سَمرة

Part_8_

حاسه بخنگه أريد ابچي ماما گلتلي: هسه فوگ ما زوجتي ترا باچر تدعيلنه لان زوجناج من هيج ناس

سَمرة : الله ليوفقكم جعل كل دمعة تطلع بيكم يارب

احچي بحرگه ورافعه ايدي للسما بقت ساكته محچت شي صارت ب8 كلهن طلعن برا ورا دقايق دخل عزت وبيده صينية جايب عشا بقى بنص الغرفة ودخل للحمام يسبح ما باوعتله فاتحهكة شوي من البردة واباوع من الشباك واتذكر منظر أمير وكارهه نفسي ابچي واشهگ حتى المكياج خرب ورا شوي طلع من الحمام بقى ينشف شعره ويباوع عليه بدون ما يحچي أني منطيته ظهري واباوع على الشباك گال : متجين تأكلين؟؟

باوعت عليه وما رديت اخذله شوي شال العشا وطلع رحت بسرعه افتح البدلة حتى أنزعها أباوع على المرايا واحاول افتح بيها واني احاول بيها دخل للغرفة قفل الباب عفته وركضت اخذت تراك بيت ودخلت للحمام نزعت البدلة وعلگتها سبحت ومسحت المكياج وفتحت التسريحة واني ابچي أحس حتى صوتي واصل للغرفة غسلت وجهي وعيوني وطلعت لگيته گاعد على الگاع بصف الچربايه وبيده تلفون أني رحت گعدت بصف الچربايه على الجهة الثانية على القنفة مدار وجهه عليه ابدا واني گضيت الليل كله ابچي حسيته هو هم مقهور چان داير وجهه عني وساكت بقيت على گعده وحده ما تحركت ودموعي ما نشفن عافني وطلع بدون ميدور وجهه عليه لمن طلع حسيت اگدر اتنفس فتحت شوي من الشباك وأخذت نفسس مقهورة وتعبانة وأرجف ومتوترة أسوء يوم واسوء شعور وغير أنه أني ما متخطية اخر نظرة لأمير الي شلون گدرت اسوي بي هيچ رحت فتحت الجرار رتاج گلتلي هناك مخليتلي التلفون لگيت اول رقم عزت هو مخلي رقمه لمن دزه الي ورتاج هم سجلتلي رقمهه خليت للتلفون باسورد ودزيتلها رسالة : "گاعده ؟"

ورا شوي كتب :"ها ولچ "

اتصلت عليها گتلها : ماتحمل راح اموت من القهر والله

جاوبتني :شكو شبيچ؟

سَمرة : شبيه مثلا رتاج ماگدر اتخطى نظرة أمير والله كل ما اذكرها اموت

رتاج : سَمرة صدگ تحچين بربچ هسه أنتِ بأول يوم عرسچ وگاعدة بغرفتچ وبالچ يم أمير خلص صار الي صار شتگدرين تغيرين بعد هاهي الله يوفقه والله يوفقچ

سَمرة : بس حرام هيچ جد حرام

رتاج : عوفي كلشي وروحي صلي ركعتين اقري قرأن خليته الج بجرار ألميز تفائلي شوفي وضع عزت

سَمرة : طلع

رتاج : وين طلع ساعة حتصير ب12

احچي بدموع گتلها : ماعرف

رتاج : بچيتي گدامه؟

سَمرة : أي

رتاج : خ** بيج

سَمرة : لا اصلا هو مبين ما يريدني

رتاج : انچبي وين شافچ حتى ما يريدج هو بس شافج هيج عافج وطلع