حجاهـا عيونـه رأسن أحمرن هزت راسها مجاوبتـه بنَـعم والعجيب دموعها بعدهن ينزلـن
هز راسـه هاد أيدها ورعشه صارت بجفوف أيده يهز براسه ويردد
- مامتندم اعترفتلج.. هذا إلي جان بگلبي وحجيته
رفعت أيدها تمسـح بدموعها وأردفت بحس متوسل
- مراح تخرب علاقتنـه مـٰؤ؟
هز راسـه ضام شفته داخل فمه بنفي
- أحبج حَتـه مـَـِن نخربحجاهـا ورفع عينه صافن بوجهه ورجع گال
- منـدري يمڪن يجي يوم تحبيني بيـه!
دارت راسها بسرعه رادت تطلع ركضت خفت تشوفني والاتبين حسو اكو واحد سمعهم ، بعدني مصدومه بعدنـي أحاول استوعب سبب "رفضها" رجعت للغرفه جانت ضلمه خطواتي جانت حذره وفجأه دست ؏ رجلها صرخت وحجه بحجتين بجت فزت بثينـة مشغله الايت تضوي عليها وحسها نَاعِس ثكيـل
بثينـة: شبيج دره..
مدنگـه تفرك برجلها وتشهك عبالك مدعومه صرت بصفها واحجي ويـه بثينـة
ليال: ضلمـة ودســت رجلها.
- غير تشغلن الايت !
- رجعي نامي ماكو شي "تتعاير"
- شتتعايـر مشوفينها نطت ، خاف فاصخه رجلها؟
- متبجي على رجلها عياره هايَ مال البجي
إني حجيت هيجِ وهيـه رفعت عينها تباوعلي متيقنـه إني سامعه كلشي جلبت بيه تهمس
دره: ليال فدووهه..
ليال: لا فدوه ولا بطيخ ..
ردت أحجيّ رفعت أيدها تريد تسكتني بثينـة تخبلت جلبت بيـه إلى أحجيّ، كضيت وحجيتلها الشفتـه نسطرت
بثينة: ليش دره!
ضلت مدنگـه راسها حاضنه رجليها الصدرها وتردد
دره: مـٰؤ بيدي واللّٰه مـٰؤ بيـدي ..
بقت بثينة تلوب طار النعاس مـَـِن عيونها شويـه وگالت
بثينة: يَعني حاسبته اخو؟
مسحت دموعها معدله گعـدتها عيونها تتأرجـح بيناتنه هدوء مريـب دام دقايق، شويـة وحجت
دره: لا محاسبتـة اخو ..
حجتها صافنـه على الكاع ورموشها منگعه دموع كملت تردف وكلما عيونها تدمع أزيـد
- حبيتـه بعمر الجانت أمي تضفرلي گصايـب
دموعـها نزلن طاحـن بحضنها خانگتـها عبرتها
YOU ARE READING
اغصان يتيمة
Romanceثلاث اغصان تنمو في شجره بَادِية لكل غُصن حكايه مُتَمَايِزه أحدهم يكافح الفقر دون أيدي واخرهم يكافح الحياه بلسان سَلِيط وآخرهم حَطَّمَ دون ذنب يحَتضَنَهم مـَـِن طَرُوَ قلبة الضَرَر بماضي سِرِّيّ بقلمي الكاتبة وَرْد حيدر
𝐏𝐀𝐑𝐓 29
Start from the beginning