رغبات خاصه 🔥

الحلقه 10

عند اكرم

ناض اكرم الساعه11 الصبح وكالعاده خدي دووش ولبس دبشه وطلع لقي امه واخته ريماس مقعمزين ع الصالون جي اكرم وكان مستعجل شوي يبي يطلع
اكرم....امي راك تنسي موعدنا ف اليل باهي اليوم بنمشوو لحوش عمي علي❤️😉
سعاد....لالا مش ناسيه اصلا وانتا نايض طول علي حوش عمك
اكرم....هههه ربي يخليك ليا يااحلي ام بالدنيااا نا عندي مشوار تبي نجيبلك معاي شي
سعاد...سلامتك
اكرم....غمز لي اخته ريماس عشان توتي روحهااا بكري اليوم وركب في سيارته ومشي عنده شوي خدمه وبعدها بيمشي يحلق ويرتب روحه شوي لبيانه.....❤️

انا ....طلعت من الدوش وطول مشيت للدار لقيت ريان مطلع كل شي عشان تساويني كويس وطلعني حلوه طلعت الميكاج وساوت الفقطان وقاتلي تعالي نجففك شعرك توا ونبدا فيك
انا....وانتي امتي بديري ع روحك
ريان....ماعليك مني توا نجهزك وبعدين توا نلبس اني ع السريع المهم انتي تواا نبيك احلي وحده...❤️🙂
انا....اكيد هاذي بنطلع احلي وحده من بيكون غيري
ريان...هههااااا مافيش احلي مني هنا فاهمه
انا....اي اي فاهمه ومابتيش نزيد الكلام معا ريان لانا عارفته مستحيل تتحملني بكل ريان من اخر مشكله معا عادل وبعد ضربها الطريحه هديكا تغيرت البنت360درجه مش عارفه شن يلي صارلها قعدت تقول لا وبداا عندها حضور ومعاش تخاف من حد بكل وعجبني تغيرها لانا هك للافضل
قعدت ريان تجهز فيااا لبياني قصدي نهاري الاحرف ونا نفكر كيف رح يمشي اليوم هذاااا 🙂🔥

انيسه.....جهزت ورتبت كل شي ورنت علي ولدها محمد لانا محمد كان طالع وماشي للجامعه اليوم معا معتز
محمد....رد علي امه نعم ياامي
انيسه.....وين انتا ي محمد نبيك في حاجه
محمد... والله حاليا معا معتز بس قوليلي شن في😳
انيسه....اليوم بيان اختك خلود ونبيك تمشي للتشاركيه تجيينا كراسي وشوي حاجات توا نبعتهلك ف رساله وبيش تروح بكري عشان ترتب معانا شوي نبوك
محمد....باستغراب ومن يلي قاله ادير بيان مانبوش منه شي احني
انيسه....مش عارفه بس بوك هوا قالي هك وبالله عليك ي محمد مش ناقصتك راهو خلوقي ضايقه اسكت ودير يلي نقولك عليه
محمد.... باهي حاضر وسكر الخط وكلم معتز وقاله يمشي لاول تشاركيه
معتز.... باستغراب إنشاء الله خير شن في
محمد....مافي شي عندنا بيان اختي بس وامي تبي شوي حاجات😐
معتز ....اها باهي ربي يتمم ع خير بنقولك شن صار ف خوك عادل لياااا فتره ماسالتك عليه
محمد....قاعد نفس الشي بس سيب الحوش وقاعد ف استراحه صاحبه ليه توا قريب شهر ماروحش
معتز.... إنشاء الله ريي يسهل اموره والله عادل راجل كويس اي بنقولك مرته وين قاعده معاكم او في حوش اهلها
محمد.... قاعده معانا ليش تسال انتا
معتز....لا مافي شي بس مجرد سوال خيرك انتا اليوم كل مانقولك ع شي تقولي ليش تسال شن تغار عليها شكلك....😂🔥
محمد...ااااء تي لا بس استغربت بس
معتز....ههههههه يستر الله منك انتا ومن فعايلك ادير ف يلي مايندار
محمد...بالله اسكت وامشي وين ماقوتلك ووجهه وله احمر محمد قريب انفضح قدام صاحبه....🔥🙂