بسْمِ الله الرَحمٰنِ الرَحْيِم
#سَمرة
بقلم : زينب الاوسي
لا تنسون التصويت + التعليق بين المشاهد + متابعة لحسابي 🤍🤍
- لم أختر الصمت أبدًا، لكنني كنت أريد دائمًا شيئًا آخر غير الكلام، كنت أريد طريقة أخرى أقل إيلامًا ليخرج كل ما بصدري، دون أن أثقل على أحد. 💔
~~~~~~~~~~~~~~~~~~~
بقيت شوي من عيني طالع حتى اشوف بيبي خلت القرأن بيدي اصوات هلاهل وهوسات مو طبيعية الكل وگف گالوا حيجي عزت ياخذها دخل لابس قاط رصاصي بس ما باوعت بوجهه مدنگه راسي أجه يمي والچكليت من كل جهه يضرب بينه رتاج نطته المسكه لزمها بايده اليمنى ولزم أيدي بالأيد اليسرى حتى نطلع الكل اطرف على جهة من الزلم الي برا رفعت البرنص اطلع عيوني حتى اشوف اصعد بالسياره ولگيت أمير گبالي لابس أسود وعيونه حمر وبيده جگاره واگف گبال الباب محمد شافه وخوزر أني حسيت جسمي رخه ونبضات گلبي تسارعت لزمتني أم عزت ساعدتني اصعد بالسيارة صعدت گدام لان عزت هو الي يسوق صعد وضل السيارة كل السيارات الي بالزفة مطلعه اغاني ما عدا السيارة الي احنه بيها ضل السيارة گتله : افتح جامة السيارة أريد اتنفس
سمعني وما رد عليه ولا حتى فتحها حسيت بخنگة مو طبيعية ومنظر أمير مجاي يروح من بالي وحقارة اهلي من جانب ثاني ابچي بصوت ناصي بس شهگاتي تطلع نطاني بطل ماي بدون ما يحچي واني حتى مارفع راسي شربت ماي وخليت البطل بصفي ورجعت اكمل بچي نطاني كلينس اخذتهن بقيت أمسح دموعي على كيف بقت تمشي السيارة فترة ووصلنه وأصوات هورن السيارات والاغاني العالية والهلاهل تقشعر وگفوا السيارات نزل عزت فتح باب السيارة انطاني أيده بس ما باوعت على وجهة لان البرنص منزلته على عيوني شفت أيده حاولت اتمسك بالباب وانزل سحب أيده وأجت أمه تساعدني انزل امشي واسبح بأديني رفعت البرنص شوي عن عيوني أريد أشوف البيت چان لازم ايدي ضغط عليها ونزل البرنص على حلگي صرت كلشي ماشوف رفعته شوي أريد أشوف بس خطوات رجليني دخلت بالباب خطوتين وأصوات الهلاهل والهوسات عالية دخلت جوه چانت الدنيا شبه مغرب مسوين كوشه گعدنه عليها ورا ثواني اجت أم عزت رفعت البرنص عن راسي بقن يهلهلن ويهوسن وصوت الديجي واصل الراس الشارع عود محد عازمين ميردون يسوون عرس لان كورونا بس أقاربهم يكفون ويوفون المهم شويه وام عزت گالت : خلوا البنية ترتاح گوم عزت
ماصدگت أرتاح شوي واگعد گوموني أخذ بأيدي وأمه ورانه وچكليت بكل مكان صعدنه درج راحت أمه تركض گدامنه فتحت باب الغرفه وگفنه بالباب وچانت عبير ولين جوه گاعدات عزت اشرلي بايده دخلي دخلت وهو راح أجت ماما ورتاج وام رتاج وبيبي ورانه دخلت للغرفة شمرت البرنص ونزعت الكعب ماما ماعرف شنو رادت تحجي وياي أشرتلها وأيدي على اصبعي : أششش لتسمعيني صوتچ
YOU ARE READING
سَمرة
Romanceفتاة قوية ولكن القدر اقوى منها ؟ غدرت من اقرب الناس تعذبت وتعنفت وظلمت من اشباه الرجال كانت تحب لكن طعنت فدخل لحياتها رجل آخر رغما عنها !! هل ستقع في الحب مرة اخرى ؟؟! ام للقدر رٱي آخر ؟! قصة حقيقية 100% بقلمي : زينب الاوسي
