.
.
أَلأنباار أَلسَاعه 5:30 صَ
سِمعت صوت المنبه طفيته وكمت لعبت شناو شوي علمود اصحصح ماكدر اصحصح اذا موهيج سبحت ولبست الزي العسكري طلعت من الحمام طلعت من الغرفه طبيت للمطبخ شفت الوالد والوالده كاعدين يحجون طبيت صبحت عليهم
ام اسلام :هَلا وليدي هلا
اسلام :صباح الخير....ورحت بست راسها
ام اسلام :صباح النور يكَلبي
ابو اسلام :صباح النور وليدي شلونك
اسلام :سَحبت الكرسي وكعدت اتريك.....الحمدلله يابه زين
ابو اسلام :اخبار التدريب شوكت تخلصونه؟
اسلام :التدريب الحمدلله زين ماشي حاله أنوب شهرين هيج بالقليل يلا نكمل ونروح للموصل
ابو اسلام :الله كريم ان شاء الله خير
اسلام : معرفتكم على نفسي السلام عليكم أني اسلام من الانبار عمري ٢٨ طولي ١٨٠ اسمر عيوني سود ضابط حاليا ادرب المتطوعين بس اخلصهم تدريب نروح للموصل نحارب داعش هاي هي اللحضه الي منتظرها من زمان واريدها بس تجي حياتي اقل من عاديه مابيها اي شي غير المشاكل عندي خوات ثنين واخوي مرتضى
كاعدين نتريك وسمعت صوت مرتضى يغرد
مرتضى :مامااااااااااا وين جواريبي
ام اسلام :جرار الدولاب الاول
مرتضى :ماما تعالي انتِ طلعيلي ياهن ماكو هسه لازم اتأخر من اول يوم
طبعا اني مرتضى اخو اسلام الوحيد عمري ١٩ اليوم اول يوم الي بالجامعه ادرس صيدله
طبيت شفت ابوي وإسلام كاعدين صبحت عليهم وكعدت اتريك واحجي ويا بابا واسلام
ام اسلام :طب تريك واني راح اجيبها
اسلام :كمل اكل بدون لغوه اوصلك بطريقي ...غسلت ايدي اخذت المفاتيح وطلعت وصلت مرتضى للجامعه
ابتسمت وكلتله بالتوفيق عضيدي أني راح اروح بس تخلص جامعه كلي اجي اخذك معاي
مرتضى : تمام حبيبي للجميع يارب
اسلام :وصلت للمركز وشفت الولد (ايمن،عباس،عيسى)
اسلام :السلام عليكم
الولد :وعليكم السلام
ايمن :أشرقت ونورت
عباس :شبيك يحضي طاعج وجهك من الصبح؟
اسلام :تريديني اكوم اهزلك؟
عباس :يي والله ضوجه
اسلام :كوم على مكتبك،اشتغل وانت ماتضوج
عيسى وانت طالع صيحلي حيدر خلي يجيب الملف الي وصيته عليهم اذا ماكو زحمه
عيسى :تدلل حبيبي ولا يهمك
اسلام :ابتسمت والتفتت اكمل شغلي بنص الشغل وسمعت صوت التلفون يدك باوعت شفتها هي تنهدت بضيق وخليته صامت اتصلت أكثر من مره بس مارديت وخليته صامت
حيدر : فتحت الباب....صباح الخير ضابط اسلام هذا الملف الي وصيت عليه خاص بأسماء المتطوعين شوفه وأنطيني رئيك
اسلام :صباح النور خليهم ع المكتب،عفيه عاشت ايدك....خلصت شغل ورحت اخذت مرتضى من الجامعه ومن بعدها توجهت للبيت سبحت وتغديت وطبيت توني أريد اغفي واتصلت عليه جاوبتها بقله صبر
اسلام:الووو
لارا :هلاو حبيبي
اسلام :ها محتاجه شي شبيج متصله؟
لارا :تحجي بمياعه... ماكو شي بس حبيت اتصل اسأل عنك اشوفك ماتريد تحجي وياي
اسلام :تنهدت..... لاموهيج بس تعبان من الشغل لا أكثر
وهسه عن اذنج تعبان أريد انام مع السلامه...... وسديت التلفون ونمت
كعدت ثاني يوم نفس الروتين كعدت الصبح وصلت مرتضى ورحت للدوام الضهر ساعه 12 ونص تقريبا اتصلت بيه الوالده
اسلام :هلا يُمه
ام اسلام :هلا وليدي
اسلام :ها يمه محتاجين شي؟
ام اسلام :لاعيني ماكو شي بس اليوم عدنا خطار ع الغدا ولازم تجي
اسلام :مننو الخطار؟
ام اسلام :ناس بس تجي تعرفهم
اسلام :بس أني عندي شغل مراح أكدر اجي
ام اسلام :ابني عوف الشغل وتعال ....
___________________________
هلااا كرزاتي الحلوات؟؟.
هذا اول بارتتتت اريد الفففففف تصويت حته استمر♥️.
YOU ARE READING
يَرحلون ونحنُ نشتاقْ
General Fictionبيه عِتاب لو تِسمعه تكول أني هَل كثر تعبت كَلبك !
