြီး လဲကျရာမှ တမ်းထကာ
" မင်း ဒီအိမ်ပေါ်က ခြေတစ်လှမ်းထွက်ပြီးတာနဲ့
မင်းမှာ ပြန်စရာအိမ်မရှိတော့ဖူးလို့မှတ်လိုက်"
" ဖေဖေဒီလိုပြောမယ်မှန်း ကျွန်တော်သိပြီးသားပါ။ကျွန်တော်မှာခုမှအိမ်မရှိတာမဟုတ်ပါဘူးအရင်ကတည်းက အိမ်ဆိုတာမရှိဘူးလို့ခံစားနေခဲ့ရတာကြာပါပြီ။ပတ်ဝန်းကျင်ရဲ့အမြင်တွေနဲ့
အတ္တတွေ ကိုသာအလေးထားတဲ့ ဒီအိမ်ဟာ
ကျွန်တော် ကိုနွေးထွေးလုံခြုံမှုမပေးခဲ့တာကြာပါပီဖေဖေ့ရယ်၊ သားဖေဖေ့ကိုကန်တော့ခဲ့ပါ
တယ်"
ဟိန်းထက် မျက်ရည်တို့ကိုသုတ်ကာ ဖခင်အား
ဦးချကန်တော့သည်။ ဦးကောင်းမင်းထက်ကတော့ တောက်တစ်ချက်ချက် ခေါက်ကာ မျက်နှာလွဲထားသည်။
ESTÁS LEYENDO
အချစ်တို့ မြစ်ဖျားခံရာ ( complete ) BL
Romanceအကို ကျွန်တော့်ကိုတစ်ခုလောက်ကူညီပေးမလား " .... ????? " အင်းဘာများလဲ " " အကို ကျွန်တော့် နဲ့ ရည်းစားလုပ်ပါလား" " ဟင် " ..... Start - 8.10.2023 End - 18.11.2023 Zawgyi အကို ကြၽန္ေတာ့္ကိုတစ္ခုေလာက္ကူညီေပးမလား " .... ????? " အင္းဘာမ်ားလဲ " " အကိ...
အပိုင်း(၂၀) uni & zg
Comenzar desde el principio
