سَمرة

Part _1_

بسّمِ اللهِ الرَحْمٰنِ الرَحْيِم

#سَمره

لا تنسون التصويت + التعليق بين المشاهد + متابعة لحسابي 🤍🤍

- لكل شي عنوان وأنت عنوان سعادتي 🖤.

~~~~~~~~~~~~~~~~~~~~~~~~
4:00 الفجر

اسمع صوت الاذان يرن بأذني وصوت المنبه يرن بالاذن الثانية گعدت واني كُليّ حماس بدون كسل كالعادة گاعدة بفرحة وبهجة واني متأملة انهُ رب العالمين يكتبلي يومي هذا وايامي الجاية كلها سعادة وفرح مثل ما اني منتظره توضيت واجيت اصلي صلاة الفجر كملت ورفعت ايدي للدُعاء :-

( اللهم لكَ الحَمْد على كُلشي انطيتنيا وعلى كُلشي اخترته الي اليوم اول يوم جامعتي والفرحة ما واسعتني لان حصلت على قسم يليق بيه ويليق بالتعب الي تعبته وفرحانة اني وحُب طفولتي اني وابن منطقتي والشخص الي احبه والي مااشوف حياتي من دونه صرنه نفس الجامعة يارب قدملي بي الخير واجمعني بي بدنياي وآخرتي مثل ما خليت هالحب والمشاعر الحلوة وتكبر بداخلنه ومثل مخليتنه شي اساسي بحياة بعضنه اجمعنه گدام عيون خلقك )

كملت صلاتي ونزلت جوا اسوي ريوگ شفت بابا بالمطبخ يشرب ميّ گتله : صباح الخير

مخلد : صباح النور ليش گاعده ؟

سَمرة : چنت اصلي وهسه اجيت اسوي ريوگ

مخلد : خوش تعالي وياي اريد احچي وياچ

رحت يمه وگفت گدامه گال : گعدي بابا خنحچي وياچ

گعدت يمه گال : سمعي سَمرة اليوم اول يوم الج دوام بالجامعة وراح تداومين حالها حال المدرسة ترحين بطريقچ وترجعين بطريقچ وما مسموح لأي غلط منچ لان راح تخسرين هواي خلي كلامي ترچيه بأذنچ بابا ماكو فرصة للغلط كلشي ولا السُمعه سُمعتي ثم سُمعتي زين ؟

سَمرة : ان شاء الله ماكو اي غلط اطمئن

مخلد : ان شاء الله روحي بابا كملي ريوگچ يجيكم الخط ياخذكم للجامعة انتِ ورتاج